ଗ୍ରୀଷ୍ମ ପ୍ରବାହ ଯୋଗୁଁ ପାଣି ପାଇଁ ବାଟୋଇ ହାହାକାର, ଜଳଛତ୍ର କେବଳ ନାମକୁ ମାତ୍ର
ବ୍ରହ୍ମପୁର,ତା ୨୭/୦୪ ଗ୍ରୀଷ୍ମ ପ୍ରବାହ ଦୃଷ୍ଟିରେ ରଖି ବ୍ରହ୍ମପୁର ମହାନଗର ନିଗମ ପକ୍ଷରୁ ବିଭିନ୍ନ ୱାର୍ଡରେ ଜଳଛତ୍ର ସ୍ଥାପନ ପଦକ୍ଷେପ ନେଇ ଆରୋହି ମାନଙ୍କ ପାଇଁ ପିଇବା ନିମନ୍ତେ ରଖାଯାଇଛି । କିନ୍ତୁ ବାସ୍ତବ ସ୍ଥରରେ ସତ୍ୟ ଚିତ୍ର ଦେଖିଲେ କିଛି ଚିନ୍ତାଜନକ ପରିସ୍ଥିତି ସାମ୍ନାକୁ ଆସୁଛି । କେତେକ ସ୍ଥାନରେ ଜଳଛତ୍ର ହୋଇଥିଲେ ମଧ୍ୟ ସୁପେୟ ଜଳ ଉପଲବ୍ଧ ନଥିବା, ଆଉ କେତେକ ସ୍ଥାନରେ ଜଳ ଥିଲେ ମଧ୍ୟ ଦାୟିତ୍ୱରେ କୌଣସି ସ୍ବୟଂ ସହାୟକ ଗୋଷ୍ଠୀ ମହିଳା ନଥିବା ନେଇ ଅଭିଯୋଗ ରହିଛି । ସୂଚନା ଥାଉକି,ମହାନଗର ନିଗମ ସ୍ଥିତ ୱାର୍ଡ ନମ୍ବର-୧୬ ବୃନ୍ଦାବତୀ ନଗରରେ ଜଳଛତ୍ର ପାଇଁ କେବଳ ଟେଣ୍ଟ ଓ ବୋର୍ଡ ଲଗାଇ ଫଟୋ ଉଠାଇବା ପରେ ସେଠାରୁ ଟେଣ୍ଟ ଓ ବୋର୍ଡ ହଟାଇ ଦିଆଯାଇଥିବା ସ୍ଥାନୀୟ ବାସିନ୍ଦା ନୀଳ ଲୋହିତ ସାହୁ ସାମ୍ବାଦିକଙ୍କ ଆଗାରେ ପ୍ରକାଶ କରିଛନ୍ତି । ଏଥିରୁ ସ୍ପଷ୍ଟ ହେଉଛି ଯେ କାର୍ଯ୍ୟାନ୍ବୟନରେ ଗୁରୁତର ଅବ୍ୟବସ୍ଥା ରହିଛି । ଏହା କେବଳ ସେବାର ଅଭାବ ନୁହେଁ ବରଂ ଜନସାଧାରଣଙ୍କ ଟଙ୍କାର ସଠିକ୍ ବ୍ୟବହାର ଉପରେ ପ୍ରଶ୍ନ ଉଠାଉଛି । ତିବ୍ର ଗ୍ରୀଷ୍ମ ଉତାପରେ ଲୋକମାନେ ଯେତେବେଳେ ପାଣି ମୁନ୍ଦାଏ ପାଇଁ ନିର୍ଭର କରୁଛନ୍ତି, ସେତେବେଳେ ଏପରି ଅବ୍ୟବସ୍ଥା ନିଶ୍ଚୟ ଭାବେ ଦୁଃଖଦ ଓ ଅସ୍ୱୀକାର୍ଯ୍ୟ । ମହାନଗର ନିଗମ କର୍ତ୍ତୃପକ୍ଷଙ୍କୁ ନିବେଦନ କେବଳ ଯୋଜନା ଘୋଷଣାରେ ସୀମିତ ରହିବା ନୁହେଁ, ତାହାର ସଠିକ୍ ଓ ପ୍ରଭାବଶାଳୀ କାର୍ଯ୍ୟାନ୍ବୟନକୁ ମଧ୍ୟ ସୁନିଶ୍ଚିତ କରାଯାଉ । ପ୍ରତ୍ୟେକ ଜଳଛତ୍ରରେ ନିୟମିତ ଭାବେ ସୁପେୟ ଜଳ ଉପଲବ୍ଧ ହେଉ,ଏଥି ପାଇଁ ଦୃଢ଼ ପଦକ୍ଷେପ ଆବଶ୍ୟକ।
ଶେଷରେ ପ୍ରଶ୍ନ ଉଠୁଛି, ଏହି ଯୋଜନା ସତରେ ଜନହିତ ପାଇଁ, ନା ଅନ୍ୟ କାହାର ସ୍ୱାର୍ଥ ପୂରଣ ପାଇଁ ?
