ବ୍ୟାସ ପୂଜନ ଉତ୍ସବ ପାଳନ
ରାଉରକେଲା: ଭାରତୀୟ ଶିକ୍ଷଣ ମଣ୍ଡଳ ଓ ରାଉରକେଲା କଲେଜ, ରାଉରକେଲାର ମିଳିତ ଆନୁକୂଲ୍ୟରେ ବ୍ୟାସ ପୂଜନ ଉତ୍ସବ ମହାବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି। କଲେଜର ଅଧ୍ୟକ୍ଷ ଡ. ରବୀନ୍ଦ୍ର କୁମାର ଜେନାଙ୍କ ମାର୍ଗଦର୍ଶନ ଓ ଓଡ଼ିଆ ବିଭାଗର ବରିଷ୍ଠ ପ୍ରାଧ୍ୟାପିକା ରଶ୍ମିପ୍ରଭା ମଥାନଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ପ୍ରଫେସର ଦିଲ୍ଲୀପ କୁମାର ପ୍ରଧାନ ଓ ବିଷୟ ବିଶେଷଜ୍ଞ ଭାବେ ରାଷ୍ଟ୍ରୀୟ ସ୍ବୟଂସେବକ ସଂଘର ଓଡ଼ିଶା ପଶ୍ଚିମର ପ୍ରାନ୍ତ ସଂଘଚାଳକ ଡ. ସନାତନ ପ୍ରଧାନ ଯୋଗଦେଇ ଆଲୋଚ୍ୟ ପ୍ରସଙ୍ଗ ଭାରତୀୟ ଜୀବନ-ଦର୍ଶନ-ଗୁରୁ-ଶିଷ୍ୟ ପରମ୍ପରା ସମ୍ପର୍କରେ ଆଲୋଚନା କରିଥିଲେ। ବିଷୟ ବିଶେଷଜ୍ଞ ଡ. ପ୍ରଧାନ ତାଙ୍କ ବକ୍ତବ୍ୟରେ ମାନବୀୟ ମୂଲ୍ୟବୋଧ ଓ ବିଦ୍ୟାର୍ଥୀଙ୍କ ପଞ୍ଚ ଲକ୍ଷଣ ତଥା ସମସ୍ତଙ୍କୁ ଶୁଣିବା, କେଉଁଟା ସମାଜ ଓ ପ୍ରକୃତି ପାଇଁ ଭଲ ସେହିଭଳି ବିବେକାନୁମୋଦିତ କାର୍ଯ୍ୟ କରିବା ଉପରେ ଗୁରୁତ୍ୱାରୋପ କରିଥିଲେ। ମୁଖ୍ୟଅତିଥି ପ୍ରଫେସର ପ୍ରଧାନ ତାଙ୍କ ବକ୍ତବ୍ୟରେ ଗୁରୁ-ଶିଷ୍ୟ ପରମ୍ପରାର ଉତ୍ପତ୍ତି ଓ ଏହା କିପରି ସାର୍ବଜନୀନ ଜୀବନରେ ଆବଶ୍ୟକତା ତଥା ମାର୍ଗଦର୍ଶକ ଅଧ୍ୟକ୍ଷ ଡ. ଜେନା ତାଙ୍କ ବକ୍ତବ୍ୟରେ ଗୁରୁ-ଶିଷ୍ୟ ପରମ୍ପରା କିପରି ଭାରତୀୟ ସଂସ୍କୃତିର ପ୍ରାଣ ଓ ଏହି ପରମ୍ପରା କିପରି ଆମର ସାଂସ୍କୃତିକ ପରିମଣ୍ଡଳକୁ ପରିବ୍ୟାପ୍ତ କରିଛି ସେ ସମ୍ପର୍କରେ ବକ୍ତବ୍ୟ ରଖିଥିଲେ। ଅନ୍ୟତମ ଅତିଥି ଡ. ଉମେଶ କୁମାର ସିଂ ବ୍ୟାସଦେବଙ୍କ ଗୁରୁଙ୍କ ପ୍ରତି ଭୂମିକା ସମ୍ପର୍କରେ ସୁଚିନ୍ତିତ ମତ ରଖିଥିଲେ। ପ୍ରାରମ୍ଭିକ ସଂଗୀତ ଗାନ କରିଥିଲେ ଛାତ୍ରୀ ଆରୁଷୀ ସେନାପତି। ଶେଷରେ ବରିଷ୍ଠ ଅଧ୍ୟାପକ କରୁଣାକର ପାଟ୍ଟଶାଣୀ ଧନ୍ୟବାଦ ଅର୍ପଣ କରିଥିଲେ। ଅନ୍ୟମାନଙ୍କ ମଧ୍ୟରେ ଅଧ୍ୟାପିକା ଅନନ୍ଦିତା ପାଲ୍, ଡ. ଜଗନ୍ନାଥ ଦେବାଶିଷ ପାଢୀ, ଅମିଶା ଓରାମ, ଲଳିତା କୁମାରୀ, ଭାରତୀ ବରୁଆ, ସନ୍ତୋଷ ରଜକ୍,ସୌମ୍ୟରଞ୍ଜନ ପ୍ରଧାନ, ନୀଳମାଧବ ନାୟକ, ସୂର୍ଯ୍ୟକାନ୍ତ ଦାସ, ପ୍ରୀତମ ସାମଲ, ସୁଶାନ୍ତ ପଟେଲ, ସିଦ୍ଧାର୍ଥ ସାହୁ,ସାଜନ ସରାଫ ପ୍ରମୁଖଙ୍କ ସହ ଆନିମା ମୁଣ୍ଡା, ସଞ୍ଜୁ ତିର୍କି, ପ୍ରୀତି କୁମାର, ଶ୍ରୁତି କୁମାର, ବିକି ନାଗ ପ୍ରମୁଖ ବହୁ ଛାତ୍ର-ଛାତ୍ରୀ ଏହି କାର୍ଯ୍ୟକ୍ରମରେ ସହଯୋଗ ପ୍ରଦାନ କରିଥିଲେ।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
