ଘରେ ଘରେ ସ୍ୱାସ୍ଥ୍ୟ ସେବା; ଟିପିଏସ୍ଓଡିଏଲର ଏମ୍ଏଚଡି ସେବା ଦକ୍ଷିଣ ଓଡ଼ିଶାର ଜନଜାତି ବହୁଳ ଅଞ୍ଚଳରେ ଆଣିଛି ଏକ ବ୍ୟାପକ ପରିବର୍ତ୍ତନ
– ଦୁର୍ଗମ ଜନଜାତି ବହୁଳ ଅଞ୍ଚଳରେ ପହଞ୍ଚିଛି ସ୍ୱାସ୍ଥ୍ୟ ସେବା
– ମାଗଣା ଔଷଧ ସାଙ୍ଗକୁ ଘରେ ପହଞ୍ଚୁଛି ସ୍ୱାସ୍ଥ୍ୟ ସେବା
– ୩.୨୩ ଲକ୍ଷ ଲୋକଙ୍କୁ ସେବା ଯୋଗାଇ ଦିଆଯାଇଛି
– ବୃହତ୍ ସ୍ୱାସ୍ଥ୍ୟ ସେବା ଶିବିର ସାଙ୍ଗକୁ ନିଦାନ ବ୍ୟବସ୍ଥା
ବ୍ରହ୍ମପୁର, ୧୫ ଅପ୍ରେଲ, ୨୦୨୬ : ଟିପି ସଦର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ(ଟିପିଏସ୍ଓଡିଏଲ୍) ର ଭ୍ରାମ୍ୟମାଣ ସ୍ୱାସ୍ଥ୍ୟ ସେବା (ଏମ୍ଏଚଡି) ଦକ୍ଷିଣ ଓଡ଼ିଶାର ଜନଜାତି ବହୁଳ ଅଞ୍ଚଳ ତଥା କୋରାପୁଟ, ମାଲକାନଗିରି, କନ୍ଧମାଳ ଏବଂ ରାୟଗଡ଼ା ଜିଲ୍ଲାରେ ବିଶେଷ ଭାବରେ ସହାୟକ ହୋଇ ପାରିଛି । ଅତ୍ୟାବଶ୍ୟକ ସ୍ୱାସ୍ଥ୍ୟ ସେବା ଯୋଗାଇ ଦେବା ସହ ଏହି ଅଞ୍ଚଳର ସମୁଦାୟଙ୍କ ପାଇଁ ଏହି ସେବା ଏକ ସଂଯୋଗ ଭଳି କାର୍ଯ୍ୟ କରୁଛି । ବହୁ ଦୁର୍ଗମ ଅଞ୍ଚଳରେ ଏହି ସେବା ଟିପିଏସ୍ଓଡିଏଲ୍ ତରଫରୁ ପ୍ରଦାନ କରାଯିବା ସହିତ ହଜାର ହଜାର ସମ୍ବେଦନଶୀଳ ପରିବାର ପାଇଁ ଗୁଣାତ୍ମକ ସ୍ୱାସ୍ଥ୍ୟ ସେବା ଯେ ଏକ ଅପହଞ୍ଚ ବାସ୍ତବତା ନୁହେଁ ତାହା କମ୍ପାନୀ ତରଫରୁ ସୁନିଶ୍ଚିତ କରାଯାଇଛି । ଦୁର୍ଗମ ଅଞ୍ଚଳରେ ସ୍ୱାସ୍ଥ୍ୟ ସେବାର ଥିବା ବ୍ୟବଧାନକୁ ଦୂର କରିବା ପାଇଁ ଏହା ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ।
