ପୂର୍ବତନ ସାଂସଦ ନିରଞ୍ଜନ ବିଶି ଙ୍କ କଡ଼ା ପ୍ରତିବାଦ – ରାଉରକେଲା ଷ୍ଟିଲ ପ୍ଲାଣ୍ଟ ରେ ୪୦% କର୍ମଚାରୀ କାଟିବା ପ୍ରସ୍ତାବ ତୁରନ୍ତ ରଦ୍ଦ କରାଯାଉ
ଶ୍ରମିକଙ୍କ ଜୀବିକା ସୁରକ୍ଷା, ୟୁନିଅନ ସହ ଆଲୋଚନା ଓ ଆର ଏସ ପି ବିକାଶ ରୋଡମ୍ୟାପ ଦାବି
ନୂଆଦିଲ୍ଲୀ / ଭୁବନେଶ୍ୱର, ୨୭ ଏପ୍ରିଲ:– ରାଜ୍ୟସଭା ସାଂସଦ ନିରଞ୍ଜନ ବିଶି ରାଉରକେଲା ଷ୍ଟିଲ ପ୍ଲାଣ୍ଟ ରେ ପ୍ରସ୍ତାବିତ ୪୦ ଶତାଂଶ କର୍ମଚାରୀ ଓ ଠିକା ଶ୍ରମିକ କମାଣ ନିଷ୍ପତ୍ତିକୁ କଡ଼ା ଭାବେ ବିରୋଧ କରିଛନ୍ତି।
କେନ୍ଦ୍ରୀୟ ଇସ୍ପାତ ମନ୍ତ୍ରୀ ଏଚ ଡ଼ି କୁମାର ସ୍ୱାମୀ ଙ୍କୁ ପଠାଯାଇଥିବା ପତ୍ରରେ ସେ କହିଛନ୍ତି ଯେ, ଏହା ଫଳରେ ପଶ୍ଚିମ ଓଡ଼ିଶାରେ ଗଭୀର ଚିନ୍ତା ଓ ଅସନ୍ତୋଷ ସୃଷ୍ଟି ହୋଇଛି।
ସେ କହିଛନ୍ତି, ରାଉରକେଲା ଷ୍ଟିଲ୍ ପ୍ଲାଣ୍ଟ ଅଞ୍ଚଳର ଅର୍ଥନୀତିର ମୂଳ ଆଧାର। ଏପରି କର୍ମଚାରୀ କମାଣ ଚାକିରି, ଶିଳ୍ପ ଶାନ୍ତି, ପରିବହନ ଓ ଛୋଟ ବ୍ୟବସାୟକୁ ପ୍ରଭାବିତ କରିବ। ସେ ରାଉରକେଲା ଶ୍ରମିକ ସଂଘ ସହ ସମସ୍ତ ଶ୍ରମିକ ସଂଗଠନ ସହ ଆଲୋଚନା ଦାବି କରି ବିଭାଗୀୟ କେନ୍ଦ୍ର ମନ୍ତ୍ରୀ କୁ ଜଣାଇଛନ୍ତି।
