ଆଜିର ଦିବସର ଅନୁଚିନ୍ତା : ମେ ୧୪ ତାରିଖ : ଜ୍ଞାନ,ବିଜ୍ଞାନ ଏବଂ ବୀରତ୍ଵର ସମନ୍ଵୟ
ଡ଼ା. ଦେବୀ ପ୍ରସାଦ ମିଶ୍ର
ସମୟର ସ୍ରୋତ କେବେ ଅଟକି ରହେନି।ପ୍ରତିଟି ଦିନ ଇତିହାସର କପାଳରେ ଏକ ନୂତନ ରେଖା ଅଙ୍କିତ କରି ଆଗକୁ ବଢ଼ିଯାଏ।କାଳର ପ୍ରବାହରେ ପ୍ରତିଟି ଦିନ ଇତିହାସର ଗୋଟିଏ ଗୋଟିଏ ସ୍ଵର୍ଣ୍ଣିମ ସ୍ଵାକ୍ଷର। ମେ ୧୪ ତାରିଖ ମଧ୍ୟ ବିଶ୍ଵ,ଭାରତ ଓ ଆମ ପ୍ରିୟ ଓଡ଼ିଶାର ସ୍ମୃତି-ମଞ୍ଜୁଷାରେ ଏକ ଗୁରୁତ୍ଵପୂର୍ଣ୍ଣ ଦିବସ। ଏହି ଦିନଟି ଆମକୁ ମାନବୀୟ ସଂଘର୍ଷ,ଜ୍ଞାନର ବିକାଶ ଏବଂ ମହାପୁରୁଷଙ୍କ କୃତିତ୍ଵ ବିଷୟରେ ସ୍ମରଣ କରାଇଥାଏ।ଏହା ସେହିପରି ଏକ ସ୍ମରଣୀୟ ଦିନ,ଯାହା ବିଶ୍ଵ,ପୃଥିବୀ,ଭାରତ ଓ ଓଡ଼ିଶାର ଇତିହାସ,ଜ୍ଞାନ-ବିଜ୍ଞାନ ଓ ମାନବୀୟ ସଂଘର୍ଷର ଅନେକ ଅଧ୍ୟାୟକୁ ଏକାତ୍ମ କରିଥାଏ।
ଐତିହାସିକ ଗତିପଥ ଓ ବିଶ୍ଵ ପ୍ରେକ୍ଷାପଟରେ ୧୯୪୮ ମସିହାରେ ଏହି ଦିନ ‘ଇସ୍ରାଏଲ’ ଏକ ସ୍ଵାଧୀନ ରାଷ୍ଟ୍ର ଭାବେ ବିଶ୍ଵମାନଚିତ୍ରରେ ଆତ୍ମପ୍ରକାଶ କରିଥିଲା।ଏହା ଥିଲା ଜାତୀୟ ସ୍ଵାଭିମାନ ଓ ଅସ୍ତିତ୍ଵର ଏକ ଐତିହାସିକ ଘୋଷଣା।୧୯୮୪ ମସିହାର ଆଜିର ଦିନ ହେଉଛି ଆଧୁନିକ ଡିଜିଟାଲ୍ ବିପ୍ଳବର ପ୍ରତୀକ ତଥା ଫେସବୁକ୍ (ମେଟା)ର ସହ-ପ୍ରତିଷ୍ଠାତା ମାର୍କ ଜୁକରବର୍ଗଙ୍କ ଜନ୍ମଦିନ।ବିଜ୍ଞାନ ଓ ପ୍ରଯୁକ୍ତିବିଦ୍ୟା କିପରି ପୃଥିବୀକୁ ଗୋଟିଏ ସୂତ୍ରରେ ବାନ୍ଧିପାରେ, ତାହାର ସେ ହେଉଛନ୍ତି ଏକ ଜୀବନ୍ତ ଉଦାହରଣ।ସେହିପରି ବିଶିଷ୍ଟ ଇଂରେଜ ଗଣିତଜ୍ଞ ଉଇଲିୟମ୍ ଏମରସନ୍ ୧୭୦୧ ମସିହାର ଆଜିର ଦିନରେ ଜନ୍ମଗ୍ରହଣ କରି ଗଣିତ ଶାସ୍ତ୍ରକୁ ସମୃଦ୍ଧ କରିଥିଲେ। ତାଙ୍କର ଅବଦାନ ଜ୍ଞାନର ଆକାଶକୁ ଅଧିକ ପ୍ରଶସ୍ତ କରିଥିଲା।
