ବେବର୍ତ୍ତା କାଟେଣୀରେ ଅଭିଶପ୍ତ ଜୀବନ କାଟୁଛନ୍ତି ଜୁଆଙ୍ଗସାହି ବାସିନ୍ଦା
ଢେଙ୍କାନାଳ (ମନିସ )25/7/25 — ଢେ଼ଙ୍କାନାଳ ସଦର ବ୍ଲକ ସାଙ୍କୁଲେଇ ଗ୍ରାମପଞ୍ଚାୟତ ବେବର୍ତ୍ତା କାଟେଣୀରେ ରହିଛି ଜୁଆଙ୍ଗସାହି । ସାହିରେ ୭୦ ପରିବାର ସମସ୍ତେ ବିପିଏଲ ଅନ୍ତରର୍ଭୁକ୍ତ ବିପିଏଲ ପରିବାରଙ୍କ ପାଇଁ ସରକାର ମାଗଣା ବିଦ୍ୟୁତ ଯୋଗାଣକରି କିଛି ସ୍ଥାନରେ ବିଦ୍ୟୁତ ଯୋଗାଇ ଦେଇଛନ୍ତି । ହେଲେ ଏହି ସାହିରେ ବିଦ୍ୟୁତ ଖୁଣ୍ଟ ପଡ଼ିଛି,ତାର ଭିଡା ଯାଇଛି, ଟ୍ରାନସଫର୍ମ ମଧ୍ୟ ବସିଛ,ଏପରି କି ଘରେ ଘରେ ମିଟର ବସା ଯାଇଛି । ହେଲେ ବିଦ୍ୟୁତ୍ 
ସଂଯୋଗ କରାଯାଇନାହିଁ । ଦୀର୍ଘ ୭ବର୍ଷ ବିତି ଯାଇଥିଲେ ମଧ୍ୟ ଟ୍ରାନସଫାର୍ମଟି ଲଟାବୁଦା ହୋଇ କାନ୍ଥତଳକୁ ଝୁଲି ପଡ଼ିଲାଣି ହେଲେ ଲାଇନ ଏମାନଙ୍କ ପାଇଁ ସାତ ସପନ ପାଲଟିଛି । ସାହିଟି ଜଙ୍ଗଲ ମଧ୍ୟରେ ରହୁଥିବାରୁ ସାପ ତଥା ବନ୍ୟଜନ୍ତୁଙ୍କ ଭୟ ମଧ୍ୟ ରହିଛି । ଲାଇନ ନ ଥିବାରୁ ପିଲାମାନଙ୍କର ପାଠପଢାରେ ବ୍ୟାଘାତ ଘଟୁଛି । ଆଜିର ଯୁଗରେ ଲାଇନ ନ ଥାଇ ଅଭିଶପ୍ତ ଜୀବନ କାଟୁଛନ୍ତି । ସାହିବାସିନ୍ଦା ଜିଲ୍ଲାପ୍ରଶାସନ ଏଥିପ୍ରତି ଦୃଷ୍ଟି ଦେବା ପାଇଁ ଦାବୀ କରିଛନ୍ତି । ଯଦି ଦୃଷ୍ଟି ଦିଆ ନ ଯାଏ,ତେବେ ଏମାନେ ଆଗାମୀ ଦିନରେ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିବେ ବୋଲି ସେମାନେ ଚେତାବନୀ ଦେଇଛନ୍ତି ।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
