୧୧୮ତମ ସାମୁହିକ ଜନ୍ମଦିବସ ପାଳନ
ରାଉରକେଲା: ଭାରତର ପୂର୍ବତନ ରାଷ୍ଟ୍ରପତି ଡ଼ ଏ. ପି. ଜେ. ଅବଦୁଲ କଲାମଙ୍କ ୯୫ତମ ଜନ୍ମବାର୍ଷିକୀ ଉପଲକ୍ଷେ ସାମାଜିକ ସଂଗଠନ ଅନ୍ବେଷା ଓ ସହଯୋଗୀ ସଂସ୍ଥା ରାଉରକେଲା ସିଟି ରାଉଣ୍ଡ ଟେବୁଲ ଓ ରାଉରକେଲା ସିଟି ଲେଡିସ ସର୍କଲର ମିଳିତ ଆନୁକୂଲ୍ୟରେ ଟିମ୍ବର କଲୋନୀ ସ୍ଥିତ ଶାନ୍ତି ଭବନ ଠାରେ ୧୧୮ ତମ ସାମୁହିକ ଜନ୍ମଦିବସ ପାଳନ କରାଯାଇଛି। ଅନ୍ବେଷାର ପ୍ରତିଷ୍ଠାତା ଅଧ୍ୟକ୍ଷ 
ରାଜେନ୍ଦ୍ର ପଣ୍ଡାଙ୍କ ଆବାହକତ୍ଵ, ସଭାପତି କଳ୍ପନା ଶତପଥୀଙ୍କ ସଭାପତିତ୍ବ ଓ ସମ୍ପାଦିକା ରଶ୍ମିତା ପଣ୍ଡାଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ରାଉରକେଲା ସିଟି ରାଉଣ୍ଡ ଟେବୁଲ, ରାଉରକେଲା ସିଟି ଲେଡିସ ସର୍କଲ ଓ ରେଷ୍ଟ୍ରୋ ର କର୍ମକର୍ତ୍ତା ମାନେ ମାନବ ଙ୍କୁ ସାହାଯ୍ୟ ଓ ମୁଖରେ ହସ ଥିମ୍ ନେଇ ବକ୍ତବ୍ୟ ରଖିଥିଲେ। ଥିମ୍ ଅନୁସାରେ ଶାନ୍ତି ଭବନରେ ରହୁଥିବା ଅନ୍ତେବାସୀଙ୍କୁ ଖାଦ୍ୟ, କେକ୍ ଓ ସାମାଜିକ ସେବା ମାଧ୍ୟମରେ ଆନନ୍ଦ ଦିଆଯାଇଥିଲା । ଏହି ଅବସରରେ ଡଃ କାଲାମଙ୍କ ୯୫ ତମ ଜୟନ୍ତୀ ପାଳନ,ସେ ଦେଖାଇ ଥିବା ମାର୍ଗରେ ଅନୁପ୍ରାଣିତ ହେବା ପାଇଁ ଆହ୍ବାନ ଦିଆଯାଇଥିଲା। ଏହି କାର୍ଯ୍ୟକ୍ରମରେ ଅନ୍ବେଷା ପକ୍ଷରୁ ସର୍ବଶ୍ରୀ ଚନ୍ଦ୍ରଶେଖର ଶତପଥୀ, ଅସୀମା ମିଶ୍ର, ରଞ୍ଜନ ସାହୁ , ରାଉରକେଲା ସିଟି ରାଉଣ୍ଡ ଟେବୁଲ୍ ଓ ରାଉରକେଲା ସିଟି ଲେଡିସ ସର୍କଲ ରୁ ଅନୁପ ଅଗ୍ରୱାଲ, ଶିନ ଆନନ୍ଦ, ପ୍ରତୀକ୍ଷା ଅଜମେରା ଓ ତନିଶା ଆନନ୍ଦ ପ୍ରମୁଖ ଉପସ୍ଥିତ ହୋଇ ସେବା କାର୍ଯ୍ୟରେ ଅଂଶ ଗ୍ରହଣ କରିଥିଲେ। ସେହିପରି ଶାନ୍ତି ଭବନର ସିଷ୍ଟର ମାନେ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