ଭାରତୀୟ ପରିପ୍ରେକ୍ଷିରେ ମଧ୍ୟ ଏହି ଦିନର ଗୁରୁତ୍ଵ ଅସାଧାରଣ।୧୯୯୨ ମସିହାରେ ଭାରତର ଆଭ୍ୟନ୍ତରୀଣ ସୁରକ୍ଷା ପାଇଁ ଏକ ବଡ଼ ପଦକ୍ଷେପ ସ୍ଵରୂପ ସରକାର ଏଲ୍.ଟି.ଟି.ଇ. ସଂଗଠନ ଉପରେ ନିଷେଧାଦେଶ ଜାରି କରି ଜାତୀୟ ସୁରକ୍ଷା ପ୍ରତି ନିଜ ଦୃଢ଼ ସଂକଳ୍ପକୁ ପରିପ୍ରକାଶ କରିଥିଲେ।ମରାଠା ସାମ୍ରାଜ୍ୟର ବୀର ଯୋଦ୍ଧା ତଥା ଛତ୍ରପତି ଶିବାଜୀଙ୍କ ଜ୍ୟେଷ୍ଠ ପୁତ୍ର ଛତ୍ରପତି ସମ୍ଭାଜୀଙ୍କ ଆଜି ଜନ୍ମ ଜୟନ୍ତୀ।ତାଙ୍କର ଦେଶପ୍ରେମ ସମସ୍ତଙ୍କ ପାଇଁ ଅତ୍ୟନ୍ତ ପ୍ରେରଣାଦାୟୀ।ଭାରତର ପୂର୍ବତନ ରାଷ୍ଟ୍ରପତି,ମହାନ ଶିକ୍ଷାବିତ୍ ଡକ୍ଟର ଜାକିର ହୁସେନ୍ ଙ୍କ ସ୍ମୃତିଚାରଣ କରିବାର ଏହା ଏକ ପବିତ୍ର ଅବସର।
ଓଡ଼ିଶା ଇତିହାସରେ ପାଇକ ବିଦ୍ରୋହ ଓ ପ୍ରଜା ଆନ୍ଦୋଳନର ସ୍ମୃତି ଏହି ମେ ମାସର ପ୍ରତିଦିନ ସହ ଜଡ଼ିତ ଯାହା ଓଡ଼ିଆ ଜାତିର ଅଦମ୍ୟ ବୀରତ୍ଵର ପ୍ରତୀକ।ଓଡ଼ିଶାର ସଂସ୍କୃତି କ୍ଷେତ୍ରରେ ଓଡ଼ିଶାର ଅନେକ ସାଧକ,ସ୍ଵାଧୀନତା ସଂଗ୍ରାମୀ ଏବଂ ସାରସ୍ଵତ ସାଧକଙ୍କ ଶ୍ରାଦ୍ଧ ତଥା ସାମ୍ବତ୍ସରିକ ସ୍ମୃତି ଆମକୁ ସେମାନଙ୍କ ତ୍ୟାଗପୂତ ଜୀବନର ଆଦର୍ଶ ସମ୍ପର୍କରେ ସ୍ମରଣ କରାଇଦିଏ।
ଆଜିର ଆହ୍ଵାନ ହେଉଛି ଯେ ସମୟ ବଦଳୁଛି,ମାତ୍ର ଇତିହାସର ଶିକ୍ଷା ସଦା ସର୍ବଦା ସନାତନ।ଜ୍ଞାନ, ବିଜ୍ଞାନ ଏବଂ ବୀରତ୍ଵର ଏହି ସମନ୍ଵୟକୁ ପାଥେୟ କରି ଆମକୁ ଏକ ସମୃଦ୍ଧ ଓଡ଼ିଶା ଓ ସ୍ଵାଭିମାନୀ ଭାରତ ଗଠନ ଦିଗରେ ବ୍ରତୀ ହେବାକୁ ପଡ଼ିବ।ଏହା ହିଁ ଆଜିର ଦିବସର ଶ୍ରେଷ୍ଠ ଚିନ୍ତାଧାରା।ଆଜିର ଦିନ ଆମକୁ ଏହି ଶିକ୍ଷା ଦିଏ ଯେ ଜ୍ଞାନ,ବିଜ୍ଞାନ,ବୀରତ୍ଵ ଓ ମାନବୀୟ ମୂଲ୍ୟବୋଧର ସମନ୍ୱୟରେ ହିଁ ଏକ ସମୃଦ୍ଧ ବିଶ୍ୱ ସମାଜ ଗଠିତ ହୋଇପାରେ।ତେବେ ଆସନ୍ତୁ,ଆମେ ସମସ୍ତେ ଇତିହାସର ଆଲୋକକୁ ପାଥେୟ କରି ଆମେ ଏକ ଶାନ୍ତିପୂର୍ଣ୍ଣ ବିଶ୍ୱ,ସ୍ଵାଭିମାନୀ ସ୍ୱୟଂସଂପୂର୍ଣ୍ଣ ଭାରତ ଓ ସମୃଦ୍ଧ ଓଡ଼ିଶା ଗଢ଼ିବାରେ ବ୍ରତୀ ହେବା ଏଵଂ ଏହାହିଁ ହେବ ଆଜିର ସର୍ବଶ୍ରେଷ୍ଠ ଅନୁଚିନ୍ତା।
ଡ଼ା. ଦେବୀ ପ୍ରସାଦ ମିଶ୍ର,
✉️ debisirscience@gmail.com
/ debiprasadmishra085@gmail.com
