ଛଟ ମହାପର୍ବକୁ ୟୁନେସ୍କୋ ଐତିହ୍ୟ ତାଲିକାରେ ଅନ୍ତର୍ଭୁକ୍ତ କରିବା ପାଇଁ ପ୍ରଧାନମନ୍ତ୍ରୀଙ୍କ ପ୍ରୟାସ
ରାଉରକେଲା ୨୪/୧୦, ଆଉ ଦୁଇ ଦିନ ପରେ ଆରମ୍ଭ ହେଉଛି ଛଟ ମହାପର୍ବ। ଏହି ଅବସରରେ ରାଉରକେଲା ଏବଂ ସୁନ୍ଦରଗଡ଼ରେ ଛଟ ମହାପର୍ବର ଚର୍ଚ୍ଚା ଆରମ୍ଭ ହୋଇଛି।
ଆଜି କେନ୍ଦ୍ରୀୟ ଛଟ ପୂଜା ସମିତି ପକ୍ଷରୁ ସହରର ହୋଟେଲ ପୀୟାଲ ଅମ୍ରିତ ସାଗରଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇ କୁହାଯାଇଛି ଯେ, କେନ୍ଦ୍ରୀୟ ଛଟ ପୂଜା ସମିତି ଗଠନର ଦ୍ୱିତୀୟ ବର୍ଷରେ ପଦାର୍ପଣ କରିଛି। ଲୋକ ବିଶ୍ୱାସର ମହାନପର୍ବ ଛଟ ପୂଜାର କୌଣସି ପରିଚୟ ଆବଶ୍ୟକ ନାହିଁ। ଏହି ପର୍ବ କେବଳ ବିହାର, ଝାଡ଼ଖଣ୍ଡ ଏବଂ ପୂର୍ବ ଉତ୍ତର ପ୍ରଦେଶରେ ସୀମିତ ନୁହେଁ, ବରଂ ସମଗ୍ର ଦେଶ ଏବଂ ବିଦେଶରେ ମଧ୍ୟ ଅତ୍ୟନ୍ତ ଶ୍ରଦ୍ଧା ଏବଂ ଭକ୍ତିର ସହିତ ପାଳିତ ହୋଇଆସୁଛି। ଏହା ଗର୍ବର ବିଷୟ ଯେ ଆମର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଛଟ ମହାପର୍ବକୁ ୟୁନେସ୍କୋ ଐତିହ୍ୟ ତାଲିକାରେ ଅନ୍ତର୍ଭୁକ୍ତ କରିବାକୁ ଅନୁରୋଧ କରିଛନ୍ତି। ଏହା ଅତ୍ୟନ୍ତ ପ୍ରଶଂସନୀୟ ଏବଂ ସ୍ୱାଗତଯୋଗ୍ୟ ପଦକ୍ଷେପ। ଏହା ହୋଇପାରିଲେ ବିଶ୍ୱ ସ୍ତରରେ ଛଟ ପର୍ବକୁ ଏକ ନୂତନ ପରିଚୟ ମିଳିପାରିବ ବୋଲି କେନ୍ଦ୍ରୀୟ ଛଟ ପୂଜା ସମିତି ପକ୍ଷରୁ କୁହାଯାଇଛି।
ରାଉରକେଲା ସମେତ ସୁନ୍ଦରଗଡ଼ ଜିଲ୍ଲାରେ ଛଟ ପୂଜାର ବିଶେଷ ଗୁରୁତ୍ୱ ରହିଛି। ହଜାର ହଜାର ଭକ୍ତ ଏବଂ ଶ୍ରଦ୍ଧାଳୁ ଏଠାରେ ବିଭିନ୍ନ ଘାଟରେ ପୂଜା କରନ୍ତି। ଜିଲ୍ଲାର ସର୍ବାଧିକ ସଂଖ୍ୟକ ଛଟ ଘାଟ ରାଉରକେଲା ବିଧାନସଭା ନିର୍ବାଚନମଣ୍ଡଳୀରେ ଅବସ୍ଥିତ। ଏହାପରେ ରଘୁନାଥପାଲି ଏବଂ ରାଜଗାଙ୍ଗପୁର ବିଧାନସଭା ନିର୍ବାଚନମଣ୍ଡଳୀ ମଧ୍ଯ ରହିଛି। ବୀରମିତ୍ରପୁର, ସୁନ୍ଦରଗଡ଼, ତଲସରା ଏବଂ ବଣାଇ ବିଧାନସଭା ନିର୍ବାଚନମଣ୍ଡଳୀରେ ମଧ୍ୟ ଛଟ ପୂଜା ଉତ୍ସବ ଅତ୍ୟନ୍ତ ଉତ୍ସାହର ସହିତ ପାଳନ କରାଯାଇଥାଏ। ଉଲ୍ଲେଖନୀୟ ଯେ, ରାଉରକେଲା ବିଧାନସଭା ନିର୍ବାଚନମଣ୍ଡଳୀ ଏବଂ ରାଜଗାଙ୍ଗପୁରର ଅନେକ ଘାଟ ରାଉରକେଲା ପୌର ନିଗମ ଅଧୀନରେ ରହିଛି। ରଘୁନାଥପାଲି ଅଞ୍ଚଳ ରାଉରକେଲା ଇସ୍ପାତ କାରଖାନା (RSP) ଅଧୀନରେ ଅଛି। ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ସ୍ଥାନୀୟ ପ୍ରଶାସନ ଏବଂ ରାଉରକେଲା ଇସ୍ପାତ କାରଖାନାର ସହଯୋଗ ଆଶା କରାଯାଉଛି।
