ରାଇରଙ୍ଗପୁର ରେ ୨୯ ତମ କାର୍ତ୍ତିକେଶ୍ବରଙ୍କ ପୂଜା ଧୂମଧାମରେ ପାଳିତ
ମୟୂରଭଞ୍ଜ -୧୫/୧୧ ( ମସିହା)ରାଇରଙ୍ଗପୁର ଜଗନ୍ନାଥ ମନ୍ଦିର ଛକରେ ବାବା କାର୍ତିକେଶ୍ଵର ପୂଜା କମିଟି ତରଫରୁ କାର୍ତ୍ତିକେଶ୍ବରଙ୍କ ୨୯ ତମ ବାର୍ଷିକ ପୂଜା ମହାସମାରୋହରେ ପାଳନ କରାଯାଇଛି । ଉକ୍ତ ଉତ୍ସବରେ ପୁରୋହିତ ଭାବରେ ପ୍ରସନ୍ନ ଷଡଙ୍ଗୀ ଯଥାରୀତି ଅନୁସାରେ ପୂଜାର୍ଚ୍ଚନା କରିଥିଲେ ।କର୍ତ୍ତା ଭାବେ ପୃଥାଳ ଦାୟିତ୍ଵ ନିର୍ବାହ କରିଥିଲେ । ୧୨ ତାରିଖରୁ ଆଜି ୧୫ ତାରିଖ ପର୍ଯ୍ୟନ୍ତ ପୂଜାର୍ଚ୍ଚନା ମହାସମାରୋହରେ ପାଳନ କରାଯାଇଛି । ରଙ୍ଗୀନ ଆଲୋକମାଳାରେ ସୁସଜ୍ଜିତ ଆକର୍ଷଣୀୟ ମଣ୍ଡପ ଉପରେ ମେଢ଼ ଓ ତୋରଣ ଦେଖିବାକୁ ଆଖପାଖ ଅଂଚଳରୁ ବହୁ ଲୋକଙ୍କ ସମାଗମ ହୋଇଥିଲା ।ଆଜି ପବିତ୍ର ରାସ ପୂର୍ଣ୍ଣିମା ।ଏହି ଅବସରରେ ଶହ ଶହ ଶ୍ରଦ୍ଧାଳୁ ଭୋରୁ ଖଡ଼ଖାଈ ନଦୀ ଓ ବଡବଡ ଜଳାଶୟରେ ଶୌଚ ସାରି ସ୍ନାନ କରି ନବ ବସ୍ତ୍ର ପରିଧାନ କରି ଡଙ୍ଗା ଭସାଇବା ସହ ବାବା କାର୍ତ୍ତିକେଶ୍ଵରଙ୍କୁ ଦର୍ଶନ କରି ଭୋଗ, ନୈବେଦ୍ୟ ଦେଇ ପୂଜାର୍ଚ୍ଚନା କରି ପରିବାରର ଓ ସମାଜର ମଙ୍ଗଳ କାମନା ପାଇଁ ପ୍ରାର୍ଥନା କରିବା ସହ ଆଶୀର୍ବାଦ ନେଇଥିଲେ ।କମିଟି ତରଫରୁ ଶ୍ରଦ୍ଧାଳୁ ମାନଙ୍କୁ ଖିଚଡି,କ୍ଷିରୀ ପ୍ରସାଦ ବଣ୍ଟନ କରାଯାଇଥିଲା ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ୍
