ଆପେକ୍ସ ଆଇ.ଟି.ଆଇର ଦ୍ୱିତୀୟ ବାର୍ଷିକ ଛାତ୍ରଙ୍କୁ ବିଦାୟ ସମ୍ବର୍ଦ୍ଧନା
କଟକ : ନିଆଳି ବ୍ଲର ଦେବୀ – କନ୍ଦଳ ଦ୍ବୀପlଞ୍ଚଳ ଅନ୍ତର୍ଗତ ପତ୍ରକଣା ଆପେକ୍ସ ଆଇ.ଟି.ଆଇର ଦ୍ୱିତୀୟ ବାର୍ଷିକ ଛାତ୍ରମାନଙ୍କୁ ପ୍ରଥମ ବାର୍ଷିକ ଛାତ୍ରଛାତ୍ରୀ ମାନଙ୍କ ଦ୍ୱାରା ପ୍ରତିବର୍ଷ ପରି ଏବର୍ଷ ବିଦାୟ ସମ୍ବର୍ଦ୍ଧନା ପ୍ରଦାନ କରାଯାଇଛି l ଅନୁଷ୍ଠାନର ଅଧ୍ୟକ୍ଷ ଗବେଷକ ଇଂ.ଶ୍ରୀସନ୍ନ୍ୟାସୀ ଜୀ ସଭାପତିତ୍ୱରେ ଅନୁଷ୍ଠିତ ବିଦାୟକାଳୀନ ସଭାରେ ବିଶିଷ୍ଟ କର୍ମକାଣ୍ଡବିତ,ଅଭିନେତା, ଉପସ୍ଥାପକ ତଥା ସାମ୍ବାଦିକ ବିନୟ କୁମାର ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ନିଜ ପିତାମାତା ଓ ଗୁରୁଙ୍କ ପ୍ରତି ଭକ୍ତି ରଖିବା ସହ ଯେଉଁଠି ରହିଲେ ଵି ଅନୁଷ୍ଠାନକୁ ନ ଭୁଲିବା ପାଇଁ ପରାମର୍ଶ ଦେଇଥିଲେ । ପ୍ରଶାସନିକ ଅଧିକାରୀ ମିହିରକାନ୍ତ ମହାପାତ୍ର ପିଲାମାନଙ୍କୁ ଭଲ ମଣିଷ ହେବା ପାଇଁ ଉପଦେଶ ଦେଇଥିଲେ । ପ୍ରାରମ୍ଭରେ ପ୍ରଥମ ବାର୍ଷିକ ପିଲାମାନେ ଧୂପ ଦୀପ ଓ ଚନ୍ଦନ ପ୍ରଦାନ କରି ଦ୍ୱିତୀୟ ବାର୍ଷିକ ପିଲାମାନଙ୍କୁ ବନ୍ଦାପନା କରିବା ସହିତ ବିଭିନ୍ନ ଉପଢୌକନ ପ୍ରଦାନ କରିଥିଲେ । ଦ୍ୱିତୀୟ ବାର୍ଷିକ ଛାତ୍ରମାନେ ନିଜ ନିଜର ଅନୁଭୂତିକୁ ବର୍ଣ୍ଣନା କରି ପ୍ରଥମ ବାର୍ଷିକ ଛାତ୍ରଛାତ୍ରୀଙ୍କୁ ଶୃଙ୍ଖଳିତ ହେବାପାଇଁ ଉପଦେଶ ଦେଇଥିଲେ । ଆଇ.ଟି.ଆଇ ପକ୍ଷରୁ ଫିଟର ବିଭାଗର ଭଗବାନ ଯାନୀ ଏବଂ ଇଲେକଟ୍ରିସିଆନ୍ ବିଭାଗର ହିମାଂଶୁ ସାମଲଙ୍କୁ “ଭଲ ପିଲା ସମ୍ମାନ – ୨୦୨୫”ରେ ସମ୍ମାନିତ କରାଯାଇଥିଲା । ବୈଠକରେ ଉପାଧ୍ୟକ୍ଷ ଇଂ.ବିପ୍ଳବ ଦାସ,ଅଧ୍ୟାପକ ମଦନ ମାଝୀ,ସୌମ୍ୟରଞ୍ଜନ ଶତପଥୀ, ତରଣୀସେନ ମହାନ୍ତି, ସୁଧୀର କୁମାର ଜେନା ପ୍ରମୁଖ ଉପସ୍ଥିତ ରହି ଚାକିରୀ ପାଇଥିବା ଦ୍ୱିତୀୟ ବାର୍ଷିକ ସମସ୍ତ ଛାତ୍ରମାନଙ୍କୁ କମ୍ପାନୀରେ ନିଷ୍ଠାପର ଭାବେ କାର୍ଯ୍ୟ କରିବା ପାଇଁ କହିଥିଲେ । ଉକ୍ତ କାର୍ଯ୍ୟକ୍ରମକୁ ପ୍ରଭାତୀ ମଲ୍ଲିକ, ବିଶ୍ୱଜିତ ପାଇକରାୟ,ବିକାଶ ପ୍ରଧାନ,ପବିତ୍ର ମିନିଆକା,ନବୀ କlଡ଼lରକା,ଶୁଭମ ମୁଦୁଲି, କୈବଲ୍ୟ ମଲ୍ଲିକ,ସୌମ୍ୟରଞ୍ଜନ ଜେନା, ପ୍ରହଲ୍ଲାଦ ସେଠୀ,ଆଶିଷ,ସଂଗ୍ରାମ ମହାନ୍ତି ପ୍ରମୁଖ ପରିଚାଳନା କରିଥିଲେ ।
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
