ଭଂଜପୁର ଜଗଦ୍ଧାତ୍ରୀ ମେଳାର ୩ୟ ସନ୍ଧ୍ୟାରେ ଦର୍ଶକଙ୍କ ମନମୋହିଲା ଯୋଗାସନ, ଓଡ଼ିଶୀ ଓ ଭଜନ କାର୍ଯ୍ୟକ୍ରମ
ମୟୂରଭଂଜ- ତା :- ୦୫/୧୧/୨୦୨୫ — ସ୍ଥାନୀୟ ଭଂଜପୁର ଠାରେ ଉତ୍ତର ଓଡିଶାର ପ୍ରସିଦ୍ଧ ଜଗଦ୍ଧାତ୍ରୀ ମେଳାର ୩ୟ ସନ୍ଧ୍ୟାରେ ୧ମ କାର୍ଯ୍ୟକ୍ରମ ବାରିପଦା କେନ୍ଦ୍ରର ଲାଶ୍ୟକଳା ଡ୍ୟାନ୍ସ ଭିଜନ ପରିବେଷଣ କରିଥିଲେ ଓଡ଼ିଶୀ ନୃତ୍ୟ I ଜଗନ୍ନାଥ ସଂସ୍କୃତି ସହ ଜଡିତ ରସଗୋଲା ପରମ୍ପରା ଉପରେ ଆଧାରିତ ଏହି ନୃତ୍ୟ ଦର୍ଶକଙ୍କୁ ବିମୋହିତ କରିଥିଲା I ପରେ ପରେ ସ୍ୱାମୀ ବିବେକାନନ୍ଦ ଯୋଗ ରିସର୍ଚ୍ଚ ସେଣ୍ଟରର ଛାତ୍ରଛାତ୍ରୀ ମାନଙ୍କ ଦ୍ୱାରା ପ୍ରଦର୍ଶିତ ଯୋଗାସନ ଦର୍ଶକଙ୍କୁ ଆକର୍ଷିତ କରିଥିଲା I ଶେଷରେ ଭକ୍ତି ମଲ୍ହାର ଭଜନ ସନ୍ଧ୍ୟାର ଆଧ୍ୟାତ୍ମିକ ଭଜନ କାର୍ଯ୍ୟକ୍ରମ ଦର୍ଶକଙ୍କୁ ପ୍ରଭାବିତ କରିଥିଲା I ସାଂସ୍କୃତିକ ସମ୍ପାଦକ କିଶୋର ପଲେଇଙ୍କ ନେତୃତ୍ୱରେ ଆୟୋଜିତ କାର୍ଯ୍ୟକ୍ରମକୁ ମେଳା ସମ୍ପାଦକ ପ୍ରସନ୍ନଜିତ ମହାନ୍ତି, ସୋମନାଥ ସିଂହ, ପ୍ରିତମ ପଣ୍ଡା ଏବଂ ଆଲୋକ ବାରିକ ପରିଚାଳନା କରିଥିଲେ I ଆସନ୍ତା କାଲି ସରସ୍ବତୀ ଶିଶୁ ମନ୍ଦିର, ରାଜକମଲ ଡ୍ୟାନ୍ସ କ୍ଲାସ, ଲାଶ୍ୟକଳା ଡ୍ୟାନ୍ସ ଭିଜନ, ଅନଲି ୱାନ ଡ୍ୟାନ୍ସ ଗ୍ରୁପର କାର୍ଯ୍ୟକ୍ରମ ପରେ ଆଦିବାସୀ ସ୍ଟୁଡେଣ୍ଟ ୟୁନିୟନ ଶେଷ କାର୍ଯ୍ୟକ୍ରମ ପରିବେଷଣ କରିବେ ବୋଲି ସାଂସ୍କୃତିକ ସମ୍ପାଦକ ଶ୍ରୀ ପଲେଇ ଜଣାଇଛନ୍ତି I
ମୟୂରଭଂଜ ରୁ ଅକ୍ଷୟ ବିଶ୍ବାଳ ମସିହା ନିଉଜ
