ବିରେନ୍ଦ୍ର ବାଗ ଜିଲ୍ଲା ପ୍ରାଥମିକ ଶିକ୍ଷକ ସଂଘ ସଭାପତି ମନୋନୀତ
ଜୁନାଗଡ଼,୨୫/୨(ନି.ପ୍ର):ଶନିବାର ସ୍ଥାନୀୟ ଶିକ୍ଷକ ଭବନ ଠାରେ କଳାହାଣ୍ଡି ଜିଲ୍ଲା ପ୍ରାଥମିକ ଶିକ୍ଷକ ସଂଘ ର ଜରୁରୀକାଳୀନ କାର୍ଯ୍ୟ କାରିଣୀ ବୈଠକ ଅନୁଷ୍ଠିତ ହୋଇଥିଲା।ଏହି ଜିଲ୍ଲା ସଭାପତି ଶ୍ରୀ ସୁରେନ୍ଦ୍ର ମୋହନ ଯୋଶୀ ସଭାପତି ତ୍ୱ କରିଥିଲେ।ସଭାରେ ଜିଲ୍ଲାର୧୩ ଗୋଟି ବ୍ଲକ ର ସଭାପତି ଓ ସମ୍ପାଦକ ମାନେ ଯୋଗ ଦେଇଥିଲେ।ସଭା ର ପ୍ରାରମ୍ଭ ରେ ଅଗ୍ରପୂଜ୍ୟଶ୍ରୀ ଗଣେଶ ଓ ବିଦ୍ୟାଦାତ୍ରୀ ମା ସରସ୍ଵତୀ ଙ୍କ ପୂଜାର୍ଚ୍ଚନା କଲା ପରେ ଦିବଂଗତ ଶିକ୍ଷକ ଶିକ୍ଷୟିତ୍ରୀ ଉଦ୍ଧେଶ୍ୟରେ ୨ ମିନିଟ ନିରବ ପ୍ରାର୍ଥନା କରାଯାଇଥିଲା।ସଭାରେ ଥୁଆମୂଳ ରାମପୁର ର ଅଵସର ପ୍ରାପ୍ତ ଶିକ୍ଷକ ଶ୍ରୀ ଯୁଗଳ ବିଶ୍ୱାଳ ଙ୍କୁ ବିଦାୟ କାଳୀନ ସମ୍ବର୍ଦ୍ଧନା ଦିଆଯାଇଥିଲା।ତପ୍ତରେ ଜିଲ୍ଲା ସାଧାରଣ ସମ୍ପାଦକ ଶ୍ରୀ ଧୀରେନ୍ଦ୍ର କୁମାର ପଟ୍ଟନାୟକ ସଭାର ଉଦ୍ଦେଶ୍ୟ ଜ୍ଞାପନ କରିଥିଲେ।ସାମ୍ପ୍ରତିକ ସ୍ଥିତି ରେ ସଙ୍ଘ ର ଭୂମିକା ଓ ମିଳିତ ସଙ୍ଘଦ୍ୱାରା ନିଆ ଯାଉଥିବା ପଦକ୍ଷେପ ସମ୍ବନ୍ଧରେ ବିସ୍ତୃତ ଆଲୋଚନା କରିଥିଲେ।ଏହା ପରେ ଜିଲ୍ଲା ସଭାପତି ଶ୍ରୀ ସୁରେନ୍ଦ୍ର ମୋହନ ଯୋଶୀ ନିଜ କାର୍ଯ୍ୟ ଚାପ ଓ ବ୍ୟସ୍ତ ବହୁଳ କର୍ମ ଯୋଗୁଁ ଇସ୍ତଫା ପ୍ରଦାନ କରିଛନ୍ତି।ତାହା କାର୍ଯ୍ୟକାରିଣୀ ବୈଠକରେ ଗୃହୀତ ହେଲା।ପରବର୍ତ୍ତୀ ନିର୍ବାଚନ ପର୍ଯ୍ୟନ୍ତ ଜିଲ୍ଲା ଉପସଭାପତି ଶ୍ରୀ ବିରେନ୍ଦ୍ର ବାଗ ସଭାପତି ଦାୟିତ୍ୱ ତୁଲାଇବା ପାଇଁ ମନୋନୀତ କରାଯାଇଛି।ପ୍ରକାଶ ଥାଉକି ଶ୍ରୀ ବାଗ ହରିପୁର ସଙ୍ଘ ର ବ୍ଲକ ଓ ଜିଲ୍ଲା ସଙ୍ଘ ର ବିଭିନ୍ନ ପଦ ପଦବୀରେ କାର୍ଯ୍ୟ କରି ଆସୁଥିଲେ।ଆଗାମୀ ନିର୍ବାଚନ ପର୍ଯ୍ୟନ୍ତ ଦାୟିତ୍ୱ ତୁଲାଇବେ। ସୂଚନାଯୋଗ୍ୟ ଯେ ଶ୍ରୀ ବାଗ ଜୁନାଗଡ଼ ସହରର ମୁଲ ବାସିନ୍ଦା ହୋଇଥିବାରୁ ଅଞ୍ଚଳର ଅନେକ ଶିକ୍ଷକ,ବୁଦ୍ଧିଜୀବୀ ଶୁଭେଚ୍ଛା ଜଣାଇଛନ୍ତି।
ଜୁନାଗଡ଼ ରୁ ନରେନ୍ଦ୍ର ଖିତି ଙ୍କ ରିପୋର୍ଟ୍
