କଳାବେଚ୍ ପରିଧାନ କଲେ ଉତ୍କଳ ସାମ୍ବାଦିକ ସଂଘ ସାମ୍ବାଦିକ
ଖଇରା,୦୧/୫/୨୬- ବିଜେଡ଼ି ସରକାର ସମୟରେ ବିଜେପି ବିରୋଧୀ ଦଳରେ ଥିଲା । ସେତେବେଳେ ମଧ୍ୟ ସାମ୍ବାଦିକ ମାନେ ସେମାନଙ୍କର ବିଭିନ୍ନ ଦାବି ନେଇ ଆନ୍ଦୋଳନ, ଗଣଧାରଣା ଇତ୍ୟାଦିରେ ସାମିଲ ହେଉଥିଲେ । ବର୍ତ୍ତମାନର ଏହି ବିଜେପି ସରକାର ସେତେବେଳେ ସାମ୍ବାଦିକ ମାନଙ୍କର ଦାବି ଯଥାର୍ଥ ବୋଲି କହିଥିଲେ ଏବଂ ଆମ ସରକାର ଅର୍ଥାତ୍ ବିଜେପି ସରକାରକୁ ଆସିଲେ ସାମ୍ବାଦିକ ମାନଙ୍କ ଦାବି ପୂରଣ ପାଇଁ ପ୍ରତିଶ୍ରୁତି ଦେଇଥିଲେ । ବିଜେପି ଦଳ ସରକାରକୁ ଆସିବା ୨ ବର୍ଷରୁ ଉର୍ଦ୍ଧ୍ବ ହୋଇଥିଲେ ମଧ୍ୟ ସାମ୍ବାଦିକ ମାନଙ୍କୁ ଦେଇଥିବା ପ୍ରତିଶ୍ରୁତି ପାଣିରଗାର ହୋଇଛି । ମୋହନ ସରକାର କଥା ଦେଇ କଥା ଭୁଲିଗଲେ । ପ୍ରତିବାଦରେ ଗତ ତା ୨୯/୪/୨୦୨୬ ରିଖ ବୁଧବାର ଉତ୍କଳ ସାମ୍ବାଦିକ ସଂଘର ରାଜ୍ୟ ସଭାପତି ବିଭୂତି ଭୂଷଣ କରଙ୍କ ନିର୍ଦ୍ଦେଶରେ ବାଲେଶ୍ଵର ଶାଖା ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ୨ ଘଣ୍ଟିଆ ଗଣଧାରଣା ପରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ସ୍ମାରକପତ୍ର ଦେଇଥିଲା । ପରବର୍ତ୍ତୀ କାର୍ଯ୍ୟକ୍ରମ ଭାବେ ତା ୦୧/୫/୨୦୨୬ ରିଖ ଶୁକ୍ରବାର ଖଇରା ବ୍ଲକ ସମେତ ଜିଲ୍ଲାର ପ୍ରତ୍ୟେକ ବ୍ଲକରେ ସାମ୍ବାଦିକ ମାନେ କଳାବେଚ୍ ପରିଧାନ କରିଛନ୍ତି । ଏହାପରେ ମୋହନ ସରକାର ଯଦି ସାମ୍ବାଦିକ ମାନଙ୍କ ଦାବି ପୂରଣ ଦିଗରେ ପଦକ୍ଷେପ ନ ନିଅନ୍ତି ତା ପ୍ରତିବାଦରେ ଆଗାମୀ ଦିନରେ ଯେଉଁ ପରିସ୍ଥିତି ସୃଷ୍ଟି ହେବ ସେଥିପାଇଁ ସରକାର ଦାୟୀ ରହିବେ ବୋଲି ଉତ୍କଳ ସାମ୍ବାଦିକ ସଂଘ ଚେତାବନୀ ଦେଇଛନ୍ତି । ହେ ସରକାର ! ଭୁଲନ୍ତୁ ନାହିଁ ଦେଇଥିବା କଥା ତୁରନ୍ତ ପୂରଣ କରନ୍ତୁ ।।
ବାଲେଶ୍ଵର ଖଇରାରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