ଛଟ ପୂଜା ମୁଖ୍ୟତଃ ନଦୀ, ପୋଖରୀ ଏବଂ ଜଳଭଣ୍ଡାର ଘାଟରେ ପାଳନ କରାଯାଇଥାଏ। ଘାଟର ପରିଷ୍କାର ପରିଚ୍ଛନ୍ନତା, ସୁରକ୍ଷା, ଆଲୋକୀକରଣ, ବ୍ୟାରିକେଟି, ଚିକିତ୍ସା ସୁବିଧା, ଜଳ ଯୋଗାଣ ଏବଂ ଟ୍ରାଫିକ୍ ନିୟନ୍ତ୍ରଣ ଭଳି କାର୍ଯ୍ୟ ପାଇଁ ପ୍ରଶାସନିକ ସହାୟତା ଅତ୍ୟନ୍ତ ଜରୁରୀ ହୋଇଥିବାରୁ ଏହି ଉଦ୍ଦେଶ୍ୟରେ, ଗତ ବର୍ଷ ରାଉରକେଲାରେ ପ୍ରଥମ ଥର ପାଇଁ କେନ୍ଦ୍ରୀୟ ଛଟ ପୂଜା ସମିତି ଗଠନ କରାଯାଇଥିଲା। କେନ୍ଦ୍ରୀୟ ଛଟ ପୂଜା ସମିତି ସମସ୍ତଙ୍କ ସହିତ ସମନ୍ୱୟ ରକ୍ଷା କରି କାର୍ଯ୍ଯ କରୁଛି ବୋଲି ସୂଚନା ଦିଆଯାଇଥିଲା।
ଦୀର୍ଘ ଦିନର ଦାବି ପୂରଣ କରି, ବିଭିନ୍ନ ଘାଟରୁ ଉପୁଜୁଥିବା ସମସ୍ୟା ଏବଂ ଦାବିଗୁଡ଼ିକୁ ଗୋଟିଏ ମଞ୍ଚରେ ସମାଧାନ କରିବା ପାଇଁ ସ୍ଥାନୀୟ ଛଟ ଘାଟର ଅଭିଜ୍ଞ ପ୍ରତିନିଧିମାନଙ୍କୁ ନେଇ କେନ୍ଦ୍ରୀୟ ଛଟ ସମିତି ଗଠନ କରାଯାଇଛି। ଏହା ପ୍ରଶାସନ ସହିତ ସମନ୍ୱୟ ସ୍ଥାପନ କରିବା ସହିତ କାର୍ଯ୍ୟଗୁଡ଼ିକୁ ତ୍ୱରାନ୍ୱିତ କରିପାରିବ।ଏହି ସମିତିର ମୁଖ୍ୟ ଉଦ୍ଦେଶ୍ୟ ହେଉଛି ପ୍ରଶାସନ ଏବଂ ସମ୍ପୃକ୍ତ ସଂସ୍ଥାଗୁଡ଼ିକ ସହିତ ଉତ୍ତମ ସମନ୍ୱୟ ସ୍ଥାପନ କରିବା, ଘାଟଗୁଡ଼ିକରେ ମୌଳିକ ସୁବିଧା ଯୋଗାଇବା ପାଇଁ ମିଳିତ ପ୍ରୟାସ କରିବା, ଭକ୍ତ ଏବଂ ତୀର୍ଥଯାତ୍ରୀଙ୍କ ପାଇଁ ଏକ ନିରାପଦ ଏବଂ ସ୍ୱଚ୍ଛ ପରିବେଶ ଯୋଗାଇ ଦେବା, ସମସ୍ତ ଛଟ ଘାଟର ଏକୀକୃତ ଦାବିକୁ ପ୍ରଶାସନ ନିକଟରେ ଉପସ୍ଥାପନ କରିବା। କେନ୍ଦ୍ରୀୟ କମିଟି ମାଧ୍ୟମରେ ସମସ୍ତ ବିଧାୟକ, ପ୍ରଶାସନିକ ଅଧିକାରୀ, ଇସ୍ପାତ କାରଖାନା ପରିଚାଳନା ଦାୟିତ୍ବରେ ରହିଥିବା ଅଧିକାରୀ ଏବଂ ଅଞ୍ଚଳର ସାଂସଦଙ୍କ ସହିତ ଯୋଗାଯୋଗ କରାଯାଇ ସହଯୋଗ ପାଇଁ ଅନୁରୋଧ କରାଯିବା।
