ଲୋକଙ୍କ ଜୀବନ ସହ ଖେଳୁଛି ସ୍ୱାସ୍ଥ୍ୟ ବିଭାଗ,ଏକ୍ସପାଇରୀ ମେଡ଼ିସିନ ବାଣ୍ଟିଲେ,ପୁଣି ଫେରେଇ ଆଣିଲେ
ନବରଙ୍ଗପୁର:(୭/୧୦)(ରବି ନାରାୟଣ ମହାନ୍ତି) ଲୋକଙ୍କ ଜୀବନ ସହ ଖେଳୁଛି ସ୍ୱାସ୍ଥ୍ୟ ବିଭାଗ । ସ୍ୱାସ୍ଥ୍ୟ ସେବା ଯୋଗେଇଦେବା ନାଁରେ ଲୋକଙ୍କୁ ଏକ୍ସ ପାଇରୀ ମେଡ଼ିସିନ ବଣ୍ଟନ କରାଯାଉଛି । ତାହାବି ଛୋଟ ଶିଶୁ ମାନଙ୍କୁ ଏଭଳି ଏକ୍ସ ପାଇରୀ ସିରପ ପ୍ରଦାନ କରାଯାଇଛି । ଭ୍ରାମ୍ୟମାଣ ଗାଡ଼ିରେ ଗାଁ ଗାଁ ବୁଲି ଏଭଳି ଡେଟ ଏକ୍ସପାଇରୀ ମେଡ଼ିସିନ ବଣ୍ଟା ଯାଇଥିବା ଅଭିଯୋଗ ହୋଇଛି । ସ୍ୱାସ୍ଥ୍ୟ ବିଭାଗ ର ଏଭଳି ଦାୟିତ୍ଵ ହୀନତା କାର୍ଯ୍ୟ ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ରେ ଦେଖିବାକୁ ମିଳିଛି । ମିଳିଥିବା ସୂଚନା ମୁତାବକ ନନ୍ଦାହାଣ୍ଡି ସ୍ୱାସ୍ଥ୍ୟ ବିଭାଗ ଅଧୀନରେ ଥିବା ଭ୍ରାମ୍ୟମାଣ ସ୍ୱାସ୍ଥ୍ୟ ସେବା ଗାଡ଼ି ଗତ ୪ ତାରିଖ ଦିନ ମେଣ୍ଟ୍ରି ପଂଚାୟତ ଅନ୍ତର୍ଗତ ବରାଗାଁ,ହିର୍ଲିଆ ଗୁଡା ଓ ବାଦୀଗୁଡା ଗାଁ ରେ ସ୍ୱାସ୍ଥ୍ୟ ସେବା ଯୋଗେଇବା ପାଇଁ ଯାଇଥିଲା । ସମ୍ପୃକ୍ତ ଗ୍ରାମର ଅନେକ ପରିବାରର ଛୋଟ ଶିଶୁ ମାନଙ୍କ ସ୍ୱାସ୍ଥ୍ୟ ପରୀକ୍ଷା କରି ମେଡ଼ିସିନ ବଣ୍ଟନ ହୋଇଥିଲା । ଦୁଃଖ ର ବିଷୟ ସ୍ୱାସ୍ଥ୍ୟ ବିଭାଗ ପକ୍ଷରୁ ଏକ୍ସ ପାଇରୀ ମେଡ଼ିସିନ ବଣ୍ଟନ କରି ଚାଲି ଆସିଥିଲେ । ବାଦୀଗୁଡା ଗ୍ରାମର ୪ ବର୍ଷୀୟା ଶିଶୁ ଙ୍କ ଜ୍ୱର ଓ ଥଣ୍ଡା କାଶ ହେଉଥିଲା । ତାଙ୍କୁ ପାରାସିଟମଲ ସିରଫ ପ୍ରଦାନ କରାଯାଇଛି । ସିରଫ ରେ ଅଗଷ୍ଟ ମାସରୁ ଏକ୍ସପାଇରୀ ଡେଟ ଉଲ୍ଲେଖ ରହିଛି । ସେହିପରି ସମ୍ପୃକ୍ତ ଗ୍ରାମର ଅନ୍ୟ ଜଣେ ୧ ବର୍ଷୀୟା ଶିଶୁ ଙ୍କ କାଛୁ କୁଣ୍ଡିଆ ହେଉଥିବା ବେଳେ ତାଙ୍କୁ ଦୁଇଟି ଅଇଣ୍ଟମେଣ୍ଟ ପ୍ରଦାନ କରାଯାଇଛି । ସେଥିରୁ ଗୋଟିଏ ଏକ୍ସପାଇରୀ ହୋଇଥିବା ଦେଖିବାକୁ ମିଳିଛି । ଏନେଇ ସ୍ୱାସ୍ଥ୍ୟ ବିଭାଗ କୁ ଅବଗତ କରାଯାଇଛି । ତେବେ ସ୍ୱାସ୍ଥ୍ୟ ବିଭାଗ ପକ୍ଷରୁ ଉକ୍ତ ମେଡ଼ିସିନ ସେବନ କରିବା ପାଇଁ ବାରଣ କରାଯାଇଛି । ସମ୍ପୃକ୍ତ ପରିବାର ସଦସ୍ୟ ସଚେତନ ହୋଇଥିବା ଯୋଗୁଁ ମେଡ଼ିସିନ ଏକ୍ସପାଇରୀ ତାରିଖ ଦେଖିଥିଲେ । ଯଦି ଅନ୍ୟ କୌଣସି ପରିବାର ତାରିଖ ନଦେଖି ମେଡ଼ିସିନ ବ୍ୟବହାର କରିଥିଲେ କଣ ହୋଇଥାନ୍ତା । ଏମିତି କ୍ଷେତ୍ରରେ କାହାର ଜୀବନ ଚାଲିଯାଇଥାନ୍ତା ବୋଲି ବିଭିନ୍ନ ମହଲରେ ଆଲୋଚନା ହେଉଛି । ବିଶେଷକରି ସ୍ୱାସ୍ଥ୍ୟ ବିଭାଗ ର ଏଭଳି ବେଖାତିର କାର୍ଯ୍ୟ କୁ ବିଭିନ୍ନ ମହଲ ରେ ନିନ୍ଦା କରାଯାଇଛି । ଅନ୍ୟପଟେ ବରାଗାଁ ର ଜଣେ ମହିଳା ସ୍ୱାସ୍ଥ୍ୟ ବିଭାଗ ପକ୍ଷରୁ ଦିଆଯାଇଥିବା ମେଡ଼ିସିନ ଫେରେଇ ନେଇଥିବା ପ୍ରକାଶ କରିଛନ୍ତି । ଏ ନେଇ ସ୍ୱାସ୍ଥ୍ୟ ବିଭାଗ ଅଧିକ୍ଷକ ଡା ପ୍ରଭଞ୍ଜନ ପରିଡା ଙ୍କୁ ଯୋଗାଯୋଗ କରିବାରୁ କ୍ରସ ଚେକିଂ ପାଇଁ ଷ୍ଟାଫ ପଠେଇଥିବା କହିଛନ୍ତି ।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
