ବସକୁ ଧକ୍କା ଦେଲା ଟ୍ରକ : ୧୦ ଆହତ
ଲାଞ୍ଜିଗଡ଼, ୧୮/୧୦(ମନିସ)-ଭବାନୀପାଟଣାରୁ ରାୟଗଡାକୁ ସଂଯୋଗ କରୁଥିବା ୬ ନମ୍ବର ରାଜ୍ୟ ରାଜପଥର ଢେପଗୁଡା ଘାଟି ମଙ୍ଗଳା ମନ୍ଦିର ନିକଟରେ ଆଜି ପୂର୍ବାହ୍ନ ପ୍ରାୟ ୧୦ଟା ସମୟରେ ଏକ ମାଲ ବୋଝେଇ ଟ୍ରକ ଧକ୍କାରେ ଏକ ଯାତ୍ରୀବାହି ବସ ସାମ୍ନାପଟ ଚୂରମାର ହୋଇଯାଇଛି। ଏଥିରେ ଚାଳକ ସହିତ ପ୍ରାୟ ଦଶ ଜଣ ଯାତ୍ରୀ ଆହତ ହୋଇଛନ୍ତି। ଆଜି ସକାଳେ ଭବାନୀପାଟଣାରୁ ବିଷମକଟକ ଯାଉଥିବା ମାଣିକେଶ୍ବରୀ ବସକୁ ଢ଼େପଗୁଡା ଘାଟି ମଙ୍ଗଳା ମନ୍ଦିର ନିକଟରେ ଏକ ଟ୍ରକ ପଛପଟୁ ଧକ୍କା ଦେବାରୁ ବସ ସାମ୍ନାପଟ ସଂପୂର୍ଣ୍ଣ ଚୂରମାର ହୋଇଯାଇଛି। ଏଥିରେ ବସର ଚାଳକ ସମେତ ୧୦ରୁ ଅଧିକ ଯାତ୍ରୀ ଆହତ ହୋଇଛନ୍ତି। ଘାଟି ଚଢ଼ୁଥିବାବେଳେ ଏକ ମାଲ ବୋଝେଇ ଟ୍ରକ ବ୍ରେକ ଫେଲ ହୋଇ ହଠାତ ପଛଆଡ଼କୁ ଫେରି ଆସିବା ସହିତ ପଛରେ ଯାଉଥିବା ଯାତ୍ରୀବାହି ବସକୁ ଧକ୍କା ଦେଇଥିଲା। ଯାହାଫଳରେ ବସରେ ବସିଥିବା ଯାତ୍ରୀମାନେ ଆହତ ହୋଇଥିଲେ।
ସୁଶୀଲ କୁମାର ବାଗ ଙ୍କ ରିପୋର୍ଟ୍
