ଭକ୍ତ ଗଣଙ୍କ ସେବାରେ ସମର୍ପିତ ଶ୍ରୀ ମନ୍ଦିର ସ୍ଵତନ୍ତ୍ର ସୁରକ୍ଷା ବାହିନୀ
କଟକ : ଶ୍ରୀ ମନ୍ଦିରର ଜଗୁଆଳି ସାଜିଥିବା,ସବୁ ଭକ୍ତ ମାନଙ୍କର ଆସ୍ଥା ଓ ବିଶ୍ୱାସ ଜନ୍ମେଇଥିବା “ଶ୍ରୀମନ୍ଦିର ସ୍ଵତନ୍ତ୍ର ସୁରକ୍ଷା ବାହିନୀ” । ମନ୍ଦିରକୁ ଜଗିବା ସହିତ ମନ୍ଦିର ସମ୍ମୁଖରେ ଏହାର (କଣ୍ଟ୍ରୋଲ ରୁମ୍) ଏଠାରେ ସମସ୍ତ ପ୍ରକାରର ସାହାଯ୍ୟ ଓ ସହଯୋଗ କରାଯାଇଥାଏ । ସୂଚନାଯୋଗ୍ୟ ଜଣେ ମହିଳାଙ୍କର ବାଇଶ ହଜାର ଟଙ୍କା ସହିତ ମୋବାଇଲ ଓ ବିଭିନ୍ନ ପ୍ରକାର ଦାମିକିଆ ସାମଗ୍ରୀ କୋଉଠି ଅସାବଧାନତା ବସତ ହଜାଇ ଥିବାବେଳେ ତାହା “ଶ୍ରୀମନ୍ଦିର ସ୍ଵତନ୍ତ୍ର ସୁରକ୍ଷା ବାହିନୀ”ଙ୍କ ଟିମ୍ ଯଥା ନାରାୟଣ ରାଉତ (ଆସିଷ୍ଟାଣ୍ଟ କମାଣ୍ଡାଣ୍ଟ) ଅଧ୍ୟକ୍ଷତାରେ ତାଙ୍କୁ ଫେରସ୍ତ ବା ହସ୍ତଗତ କରାଯାଇଛି । ଏହି ସମୟରେ ଜି.ହେମ୍ବ୍ରମ (ଆସିଷ୍ଟାଣ୍ଟ କମାଣ୍ଡାଣ୍ଟ),ରସାନନ୍ଦ ଦେଉରି(ଏଏସ ଆଇ),ବାଦଲ ବେହେରା(ହାବିଲଦାର), ଡି ନାୟକ (ହାବିଲଦାର),ଏକେ ପଳାଇ,ବି କେ ପ୍ରଧାନ (ସିପାହୀ) ପ୍ରମୁଖ ଉପସ୍ଥିତ ଥିଲେ । ସବୁ ସମୟରେ ଏହିପରି ମହତ୍ ଜନ ହିତକର କାର୍ଯ୍ୟଦେଖି ବିଭିନ୍ନ ମହଲରେ ପ୍ରଶଂସାର ସୁଅ ଛୁଟିଛି । ଏହାକୁ ଦେଖି ତାପସ ରଂଜନ ଦାସ(କମାଣ୍ଡାଣ୍ଟ),ଡେପୁଟି କମାଣ୍ଡାଣ୍ଟ କୌସୁକି ନାଏକ,ଦୀପକ କୁମାର ଗଡ଼ନାୟକ ଏବଂ ପୁରୀ ଏସପି ଦିୟିତ୍ୱରେ ଥିବା ପ୍ରତୀକ ସିଂ ଏହାକୁ ଉଚ୍ଚ ପ୍ରଶଂସା କରିବା ସହିତ ଧନ୍ୟବାଦ୍ ଅର୍ପଣ କରିଛନ୍ତି । ଏହିପରି ଭକ୍ତ ମାନଙ୍କର ଆସ୍ଥା ଓ ବିଶ୍ୱାସ ଜନ୍ମେଇ ଥିବାରୁ (ଡି.ଜି) ଯୋଗେଶ ବାହାଦୂର ଖୁରାନିଆ ଉଚ୍ଚ ପ୍ରଶଂସା କରିବା ସହିତ ଏହିପରି ଭାବରେ ପ୍ରଶଂସନୀୟ କାର୍ଯ୍ୟ ଆଗକୁ କରିବା ନେଇ ଉତ୍ସାହ ପ୍ରଦାନ କରିଛନ୍ତି ।
ଶ୍ରୀକାନ୍ତ ବେଉରା ଙ୍କ ରିପୋର୍ଟ୍