ଏହି ଅବସରରେ ସମସ୍ତ ଜନ ପ୍ରତିନିଧି ଏକ ସକାରାତ୍ମକ ମନୋଭାବ ଗ୍ରହଣ କରି ଛଟ ମହୋତ୍ସବର ସଫଳ ଆୟୋଜନ ପାଇଁ ପୂର୍ଣ୍ଣ ସମର୍ଥନ ପ୍ରତିଶ୍ରୁତି ଦେଇଛନ୍ତି ବୋଲି କେନ୍ଦ୍ରୀୟ ଛଟ ପୂଜା ସମିତି ପକ୍ଷରୁ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି। ଛଟ ମହୋତ୍ସବ କେବଳ ଏକ ଧାର୍ମିକ ପୂଜା ନୁହେଁ, ବରଂ ଜନ ବିଶ୍ୱାସ, ସଂସ୍କୃତି ଏବଂ ପରିବେଶ ସୁରକ୍ଷାର ପ୍ରତୀକ ମଧ୍ୟ। ଏହି ଉତ୍ସବ ସମାଜରେ ସଦୟତା, ପରିଷ୍କାରତା ଏବଂ ସାମୂହିକତାର ବାର୍ତ୍ତା ମଧ୍ୟ ପ୍ରସାର କରେ। କେନ୍ଦ୍ରୀୟ ଛଟ ପୂଜା ସମିତି ପକ୍ଷରୁ, ସମସ୍ତ ଜନ ପ୍ରତିନିଧି, ପ୍ରଶାସନିକ ଅଧିକାରୀ, ରାଉରକେଲା ଇସ୍ପାତ କାରଖାନା ଏବଂ ସାମାଜିକ ସଂଗଠନଗୁଡ଼ିକୁ ପୁଣି ଥରେ ଏହି ମହାନ ଉତ୍ସବର ସଫଳ, ନିରାପଦ ଏବଂ ମହାନ ଆୟୋଜନ ପାଇଁ ପୂର୍ଣ୍ଣ ସହଯୋଗ ପ୍ରଦାନ କରିବାକୁ ଅନୁରୋଧ କରାଯାଇଛି ବୋଲି ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି। ସମସ୍ତ ଛଟ ପୂଜା ଘାଟର ତାଲିକାରେ ରହିଛି ରାଉରକେଲାର ରୁପଟୋଲା ଘାଟ, ବିସର୍ଜନ ଘାଟ, ବାଲୁ ଘାଟ, ବାଲୁ ଘାଟ ସର୍ଦ୍ଦାର ମୋହଲା, ଦେଓଗାଁ ଘାଟ, ବନ୍ଧମୁଣ୍ଡା ପୋଖରୀ, ନେପାଳୀ ବସ୍ତି ପୋଖରୀ, ତିଲକାନଗର ପୋଖରୀ, ପାଢୀ ଘାଟ ପାନପୋଷ ବସ୍ତି, ହାଡପକା ଘାଟ ପାନପୋଷ ବସ୍ତି,ପାନପୋଷ ହନୁମାନ ମନ୍ଦିର ଘାଟ, ଗୋପାବନ୍ଧୁପାଲୀ ପୋଖରୀ, ଦେଓଗାଁ ଘାଟ, ହମିରପୁର ଘାଟ, ସେକ୍ଟର-୧୬ ଘାଟ, ଲୁଆକେରା ଘାଟ, ଝିରପାଣି ଘାଟ, ଜଲଦା ସି ବ୍ଲକ୍ ପୋଖରୀ, କନସର ଘାଟ, ଦଣ୍ଡିଆପାଲ୍ଲୀ, ବେଦବ୍ଯାସ, ଗୋପପଲ୍ଲୀ ଘାଟ, ବେଲଡିହି ବାଲୁ ଘାଟ, କଲୁଙ୍ଗା, କାଂଶବାହାଲ, ରାଜଗାଙ୍ଗପୁର, ଜମୁନାନାକି ଘାଟ, ସେଣ୍ଟ୍ ଫ୍ରାନ୍ସିସ୍ ସ୍କୁଲ୍, ପଦମପୁର ଭାସ୍ତୁ ବିହାର, ଟିଟେକେଲା ବାଲୁ ଘାଟ, ବିରମିତ୍ରପୁର, ତଲସରା, ସୁନ୍ଦରଗଡ, ବଣେଇ ପ୍ରଭୃତି ଘାଟ।
କେନ୍ଦ୍ରୀୟ ଛଟ ପୂଜା ସମିତି ପକ୍ଷରୁ ଆୟୋଜିତ ସାମ୍ବାଦିକ ସମ୍ମିଳନୀରେ ସଂଯୋଜକ କ୍ରିଷ୍ଣା ସାହୁ, ଓ ପି ସିଂହ, ସୁକେତ ସିଂହ, ବେଦ ପ୍ରକାଶ ତିଓ୍ବାରୀ, ରଜନ ସାହୁ, ଋଷି ସେବକ,ରଞ୍ଜୟ ପ୍ରସାଦ,ଜିତୁ ରାୟ, ଉମେଶ ସିଂ ପ୍ରମୁଖ ଉପସ୍ଥିତ ଥିଲେ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
