ଆଇନ ମହାବିଦ୍ୟାଳୟରେ ଜାତୀୟ ସମ୍ବିଧାନ ଦିବସ ପାଳିତ
ରାଉରକେଲା: ରାଉରକେଲା ଆଇନ ମହାବିଦ୍ୟାଳୟରେ “ଜାତୀୟ ସମ୍ବିଧାନ ଦିବସ “ପାଳିତ ହୋଇଯାଇଛି । ଭାରପ୍ରାପ୍ତ ଅଧ୍ୟକ୍ଷl ଡ଼ ସମ୍ପାଦିକା ମହାନ୍ତି ଙ୍କ ଅଧ୍ୟକ୍ଷତାରେ ଏହି ସଭାର ଆୟୋଜନ କରାଯାଇଥିଲା । ଏଥିରେ ମହାବିଦ୍ୟାଳୟର ସମସ୍ତ ପ୍ରାଧ୍ୟାପକ, ପ୍ରାଧ୍ୟାପିକା, ଅଫିସ କର୍ମଚାରୀ ଓ ଛାତ୍ରଛାତ୍ରୀମାନେ ଯୋଗଦେଇଥିଲେ l ଏହି ଅବସରରେ ଆଲୋଚ୍ୟ ବିଷୟ ସାମ୍ବିଧାନିକ ନୈତିକତା ସମ୍ପର୍କରେ ଆଲୋଚନା କରାଯାଇଥିଲା । ପ୍ରାରମ୍ଭରେ ଜାତୀୟ ସଂଗୀତ ଗାନ ଓ ସମ୍ବିଧାନର ମୁଖପତ୍ର କୁ ନେଇ ଶପଥ ପାଠ କରାଯାଇ ଛାତ୍ରୀ ସ୍ମୃତିମଞ୍ଜୁସା ଙ୍କ ଦ୍ୱାରା” ସାମ୍ବିଧାନିକ ନୈତିକତା ” ସମ୍ପର୍କରେ ଏକ ସେମିନାର ଆୟୋଜନ କରାଯାଇଥିଲା l ଏଥିରେ ଛାତ୍ରଛାତ୍ରୀ ମାନେ ପାୱାର ପଏଣ୍ଟ ପ୍ରୋଜେକ୍ସନ ମାଧ୍ୟମରେ ନିଜନିଜର ମତାମତକୁ ଉପସ୍ଥାପନା କରିଥିଲେ l ସେହିପରି ମହାବିଦ୍ୟାଳୟ ର ଛାତ୍ରଛାତ୍ରୀ ମାନଙ୍କ ଦ୍ୱାରା ସମ୍ବିଧାନକୁ ନେଇ ଏକ ସଂଗୀତ ପରିବେଷଣ କରାଯାଇଥିଲା l ମହାବିଦ୍ୟାଳୟ ତରଫରୁ ଛାତ୍ରଛାତ୍ରୀ ମାନଙ୍କୁ ମାନପତ୍ର ଓ କଲମ ପ୍ରଦାନ କରାଯାଇ ଉତ୍ସlହିତ କରାଯାଇଥିଲା l ଶେଷରେ ମୋହିତରଞ୍ଜନଙ୍କ ଦ୍ୱାରା ଧନ୍ୟବାଦ ଅର୍ପଣ କରାଯାଇ ସେମିନାରର ସମାପ୍ତି ଘୋଷଣା କରାଯାଇଥିଲା ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
