ମା ସୁକିଆ ବାଉତୀଙ୍କ ପୀଠ
ଢେ଼ଙ୍କାନାଳ (ମନିସ)7/11/25 — ହିନ୍ଦୋଳ ଉପଖଣ୍ଡର ରାସୋଳ ନିକଟ କୁନୁଆଁ ଗ୍ରାମରେ ଅବସ୍ଥିତ କେଉଁ ଆବାହନ କାଳରୁ ଘଞ୍ଚଜଙ୍ଗଲରେ ଥିବା ଆମ୍ବତୋଟାର ଚାଳଘରେ ପୂଜା ପାଉଥିଲେ ମା ସୁକିଆ ବାଉତୀ । ଉକ୍ତ ମନ୍ଦିରଟି୧୫୫୮ ମସିହାରେ ତତତ୍କାଳୀନ ହିନ୍ଦୋଳ ରାଜା ସାହେବ ତାଙ୍କର ଇଷ୍ଟ ଦେବୀ ଭାବରେ ସ୍ଥାପନ କରିଥିଲେ । ବର୍ତ୍ତମାନ ଉକ୍ତ ମନ୍ଦିରଟି ଦେବୋତ୍ତର ବିଭାଗ ଅଧୀନରେ ରହି କୁନୁଆଁ ଗ୍ରାମବାସୀଙ୍କ ଦ୍ବାରା ପରିଚାଳିତ ହେଉଅଛି । ଉକ୍ତ ମନ୍ଦିର ପରିସରରେ ଏକ କଲ୍ୟାଣମଣ୍ଡପ ନିର୍ମାଣ କରାଯାଇଅଛି ।ମନ୍ଦିରକୁ ଲାଗିଏକ ସୁନ୍ଦର କାରୁକାର୍ଯ୍ୟ ପୂର୍ଣ୍ଣମଣ୍ଡପ ରହିଅଛି । ମନ୍ଦିରଟିର ଉଚ୍ଚତା ପ୍ରାୟ ୩୫ ଫୁଟ/ପର୍ବପର୍ବାଣୀ ମଧ୍ୟରେ ଭାଦ୍ରବ ଶୁକ୍ଳ,ଚତୁର୍ଦ୍ଦଶୀରେ ଦେବୀଙ୍କର ବଡ ପୂଜା,ଆଶ୍ୱିନ ଶୁକ୍ଲ ପ୍ରତିପଦାଠାରୁ ନବମୀ ନବରାତ୍ରପୂଜା ବାର୍ଷିକ ଅମାବାସ୍ୟା ମହାକାଳୀପୂଜା,ମାର୍ଗଶୀର ଶେଷଗୁରୁବାର ମହାଲକ୍ଷ୍ମୀପୂଜା,ମାଘଶୁକ୍ଲ ପଞ୍ଚମୀ ମହାସରସ୍ୱତୀ ପୂଜା,ଚୈତ୍ର ଅଶୋକାଷ୍ଟାମୀ ଠାରୁ ଦ୍ବାଦଶୀ – ବାସନ୍ତୀକ ଦୁର୍ଗାପୂଜା ଓ ପ୍ରତ୍ୟେକ ଅଷ୍ଟମୀରେ ଚଣ୍ଡୀପାଠ ହୋଇଥାଏ । ଉକ୍ତ ମନ୍ଦିରରେ ବିବାହ,ବ୍ରତ,ପୂଜାପାଠ ଆଦି କାର୍ଯ୍ୟ ହୋଇଥାଏ । ଏଠାରେ ମା’ଙ୍କର ଅନ୍ନପ୍ରସାଦ ପ୍ରତ୍ୟେହ ବିକ୍ରୟ ହୋଇଥାଏ । ଉକ୍ତ ସ୍ଥାନଟି ଓଡିଶା ସରକାରଙ୍କ ଦ୍ବାରା ଏକ ପର୍ଯ୍ୟଟନ କ୍ଷେତ୍ରର ମାନ୍ୟତା ପାଇବାକୁ ଯାଉଅଛି ।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
