ଛାତ୍ର ବତ୍ସଳ ପ୍ରଧାନ ଶିକ୍ଷୟିତ୍ରୀ ଜି. ଇନ୍ଦିରା ଙ୍କ ଅବସର
ନବରଙ୍ଗପୁର :(୨|୯)(ରବି ନାରାୟଣ ମହାନ୍ତି)ସ୍ଥାନୀୟ ଗାନ୍ଧୀନଗରସ୍ଥିତ ଗାନ୍ଧୀନଗର ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ଜି. ଇନ୍ଦିରା ଙ୍କ ଅବସର କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି। ଏହି ଅବସରରେ ନବରଙ୍ଗପୁର ଗୋଷ୍ଠୀ ଶିକ୍ଷା ଅଧିକାରି ରିତା ମହାନ୍ତି ମୁଖ୍ୟ ଅତିଥି ଭାବରେ ଯୋଗଦେଇ ଶ୍ରୀମତୀ ଇନ୍ଦିରା ଙ୍କୁ ଉପଢୌକନ ଓ ମାନପତ୍ର ପ୍ରଦାନ କରି ସମ୍ବର୍ଦ୍ଧିତ କରିଥିଲେ। କାର୍ଯ୍ୟକ୍ରମ ରେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଜଗବନ୍ଧୁ ସୌରା, ନମିତା ଘଡ଼େଇ, ସି ଆର୍ ସି ସି ରାମ ଚନ୍ଦ୍ର ପାଢ଼ୀ ସମେତ ବିଦ୍ୟାଳୟ ର ସମସ୍ତ ଶିକ୍ଷକ ଶିକ୍ଷୟିତ୍ରୀ ଏବଂ ଅନ୍ୟ କର୍ମକର୍ତ୍ତା ଉପସ୍ଥିତ ଥିଲେ। ବିଦ୍ୟାଳୟ ର ପ୍ରାଧାନ ଶିକ୍ଷୟିତ୍ରୀ ଭବାନି ମହାପାତ୍ର ସ୍ୱାଗତ ଭାଷଣ ଦେଇ କାର୍ଯ୍ୟକ୍ରମ ଆରମ୍ଭ କରିଥିବା ବେଳେ ବିଦ୍ୟାଳୟ ର ବରିଷ୍ଠ ଶିକ୍ଷକ ଲୋକନାଥ ନନ୍ଦ ଓ ଶିକ୍ଷୟିତ୍ରୀ ଶ୍ରୀମତି କାଞ୍ଚନ ବାଳା ସାହୁ ସମେତ ଅନ୍ୟ କର୍ମଚାରୀ ଶ୍ରୀମତୀ ଇନ୍ଦିରାଙ୍କ କାର୍ଯ୍ୟକାଳ ସମୟରେ ଛାତ୍ର ଛାତ୍ରୀ ଏବଂ ବିଦ୍ୟାଳୟ ପ୍ରତି ତାଙ୍କର ଅବଦାନ ସମ୍ପର୍କରେ ଆଲୋଚନା କରିଥିଲେ। ଏହି ଅବସରରେ ବିଦ୍ୟାଳୟ ର ଛାତ୍ର ଛାତ୍ରୀ ମାନେ ଏକ ଆବେଗ ପୂର୍ଣ୍ଣ ପରିବେଶରେ ଶ୍ରୀମତୀ ଇନ୍ଦିରା ଙ୍କ ବିଦ୍ୟାଳୟ ପ୍ରତି ଥିବା ତାଙ୍କର ଅବଦାନ, ନିଷ୍ଠା ଓ ଛାତ୍ର ଛାତ୍ରୀଙ୍କ ସହ ତାଙ୍କର ସମ୍ପର୍କ କୁ ମନ ପକାଇ ଦୁଃଖ ରେ ସମସ୍ତେ ଭାବପ୍ରବଣ ହୋଇଯାଇଥିଲେ । ଏହି ଅବସରରେ ଛାତ୍ରଛାତ୍ରୀ ମାନେ ଶ୍ରୀମତୀ ଇନ୍ଦିରାଙ୍କ ସରଳତା ଏବଂ ଛାତ୍ର ବତ୍ସଳତା କୁ ନେଇ ମନଛୁଆଁ ଗୀତ ପରିବେଷଣ କରି ଉପସ୍ଥିତ ସମସ୍ତଙ୍କୁ ଭାବ ବିହ୍ୱଳିତ କରିଦେଇଥିଲେ। । କାର୍ଯ୍ୟକ୍ରମ ରେ ଶ୍ରୀମତୀ ଇନ୍ଦିରାଙ୍କ ପରିବାରର ସଦସ୍ୟ ସମେତ ବିଦ୍ୟାଳୟ କମିଟି ର ସଭ୍ୟ ସଭ୍ୟା ଉପସ୍ଥିତ ଥିଲେ ।
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
