ଢେଙ୍କାନାଳ ଗଜଲକ୍ଷ୍ମୀ ପୂଜା ପାଇଁ ଶୁଭମାଟି ଅନୁକୂଳ
ଢେଙ୍କାନାଳ (ମନିସ)31/8/25 — ଢେଙ୍କାନାଳ ଗଣ ପର୍ବ ପ୍ରସିଦ୍ଧ ଗଜଲକ୍ଷ୍ମୀ ପୂଜା ପାଇଁ ଦୁଇ ପ୍ରମୁଖ ପୂଜା ପ୍ରତିଷ୍ଠାନ ଆଜି ପବିତ୍ର ରାଧାଷ୍ଟମୀ ତିଥିରେ ଶୁଭ ମାଟି ଅନୁକୂଳ କରିଛନ୍ତି l ଏହି ଗଜଲକ୍ଷ୍ମୀ ପୂଜା ର ଆଦ୍ୟ ପର୍ବ ଶୁଭ ମାଟି ଅନୁକୂଳ ବେଶ ଧୂମଧାମ ହୋଇଯାଇଛି l ଜଗତ ଜନନୀ ମା ମହାଲକ୍ଷ୍ମୀ ଙ୍କ ମୁଣ୍ମୟୀ ମୂର୍ତ୍ତି ନିର୍ମାଣ ଲାଗି ଢେଙ୍କାନାଳ ସହର ର ଏକ ପ୍ରମୁଖ ଶ୍ରୀ ଶ୍ରୀ ସୌଭାଗ୍ୟ ଲଷ୍ମୀ ପୂଜା ପ୍ରତିଷ୍ଠାନ ଗଣେଶ ବଜାର ଓ ମଉଡମଣୀ ପୂଜା ପ୍ରତିଷ୍ଠାନ ମୀନ ବଜାର ଯଥା ରୀତିନୀତି ପୂଜାବିଧି କରି ବ୍ରାହ୍ମଣୀ ନଦୀ କୂଳରୁ ମାଟି ଅନୁକୂଳ କରି ସହରରେ ଶୋଭାଯାତ୍ରା କରି ନିଜ ପୂଜାମଣ୍ଡପ ରେ ସ୍ଥାପନ ପାରିଥିଲେ l ଲଷ୍ମୀପୂଜା ର ଗଣ ପର୍ବ ଆରମ୍ଭ ହେଲା ବୋଲି ସହର ବାସୀ ଙ୍କ ମନରେ ପୂଜା ମାହୋଲ ସୃଷ୍ଟି ହୋଇଛି l ଆଜି ସକାଳୁ ଶୁଭ ମୁହୂର୍ତ ରେ ଦୁଇ ପୂଜା ପ୍ରତିଷ୍ଠିନ ର ସଦସ୍ୟ ଓ ସାହି ବାସିନ୍ଦା ଘଣ୍ଟ ଘଣ୍ଟା, ଖୋଳ କୀର୍ତନ କରି ବିରାଟ ଶୋଭାଯାତ୍ରା ରେ ଶତାଧିକ କର୍ମକର୍ତା ଯୋଗ ଦେଇଥିଲେ l
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
