କୋଶଳ ଉଚ୍ଚ ବିଦ୍ୟାଳୟ ପରିସରରେ ଆଚାର୍ଯ୍ୟ ଆଚାର୍ଯ୍ୟା ପ୍ରଶିକ୍ଷଣ ଶିବିର ଅନୁଷ୍ଠିତ
ସଦର ସୁବର୍ଣ୍ଣପୁର ଜିଲ୍ଲାର ସ୍ଥାନୀୟ ପଟାଭାଡ଼ି ଠାରେ ଗଢିଉଠିଥିବା କୋଶଳ ଉଚ୍ଚ ବିଦ୍ୟାଳୟରେ ତ୍ରି ଦିବସୀୟ ଆଚାର୍ଯ୍ୟ ଆଚାର୍ଯ୍ୟା ପ୍ରଶିକ୍ଷଣ ଶିବିର ଉଦଘାଟିତ ହୋଇ ଯାଇଅଛି || ନୁଆଁ ଶିକ୍ଷା ବର୍ଷରେ ନୂତନ ଢାଞ୍ଚା ଓ ଶିକ୍ଷାଦାନ ଶୈଳୀର ଦକ୍ଷତା ବୃଦ୍ଧି କରିବା ପାଇଁ ଗ୍ରୀଷ୍ମ ଅବକାଶ ପରେ ସମସ୍ତ ଶିକ୍ଷକ ଓ ଶିକ୍ଷୟତ୍ରୀମାନଙ୍କୁ ନେଇ ଏକ ପ୍ରଶିକ୍ଷଣ ବର୍ଗ ଅନୁଷ୍ଠିତ ହୋଇଛି | ଯାହାଫଳରେ ତାଲିମ ପ୍ରାପ୍ତ ହୋଇ ଶିକ୍ଷାଦାନ ଦେଲେ ଶିଶୁମାନେ ଲାଭବାନ ହେବେ ଓ ଅଗ୍ରଗତି ପାନ୍ଥକୁ ଅବଲୋକନ କରିବା ହେବେ | ଏହି ପ୍ରଶିକ୍ଷଣରେ ସୁଦୂର ନବରଙ୍ଗପୁର, କୋରାପୁଟ, ବୌଦ୍ଧ ଏହିପରି ଅନେକ ସ୍ଥାନରୁ ଆସି ଯୋଗଦେଇ ତାଲିମ ଗ୍ରହଣ କରିବେ | କାର୍ଯ୍ୟକ୍ରମର ଉଦ୍ଘାଟନୀ ସମାରୋହରେ ମୁଖ୍ୟ ଅତିଥି ଭାବରେ ଜିଲ୍ଲାର ସୁପରିଚିତା ଅତିରିକ୍ତ ଜିଲ୍ଲାପାଳ ଶ୍ରୀମତୀ ଅଞ୍ଜଳୀନା ପଧାନ, ସ୍ୱତନ୍ତ୍ର ଅତିଥି ଭାବରେ ଭାରତୀୟ ଶିକ୍ଷା ବିକାଶ ସଂସ୍ଥାନ ର ପ୍ରତିଷ୍ଠାତା ଶ୍ରୀମହନ୍ତ ମହାମଣ୍ଡଳେଶ୍ୱର କମଳାକାନ୍ତ ଦାସ ମହାରାଜ, ସଂସ୍ଥାନର କାର୍ଯ୍ୟକାରୀ ସମ୍ପାଦକ ଶ୍ରୀଯୁକ୍ତ ପ୍ରକାଶ ଚନ୍ଦ୍ର ବିଷୋୟୀ, ବିଦ୍ୟାଳୟର ସଭାପତି ତଥା ବିଶିଷ୍ଟ ସମାଜସେଵୀ ଶ୍ରୀଯୁକ୍ତ ଶ୍ରୀବତ୍ସ ମଲ୍ଲିକ ଓ ମୁଖ୍ୟ ବକ୍ତା ଭାବରେ ସୁବର୍ଣ୍ଣପୁର ମହାବିଦ୍ୟାଳୟର ପ୍ରାଣୀ ବିଜ୍ଞାନ ବିଭାଗର ବରିଷ୍ଠ ଅଧ୍ୟାପକ ଶ୍ରୀଯୁକ୍ତ ଉମାକାନ୍ତ ନାଗ ପ୍ରଭୃତି ଯୋଗଦେଇ ବିଭିନ୍ନ ଉପଦେଶାତ୍ମକ ବାଣୀ ଉପସ୍ଥାପିତ କରିବା ସହ ଏକ ଆଦର୍ଶ ଶିକ୍ଷକ ହୋଇ ଗଢି ଉଠିବାକୁ ପରାମର୍ଶ ଦେଇଥିଲେ |ପ୍ରାୟତଃ 45 ଜଣ ଗୁରୁଜୀ ଗୁରୁମା ଯୋଗ ଦେଇଛନ୍ତି || ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ପରମା ନାଏକ ଅତିଥିଙ୍କ ଉଦ୍ଧେଶ୍ୟର ସ୍ୱାଗତ ଅଭିଭାଷଣ ରଖିବା ସହିତ ଶିବିରର ଉଦ୍ଧେଶ୍ୟ ଉପସ୍ଥାପନ କରିଥିଲେ | ସମ୍ପାଦକ ଶ୍ରୀଯୁକ୍ତ ସଞ୍ଜୟ କୁମାର ସାହୁ ଧନ୍ୟବାଦର ପର୍ବକୁ ଆଗେଇଥିଲେ ଓ ସହ ପ୍ରଧାନ ଆଚାର୍ଯ୍ୟା ସୁଶ୍ରୀ ସ୍ମିତାରାଣୀ ନାଏକ ମଞ୍ଚ ପରିଚାଳନା କରିଥିଲେ | ଶିକ୍ଷକ ପ୍ରମୋଦ ସାହୁ, ଦୀପକ କୁମ୍ଭାର, ସୁମନ ସାହୁ, ଶୁକ୍ଳମ୍ବର ବନଛୋର ଓ ଶିକ୍ଷୟତ୍ରୀ ଦିପ୍ତିମୟୀ ପଲିଆ, କାମିନୀ ଜେନା, ବୁଲି ବିଶ୍ୱାଳ, ରମିଲା ସାହୁ, ଅନନ୍ୟା ପଧାନ, ନମିତା କୁମ୍ଭାର, ରୁପା ପଧାନ, ପ୍ରଭୁତି ଯୋଗଦେଇ କାର୍ଯ୍ୟକ୍ରମ ସୁଫଳ କରିଥିଲେ।
