ବିଶିଷ୍ଟ କଳାକାର ଭବାନୀ ପଟ୍ଟନାୟକ ଙ୍କ ପରଲୋକ
ଜୁନାଗଡ଼୧୭/୭ (ମନୀ ସ )-କଳାହାଣ୍ଡି ଜିଲ୍ଲା ଜୁନାଗଡ଼ ସହର ର ବିଶିଷ୍ଟ କଳାକାର ତଥା ନାଟ୍ୟ ନିର୍ଦେଶକ ଭବାନୀ ଶଙ୍କର ପଟ୍ଟନାୟକ ଙ୍କ ର ଗତ ୧୬ତାରିଖ ଦିନ ପରଲୋକ ହୋଇଯାଇଛି l ମୃତ୍ୟୁ ବେଳକୁ ତାଙ୍କୁ ୬୪ ବର୍ଷ ବୟସ ହୋଇଥିଲା l ପି ଡବ୍ଲୁ ଡି ବିଭାଗ ରେ କାର୍ଯ୍ୟ ରତ ଥାଇ ଗତ ୨୦୨୨ରେ କାର୍ଯ୍ୟ ରୁ ଅବସରର ନେଇଥିଲେ l ସେ ଭବାନୀପାଟଣା ଜିଲ୍ଲା ମୁଖ୍ୟ ଚିକିତ୍ସାଳୟ ରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ବରଣ କରିଥିଲେ l ତାଙ୍କ ମୃତ୍ୟୁ ରେ ଜୁନାଗଡ଼ ସହର ତଥା ଜିଲ୍ଲା ସମଗ୍ର ଅଞ୍ଚଳ ରେ ଶୋକ ର ଛାୟା ଖେଳି ଯାଇଥିଲା l ତାଙ୍କର ଶେଷ କୃତ୍ୟ ହାତୀ ନଦୀ ସ୍ଥିତ ସ୍ୱର୍ଗଦ୍ୱାର ରେ ସମ୍ପନ୍ନ କରାଯାଇଥିଲା l ପୁତ୍ର ସ୍ୱରାଜ ପଟ୍ଟନାୟକ ମୁଖାଗ୍ନି ଦେଇଥିଲେ l ପରିବାର ଏବଂ ସମ୍ପକ୍ରୀୟ ତଥା ବନ୍ଧୁବର୍ଗ ସମସ୍ତେ ତାଙ୍କର ଶେଷ କାର୍ଯ୍ୟ ସମୟରେ ଉପସ୍ଥିତ ଥିଲେ l ସେ ଜଣେ ମିଷ୍ଠ ଭାଷୀ ଓ ଲୋକପ୍ରିୟ ଭାବରେ ଅଞ୍ଚଳ ରେ ବେଶ ପରିଚିତ ଥିଲେ l ସେ ଏକା ଧାରା ରେ ଜଣେ ନାଟ୍ୟ ନିର୍ଦେଶକ,ମଞ୍ଚ ପରିଚାଳକ,ମଞ୍ଚ ଅଭିନେତା ସହ ସମସ୍ତ କଳା ର ଅଧିକାରୀ ଥିଲେ l ନିଜେ ଏକ ଦିବ୍ୟଶ୍ରୀ ଗଣନାଟ୍ୟ ନାମରେ ଏକ ଅପେରା ଆରମ୍ଭ କରି ସାରା ଓଡିଶା ରେ ଚଞ୍ଚଲ୍ୟ ସୃଷ୍ଟି କରିଥିଲେ l ତାଙ୍କ ନିର୍ଦ୍ଧେଷିତ ଏବଂ ଅଭିନୀତ “ରଘୁଅରକ୍ଷିତ”ଏବଂ “ବାହୁଡା଼ ବିଜୟ” କାଳ୍ପନିକ ଗୀତିନାଟ୍ୟ ଜିଲ୍ଲା ତଥାଜିଲ୍ଲା ଆଖ ପାଖ ପୋଡ଼ଶୀ ଜିଲ୍ଲା ମାନଙ୍କରେ ବେଶ ଲୋକପ୍ରିୟତା ଅର୍ଜନ କରିଥିଲା l ସରକାରୀ ତଥା ବେସରକାରୀ ଅନୁଷ୍ଠାନ ର ସଚେତନତା କାର୍ଯ୍ୟକ୍ରମ ମାନ ଜିଲ୍ଲା ର ଗାଁ ମାନଙ୍କ ରେ କ୍ଷୁଦ୍ର ନାଟକ ମାଧ୍ୟମରେ ପରିବେଷଣ କରୁଥିଲେ l ଜୁନାଗଡ଼ ରେ ଲାଲବାହାଦୁର କ୍ଲବ ପ୍ରତିଷ୍ଠା କରି ଯୁବକ ମାନଙ୍କ ର ପ୍ରେରଣା ର ଉତ୍ସ ସାଜି ଥିଲେ l ତାଙ୍କର ଅକାଳ ବିୟୋଗରେ ଜୁନାଗଡ଼ ସହର ତଥା ଆଖ ପାଖ ଅଂଚଳ, ଜିଲ୍ଲା ଏବଂ ଜିଲ୍ଲା ବାହାର ର ସମସ୍ତ ବନ୍ଧୁ ପରିଜନ ଙ୍କ ମଧ୍ୟରେ ଶୋକ ର ଛାୟା ଖେଳିଯାଇଛି l
ନରେନ୍ଦ୍ର କ୍ଷିତି ଙ୍କ ରିପୋର୍ଟ୍
