ବେଆଇନ ବାଲି ଓ ଚିପ୍ସ ବୋଝେଇ ୧୫ ହାଇୱା ଯବତ
ଲକ୍ଷ୍ମୀପୁର ୦୮/୦୪ — ଲକ୍ଷ୍ମୀପୁର ପୋଲିସ ଓ ଖଣି ବିଭାଗ ତରଫରୁ ଆଜି୧୫ ଟି ବେଆଇନ ବାଲି ଓ ଚିପ୍ସ ବୋଝେଇ ହାଇୱା ଯବତ କରାଯାଇଛି।ସେଥି ମଧ୍ୟରୁ କଂସାରୀଗୁଡା କମ୍ପାନୀ କୁ ଯାଉଥିବା ୬ ଟି ବାଲି ବୋଝେଇ ହାଇୱା ଗାଡିକୁ ମଣ୍ଡଳଗୁଡା ଛକରୁ ଯବତ କରାଯାଇଥିବା ବେଳେ ନାରାୟଣ ପାଟଣା କୁ ଯାଉଥିବା ୯ଟି ଚିପ୍ସ ବୋଝେଇ ହାଇୱା ଗାଡି ଗୁଡିକୁ ଲକ୍ଷ୍ମୀପୁର ନିକଟସ୍ଥ ଦୋଳିଆମ୍ବା ଗାଁ ନିକଟରୁ ଯବତ କରାଯାଇଛି।ରୟାଲଟି ଫାଙ୍କି ରାତି ଅଧିଆ ଯାଉଥିବା ସମସ୍ତ ହାଇୱା ଧରା ପଡିଥିବା ପୋଲିସ କହିଛି।ପ୍ରକାଶ ଥାଉକି ରାୟଗଡା ଓ କୋରାପୁଟ ଜିଲ୍ଲାର ସୀମାନ୍ତ ଅଞ୍ଚଳ ରୁ ନିତିଦିନ ବେଆଇନ ଭାବେ ବାଲି, ଚିପ୍ସ ଓ ମେଟାଲ ପରିବହନ ହଉଥିବା ବେଳେ ଖଣି ବିଭାଗ ର ନିଷ୍କ୍ରିୟତା କୁ ନେଇ ବିଭିନ୍ନ ମହଲରେ ପ୍ରଶ୍ନ ଉଠିଛି।ଏଇ ଚଢ଼ାଉ ରେ ସ୍ଥାନୀୟ ଏସଡ଼ିପିଓ ମନୋଜ ବେହେରା, ଆଇଆଇସି ସୁଜ୍ଞାନୀ ସାହୁ, ଖଣି ଅଧିକାରୀ ମହେନ୍ଦ୍ର ବେହେରା ଙ୍କ ସମେତ ବ୍ୟାପକ ପୋଲିସ କର୍ମୀ ଉପସ୍ଥିତ ଥିଲେ।ବର୍ତମାନ ଯବତ ସମସ୍ତ ହାଇୱା ଗାଡି କେତେ ଲେଖାଏଁ ଜୋରିମାନା ପୈଠ କାରି ଗାଡି ରିଲିଜ କରୁଛନ୍ତି ତାହା ଦେଖିବାକୁ ବାକି ରହିଲା।
ପ୍ରମୋଦ କୁମାର ଜେନା ଙ୍କ ରିପୋର୍ଟ୍