ଭ୍ରାମ୍ୟମାଣ ସ୍ୱାସ୍ଥ୍ୟ ସେବା ୟୁନିଟରେ ଜଣେ ଏମବିବିଏସ୍ ଡାକ୍ତର, ନର୍ସ, ଫାର୍ମାସିଷ୍ଟ ଏବଂ ସଚେତକ (ମୋବିଲାଇଜର) ରହିଛନ୍ତି । ଏମ୍ଏଚଡି ମାଧ୍ୟମରେ ନିଃଶୁଳ୍କ ସ୍ୱାସ୍ଥ୍ୟ ସେବା ଜନିତ ପରାମର୍ଶ, ଔଷଧ ଏବଂ ଘରେ ଘରେ ସ୍ୱାସ୍ଥ୍ୟ ସେବା ଶିବିର ଯୋଗାଇ ଦିଆଯାଉଛି । କମ୍ପାନୀ ତରଫରୁ ନିଆଯାଇଥିବା ଏହି ପଦକ୍ଷେପ ଏକ ଗୁରୁତ୍ୱପୂର୍ଣ୍ଣ ପ୍ରଭାବ ସୃଷ୍ଟି କରିଛି । ଚାରିଟି ଜିଲ୍ଲାର ୩,୨୩,୬୭୫ ହିତାଧିକାରୀ ଏଥିରେ ଅନ୍ତର୍ଭୁକ୍ତ ରହିଛନ୍ତି । ଗ୍ରାମୀଣ ସ୍ତରରେ ସ୍ୱାସ୍ଥ୍ୟ ସେବାକୁ ସୁଦୃଢ଼ କରିବା ଏବଂ ଆବଶ୍ୟକତାକୁ ପୂରା କରିବା ଦିଗରେ ଏହା ବିଶେଷ ଭାବରେ ସହାୟକ ହୋଇଛି । କୋରାପୁଟରେ ୧,୦୧,୭୭୭ ଜଣ, ମାଲକାନଗିରିରେ ୧,୦୬,୧୫୫, ରାୟଗଡ଼ାରେ ୫୩,୧୫୭ ଏବଂ କନ୍ଧମାଳରେ ୬୨,୫୮୬ ହିତାଧିକାରୀଙ୍କ ପାଖରେ ଏହି ସେବା ପହଞ୍ଚି ପାରିଛି । ଯାହା ଉଭୟ ବ୍ୟାପକ ଏବଂ ସ୍ଥାୟୀ ସାମୁଦାୟିକ ବିଶ୍ୱାସକୁ ସୁଦୃଢ଼ କରିବା ଦିଗରେ ଏକ ବିଶେଷ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରୁଛି ।
ତୃଣମୂଳ ସ୍ତରରେ ସ୍ୱାସ୍ଥ୍ୟ ସେବାକୁ ଅଧିକ ମଜଭୁତ କରିବା ପାଇଁ ଏହି କ୍ରମରେ ୧,୨୧୩ଟି ସ୍ୱାସ୍ଥ୍ୟ ପରୀକ୍ଷା ଶିବିର, ୮୪୩ ସଚେତନତା ଅଧିବେଶନ ଏବଂ ୬୭ଟି ସ୍ୱତନ୍ତ୍ର ସ୍ୱାସ୍ଥ୍ୟ ଶିବିର ଆୟୋଜନ ହୋଇଛି । ଯେଉଁଥିରେ ପ୍ରତିଷେଧକ ସ୍ୱାସ୍ଥ୍ୟସେବା, ଶୀଘ୍ର ନିରାକରଣ ଏବଂ ସ୍ୱଚ୍ଛତା, ପରିମଳ ଓ ପୋଷଣଗତ ସଚେତନତା ଉପରେ ଧ୍ୟାନ ଦିଆଯାଇଛି ।
