ଡ୍ରେନ୍ ନାହିଁ, ରାସ୍ତା ଉଚ୍ଚା, ରାଇଘର କୋଦୂଭାଟା ସାହିରେ, କାଳ ବୈଶାଖୀ,ବର୍ଷରେ ଜଳବନ୍ଦୀ ଅବସ୍ତା, ବଢୁଛି ଜନ ଅସନ୍ତୋଷ
ନବରଙ୍ଗପୁର:(୨|୬)(ରବି ନାରାୟଣ ମହାନ୍ତି)ନଵରଙ୍ଗପୁର ଜିଲ୍ଲା ରାଇଘର ବ୍ଳକ ସଦରମହକୁମା ଅଧୀନରେ ଥିବା କୋଦୂଭାଟା ସାହିରେଚାଲିଥିବା ନୁତନ ରାସ୍ତା ନିର୍ମାଣ କାର୍ଯ୍ୟ ସ୍ଥାନୀୟ ବାସିନ୍ଦାଙ୍କ ଦୁର୍ଦ୍ଦଶାର କାରଣ ପାଲଟିଛି ରାସ୍ତା ନିର୍ମାଣ ସମୟରେ ପାଣି ନିଷ୍କାସନ ପାଇଁ ଡ୍ରେନ୍ ବ୍ୟବସ୍ଥା ହୋଇ ନ ଥିବାରୁ ସାଧାରଣ ଲୋକେ ନାହିଁ ନ ଥିବା ସମସ୍ୟାର ସମ୍ମୁଖିନ ହେଉଥିବାର ଅଭିଯୋଗ ହେଉଛି l ସ୍ଥାନୀୟ ଲୋକଙ୍କ କହିବା ଅନୁଯାୟୀ ବର୍ଷା ରିତୁ ପୂର୍ଣ୍ଣମାତ୍ରାରେ ଆରମ୍ଭ ହୋଇ ନ ଥିବା ବେଳେ ଏବେକାର କାଳ ବୈଶାଖୀର ସ୍ଵଳ୍ପ ବର୍ଷରେ ରାସ୍ତା ଉପରେ ଆଣ୍ଠୁଏ ଉଚ୍ଚର ପାଣି ଜମି ରହୁଛି l ନୁତନ ରାସ୍ତାଟି ପୂର୍ବ ଅପେକ୍ଷାଯଥେଷ୍ଟ ଉଚ୍ଚ ରହିଥିବା ବେଳେ ଡ୍ରେନ୍ ବ୍ୟବସ୍ଥା ନ ଥିବା ଯୋଗୁଁ ବର୍ଷା ଜଳ ନିଷ୍କାସିତ ହୋଇ ନ ପାରି ଲୋକଙ୍କ ଘର ଆଗ ଓ ପରିସର ମଧ୍ୟରେ ଜମି ରହୁଛି l ଫଳରେ ସହିତ ବାସିନ୍ଦାଙ୍କ ଦୈନଦିନ ଗମ୍ଭିର ଭାବେ ପ୍ରଭାବିତ ହେଉଛି l ବିଶେଷକରି କୋଦଭଟା କାଳୀ ମନ୍ଦିର ଠାରୁ ରାଇଘର ପର୍ଯ୍ୟନ୍ତ ପୂର୍ବରୁ ଥିବା ପୁରୁଣା ଡ୍ରେନ୍ କୁ ମତି ପକାଇ ସମ୍ପୂର୍ଣ୍ଣ ବନ୍ଦ କରି ଦିଆଯାଇଛି l ଉକ୍ତ ସମସ୍ୟାର ସମାଧାନ ପାଇଁ ସାହି ବାସିନ୍ଦା ବ୍ଳକ ଓ ଜିଲ୍ଲା ପ୍ରଶାସନ ର ଦୃଷ୍ଟି ଆକର୍ଷଣ କରିଛନ୍ତି l ଯଦି ବର୍ଷା ଦିନ ପୂର୍ବରୁ ଡ୍ରେନ୍ କାମ ତୁରନ୍ତ ନିର୍ମାଣ କରା ନ ଯାଏ, ତେବେ ଲୋକଙ୍କ ଘର ଭିତରକୁ ପଶି ବ୍ୟାପକ ସମ୍ପତ୍ତି କ୍ଷୟ କ୍ଷତି ହେବାର ଆଶଙ୍କା ରହିଛି l ଏପରି ସ୍ଥିତି ଉପୁଜିଲେ ନିର୍ମାଣ କରୁଥିବା ଠିକାଦାର ଓ ସମ୍ପୃକ୍ତ ପୂର୍ତ୍ତ ବିଭାଗ ଦାୟୀ ରହିବ ବୋଲି ଅଂଚଳବାସୀ ଚେତାବନୀ ଦେଇଛନ୍ତି l ପ୍ରଶାସନ ଏଭଳି ସମ୍ବେଦନଶୀଳ ପ୍ରସଙ୍ଗରେ ତୁରନ୍ତ ହସ୍ତକ୍ଷେପ କରିବାକୁ ଦୃଢ଼ ଦାବୀ ହେଉଛି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
