ଏମ ବି କେ ମାନଙ୍କ ଧାରଣା ଓ ଇ ସି ସଦସ୍ୟା ଙ୍କ ଦାବିପତ୍ର ପ୍ରଦାନ
ଆସିକା ୨୫/୯/୨୫ — ଧରାକୋଟ ବ୍ଲକ ସମ୍ମୁଖରେ ଆଜି ଗୋଷ୍ଠୀ ସହାୟିକା ମାନେ ସାତ ଦଫା ଦାବି ପୂରଣ ନେଇ ନାରାବାଜି କରିବା ସହ ଧାରଣା ରେ ବସି ବିକ୍ଷୋଭ ପ୍ରଦର୍ଶନ କରୁଥିବା ବେଳେ ଅନ୍ୟ ପକ୍ଷରେ ଇ ସି ସଦସ୍ୟା ମାନେ ସରକାରୀ ନିଷ୍ପତ୍ତି ପ୍ରକାରେ ହେବାକୁ ଥିବା ପୁନଃଗଠନ ପ୍ରକ୍ରିୟା ମାମଲା ଉଚ୍ଚ ନ୍ୟାୟାଳୟ ରେ ବିଚାରଧିନ ଥିବାରୁ ଏହାକୁ ବନ୍ଦ କରିବା ପାଇଁ ଏକ ଦାବିପତ୍ର ବରପ୍ରାପ୍ତ ବି ଡି ଓ ସୁଶିଲ ପଟନାୟକ ଙ୍କୁ ପ୍ରଦାନ କରିଥିଲେ। ଏହି କାର୍ଯ୍ୟକ୍ରମରେ ବ୍ଲକ ଓ ପଞ୍ଚାୟତ ସ୍ତରର କର୍ମକର୍ତ୍ତା ଗୀତା ପଟ୍ଟନାୟକ, ରିତାଞ୍ଜଳି ଭୂୟାଁ, ସନ୍ଧ୍ୟାରାଣି ସେଠୀ, ଶାନ୍ତିଲତା ବେହେରା, ମାମି ଗୌଡ଼ ଙ୍କ ସମେତ ଶତାଧିକ ସଦସ୍ୟା ସାମିଲ ହୋଇଥିଲେ। ଠିକ ସେହିପରି ବ୍ଲକ ସ୍ତରରେ କାର୍ଯ୍ୟରତ, ଏମ ବି କେ ଓ ସି ଆର ପି ସଦସ୍ୟା ମାନେ ବ୍ଲକ ଫାଟକରେ ତାଲା ପକାଇ ଧାରଣାରେ ବସିଥିଲେ । ସ୍ଥାୟୀ ଦରମା ପ୍ରଦାନ,ସ୍ଥାୟୀ ନିଯୁକ୍ତି, ଏକାଉଣ୍ଟ୍ ପେ ଦରମା,ବକେୟା ଦରମା ଭଳି ସାତ ଦଫା ଦାବି ନେଇ ବିଭିନ୍ନ ସ୍ଲୋଗାନ ଦେଇ ଧାରଣାରେ ବସିଥିଲେ । ଧାରଣା ସ୍ଥଳକୁ ଜିଲ୍ଲା ପରିଷଦ ଅଧ୍ୟକ୍ଷା ଅଞ୍ଜଳି ସ୍ୱାଇଁ ଧାରଣା ସ୍ଥଳରେ ପହଞ୍ଚି ଏମ ବି କେ ଓ ସି ଆର ପି ମାନଙ୍କ ଦାବିକୁ ଯଥାର୍ଥ କହିବା ସହ ରାଜ୍ୟ ସରକାର ଦାବୀ ପୂରଣ ପାଇଁ ପଦକ୍ଷେପ ନେବାକୁ ଦାବୀ କରିଥିଲେ । ବ୍ଲକ ସଭାନେତ୍ରୀ ସ୍ମୃତି ରେଖା ନାୟକ,ସମ୍ପାଦିକା ବିବାସିନୀ ପଟନାୟକ ଙ୍କ ସମେତ ଶତାଧିକ ସଦସ୍ୟା ଏଥିରେ ସାମିଲ ହୋଇଥିଲେ।
ଆସିକା ରୁ ଶିବ ଶଙ୍କର ମିଶ୍ର ଙ୍କ ରିପୋର୍ଟ ମସିହା ନ୍ୟୁଜ