ଏହି ଚାରିଟି ଜିଲ୍ଲାରେ ଛଅଟି ବୃହତ ସ୍ୱାସ୍ଥ୍ୟ ଶିବିର ଆୟୋଜନ କରାଯାଇଛି । ଯେଉଁଥିରେ ସ୍ୱାସ୍ଥ୍ୟ ସେବାକୁ ଦୁର୍ଗମ ଅଞ୍ଚଳରେ ପହଞ୍ଚାଇବା ପାଇଁ ପଦକ୍ଷେପ ନିଆଯାଇଛି । ଏହି ଶିବିରଗୁଡ଼ିକ ତାଳୁ ଏବଂ ଚିକିମା (କୋରାପୁଟ), ବଣ୍ଡା ଖଟି ଅଞ୍ଚଳର ବଡଦୁରାଲ ଏବଂ ମୁଦୁଲିପଡ଼ା (ମାଲକାନଗିରି), ଶ୍ରୀରାମପୁର (କନ୍ଧମାଳ) ଏବଂ ଜି ଦେଫାଗୁଡ଼ା (ରାୟଗଡ଼ା) ଭଳି ଦୁର୍ଗମ ଅଞ୍ଚଳରେ ହୋଇଛି ।
ଏହି ଶିବିରଗୁଡ଼ିକ ଦ୍ୱାରା କୋରାପୁଟରେ ୧,୪୩୭, ମାଲକାନଗିରିରେ ୧,୩୧୬, କନ୍ଧମାଳରେ ୧,୭୫୦ ଏବଂ ରାୟଗଡ଼ାରେ ୬୯୪ ଜଣ ଉପକୃତ ହୋଇଛନ୍ତି। ମୋଟ ଉପରେ ଏହି ମେଗା ସ୍ୱାସ୍ଥ୍ୟ ସେବା ଶିବିରରୁ ୫,୧୯୭ଜଣ ହିତାଧିକାରୀ ଉପକୃତ ହୋଇ ପାରିଛନ୍ତି ।
ଏହି ସ୍ୱାସ୍ଥ୍ୟ ସେବା ଶିବିରଗୁଡ଼ିକ ଉଭୟ ତୁରନ୍ତ ଏବଂ ପ୍ରତିଷେଧକ ସ୍ୱାସ୍ଥ୍ୟସେବା ଆବଶ୍ୟକତାକୁ ସମାଧାନ କରୁଛି । ଏଥିରେ ସାଧାରଣ ଡାକ୍ତରଙ୍କ ପରାମର୍ଶ, ଦନ୍ତ ପରୀକ୍ଷା, ଚକ୍ଷୁ ପରୀକ୍ଷା, ମାତୃ ଏବଂ ବୃଦ୍ଧ ଯତ୍ନ ସେବା ଏବଂ ସାଧାରଣ ରୋଗ ପାଇଁ ସ୍କ୍ରିନିଂ ଆଦି ଅନ୍ତର୍ଭୁକ୍ତ ରହିଛି । ଏହାବ୍ୟତୀତ ହିତାଧିକାରୀମାନଙ୍କୁ ମାଗଣା ଔଷଧ ଯୋଗାଇ ଦିଆଯାଉଥିବା ବେଳେ ରକ୍ତ ପରୀକ୍ଷା ଏବଂ ସ୍ୱାସ୍ଥ୍ୟ ସ୍କ୍ରିନିଂ ଭଳି ସେବା ସେହି ସ୍ଥାନରେ ନିଦାନ ସେବା ବିଶେଷ କରି କୋରାପୁଟରେ ଲ୍ୟାବ-ଅନ୍-ହ୍ୱିଲ ସୁବିଧା ମାଧ୍ୟମରେ ଯୋଗାଇ ଦିଆଯାଉଛି । ଏହି ଅଞ୍ଚଳରେ ରୋଗର ଶୀଘ୍ର ଚିହ୍ନଟ ଏବଂ ସମୟୋଚିତ ଚିକିତ୍ସାକୁ ସୁନିଶ୍ଚିତ କରିବା, ଯାହା ସ୍ୱାସ୍ଥ୍ୟସେବା ଭିତ୍ତିଭୂମିର ସୀମିତ ଉପଲବ୍ଧତା ତଥା ଦୁର୍ଗମ ଅଞ୍ଚଳ ମାନଙ୍କରେ ଗୁରୁତ୍ୱପୂର୍ଣ୍ଣ ଅଟେ ।
