ବିଧାୟକଙ୍କ ଦ୍ଵାରା ବିଭିନ୍ନ ପ୍ରକଳ୍ପ ଲୋକାର୍ପିତ
କାମାକ୍ଷାନଗର (ମନିସ)26/11/25 — ଢେ଼ଙ୍କାନାଳ ଜିଲ୍ଲା କଙ୍କଡ଼ାହାଡ଼ ବ୍ଲକ ମହାବିରୋଡ ଥାନା ଅନ୍ତର୍ଗତ ପଙ୍ଗାତିରା ଓ ବାମ ପଞ୍ଚାୟତରେ ମଙ୍ଗଳବାର ଦିନ ପରଜଙ୍ଗ ବିଧାୟକ ବିଭୂତି ଭୂଷଣ ପ୍ରଧାନଙ୍କ କରକମଳରେ ବିଭିନ୍ନ ପ୍ରକଳ୍ପ ଲୋକାର୍ପିତ ହୋଇଯାଇଛି ।ଏହି ପରିପ୍ରେକ୍ଷୀରେ ପଙ୍ଗାତିରା ଠାରେ ଆୟୁଷ୍ମାନ ଆରୋଗ୍ୟ ସେବା ମନ୍ଦିର ଓ ସ୍ଵାଧୀନତା ସଂଗ୍ରାମୀ କିଶୋର ଚନ୍ଦ୍ର ବେହେରା ପ୍ରଧାନ ନାମରେ ମାର୍କେଟ କମ୍ପ୍ଲେକ୍ସ ଲୋକାର୍ପିତ ହୋଇଯାଇଥିବା ବେଳେ ବାମ ପଞ୍ଚାୟତରେ ଆୟୁଷ୍ମାନ ଆରୋଗ୍ୟ ସେବା ମନ୍ଦିର , ଓଡ଼ିଶା ସରକାରଙ୍କ ପଞ୍ଚାୟତିରାଜ ଓ ପାନୀୟ ଜଳ ପ୍ରକଳ୍ପ ବିଭାଗ ଦ୍ଵାରା ନିର୍ମିତ ନୂତନ ଗ୍ରାମ ପଞ୍ଚାୟତ ଭବନ କାର୍ଯ୍ୟାଳୟ ଶୁଭ ଉଦଘାଟନ , ପ୍ରଶିକ୍ଷଣ କେନ୍ଦ୍ର , ବନ ସୁରକ୍ଷା ସମିତି ଗୃହ ଓ ସାଗବାରି ବନ ସୁରକ୍ଷା ସମିତି ଗୃହ ଉଦଘାଟିତ ହୋଇଯାଇଛି ।କାର୍ଯ୍ୟକ୍ରମରେ ବ୍ଲକ ଅଧ୍ୟକ୍ଷା ଚାରୁଲତା ମିଶ୍ର , ଉପାଧ୍ୟକ୍ଷା ଦୀପା ସାହୁ ,ବିଡ଼ିଓ ଯଶୋବନ୍ତ ଦେହୁରୀ , ବିଜେପିର ଜିଲ୍ଲା ସଭାପତି ରାସ ବିହାରୀ ବେହେରା , ପୂର୍ବତନ ବ୍ଲକ ଅଧ୍ୟକ୍ଷ କାର୍ତ୍ତିକ ସାହୁ , ଅଞ୍ଚଳର ଜଣାଶୁଣା ଯୁବ ନେତା କୃଷ୍ଣ ଚନ୍ଦ୍ର ସାହୁ , ବିରାଶାଳ ମେଡିକାଲ ଇନଚାର୍ଜ ଡାକ୍ତର ପ୍ରଦୀପ କୁମାର ଜେନା , ପଙ୍ଗାତିରା ଆୟୁଷ୍ମାନ ଆରୋଗ୍ୟ ସେବା ମନ୍ଦିରର ଅଧିକାରୀ ଡାକ୍ତର ନଳିନୀକାନ୍ତ ପାଣିଗ୍ରାହୀ , ସରପଞ୍ଚ କରୁଣାକର ସାହୁ ,ରୋଜାଲିନ ସାହୁ , ଫକୀର ଚରଣ ମହାନ୍ତ ,ସମିତି ସଭ୍ୟା ପୁଷ୍ପାଞ୍ଜଳି ପ୍ରଧାନ ,ଲକ୍ଷ୍ମୀ ହେଂସା , ବିଜେପିର ମଣ୍ଡଳ ସଭାପତି ଜିତେନ୍ଦ୍ର କର ,ଶୁଭେନ୍ଦୁ ପାଳ ଙ୍କ ସମେତ ଅଞ୍ଚଳର ବହୁ ମାନ୍ୟଗଣ୍ୟ ବ୍ୟକ୍ତି, ଶତାଧିକ ଦଳୀୟ କର୍ମୀ ଓ ନିର୍ବାଚିତ ଜନପ୍ରତିନିଧି ଉପସ୍ଥିତ ।
ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