ଏଥିରେ ବରିଷ୍ଠ ନାଗରିକଙ୍କ ଯତ୍ନ ସହିତ ପୁଷ୍ଟିକର ଖାଦ୍ୟ, ସ୍ୱଚ୍ଛତା ଅଭ୍ୟାସ, ସଂକ୍ରାମକ ରୋଗ ଏବଂ ପ୍ରତିଷେଧକ ସ୍ୱାସ୍ଥ୍ୟସେବା ଉପରେ ସଚେତନତା ସୃଷ୍ଟି କରାଯାଇଥିଲା । ଯାହା ଏକ ଦୀର୍ଘକାଳୀନ ସ୍ୱାସ୍ଥ୍ୟ ଫଳାଫଳରେ ଉନ୍ନତି ଆଣିବା ଦିଗରେ ସହାୟକ ହେବ । ଏଥିସହିତ ସମୁଦାୟକୁ ସଶକ୍ତ କରିବା ଉପରେ ମଧ୍ୟ ବିଶେଷ ଗୁରୁତ୍ୱ ଦିଆଯାଇଛି।
ଏହି ଅଭିଯାନ ସମ୍ପର୍କରେ ଶ୍ରୀ ଅମିତ କୁମାର ଗର୍ଗ, ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ, ଟିପିଏସ୍ଓଡିଏଲ୍ କହିଛନ୍ତି, “ଆମର ଏମ୍ଏଚଡି ସେବା ମାଧ୍ୟମରେ ଆମେ ସେବା ଯୋଗାଉଥିବା ଦୁର୍ଗମ ଅଞ୍ଚଳର ସମୁଦାୟ ତଥା ଜନଜାତିଙ୍କ ନିକଟରେ ପହଞ୍ଚିବା ପାଇଁ ପ୍ରତିଶ୍ରୁତିବଦ୍ଧ । ଆଜି ଆମେ ଯେଉଁ ପ୍ରଭାବ ଦେଖୁଛୁ ତାହା ହେଉଛି ସୁଗମ ତଥା ପ୍ରତିଷେଧକ ସ୍ୱାସ୍ଥ୍ୟସେବା ମାଧ୍ୟମରେ ସୁସ୍ଥ, ଅଧିକ ସୁଦୃଢ଼ ସମୁଦାୟ ଗଠନ ଦିଗରେ ଥିବା ଆମର ନିରନ୍ତର ପ୍ରୟାସକୁ ପ୍ରତିଫଳିତ କରୁଛି” ।
ଭ୍ରାମ୍ୟମାଣ ସ୍ୱାସ୍ଥ୍ୟ ସେବା (ଏମ୍ଏଚଡି) କାର୍ଯ୍ୟକ୍ରମ, ସମାବେଶୀ ବିକାଶ ପାଇଁ ଟିପିଏସ୍ଓଡିଏଲର ଥିବା ପ୍ରତିବଦ୍ଧତାର ଏକ ପ୍ରମାଣ ଭାବରେ ଛିଡା ହୋଇଛି । ଯାହା ନିଶ୍ଚିତ କରେ ଯେ ଅତି ଦୁର୍ଗମ ଜନଜାତି ସମୁଦାୟ ମଧ୍ୟ ଭରସାଯୋଗ୍ୟ ଏବଂ ଗୁଣାତ୍ମକ ସ୍ୱାସ୍ଥ୍ୟସେବା ପାଇପାରିବେ । ଏହା ମଧ୍ୟ ସ୍ୱାସ୍ଥ୍ୟସେବା ପେସାଦାର, କ୍ଷେତ୍ରୀୟ ଦଳ ଏବଂ ସ୍ଥାନୀୟ ଅଂଶୀଦାରଙ୍କ ମିଳିତ ପ୍ରୟାସକୁ ଦର୍ଶାଉଛି ଯାହା ଓଡ଼ିଶାର ଜନଜାତି ବହୁଳ ଅଞ୍ଚଳରେ ଏକ ସ୍ଥାୟୀ ପ୍ରଭାବ ସୃଷ୍ଟି କରିବା ପାଇଁ ମିଳିତ ଭାବରେ କାର୍ଯ୍ୟ କରୁଛି ।
