କଳାହାଣ୍ଡିରେ ୭୩ ଜଣ ନୂତନ CRCC ଯୋଗଦାନ, ବିଦ୍ୟାଳୟ ଶିକ୍ଷା ବ୍ୟବସ୍ଥା ସୁଦୃଢ଼ ହେବା ଆଶା
କଳାହାଣ୍ଡି ଜିଲ୍ଲାର ୧୩ଟି ବ୍ଲକରେ ଆଜି ମୋଟ ୭୩ ଜଣ କ୍ଲଷ୍ଟର ରିସୋର୍ସ ସେଣ୍ଟର କୋଅର୍ଡିନେଟର ବା CRCC ଯୋଗଦାନ କରିଛନ୍ତି। ନୂତନ CRCCମାନଙ୍କ ଯୋଗଦାନ ଫଳରେ ଜିଲ୍ଲାର ବିଦ୍ୟାଳୟଗୁଡ଼ିକରେ ଏକାଡେମିକ୍ ସହାୟତା ଓ ଶିକ୍ଷାଗତ ତଦାରଖ ବ୍ୟବସ୍ଥା ଆହୁରି ସୁଦୃଢ଼ ହେବା ଆଶା କରାଯାଉଛି।କଳାହାଣ୍ଡି ଜିଲ୍ଲାର ୧୩ଟି ବ୍ଲକରେ ଆଜି ୭୩ ଜଣ ନୂତନ CRCC ନିଜ ଦାୟିତ୍ୱରେ ଯୋଗଦାନ କରିଛନ୍ତି। ଶିକ୍ଷକମାନଙ୍କୁ ଏକାଡେମିକ୍ ସହାୟତା ପ୍ରଦାନ, ବିଦ୍ୟାଳୟର ଶିକ୍ଷାଗତ କାର୍ଯ୍ୟକଳାପର ତଦାରଖ, ଶିକ୍ଷକ ପ୍ରଶିକ୍ଷଣରେ ସହଯୋଗ ଏବଂ ବିଭିନ୍ନ ସ୍କୁଲ୍ ଶିକ୍ଷା କାର୍ଯ୍ୟକ୍ରମର ସଫଳ ରୂପାୟଣରେ CRCCମାନେ ଗୁରୁତ୍ୱପୂର୍ଣ୍ଣ ଭୂମିକା ନେବେ।
CRCC ଚୟନ ଓ ଯୋଗଦାନ ପ୍ରକ୍ରିୟାକୁ ଶିକ୍ଷକ ଓ ଶିକ୍ଷା ସହ ଜଡ଼ିତ ବିଭିନ୍ନ ମହଲରୁ ସ୍ୱାଗତ କରାଯାଇଛି। ନିଯୁକ୍ତି ଓ ଯୋଗଦାନ ପ୍ରକ୍ରିୟାକୁ ସୁଚାରୁ ଭାବେ ସମ୍ପନ୍ନ କରିବାରେ ଜିଲ୍ଲା ଶିକ୍ଷା ଅଧିକାରୀ ଓ ଶିକ୍ଷା ବିଭାଗର ପଦକ୍ଷେପକୁ ମଧ୍ୟ ପ୍ରଶଂସା କରାଯାଇଛି।
ତେବେ ଏହି ପ୍ରକ୍ରିୟା ସମୟରେ ଅନିୟମିତତାକୁ ନେଇ କିଛି ଅଭିଯୋଗ ଓ ସାର୍ବଜନୀନ ଆଲୋଚନା ହୋଇଥିବା ମଧ୍ୟ ସୂଚନା ମିଳିଛି। ଶିକ୍ଷା ବିଭାଗ ପକ୍ଷରୁ ଏହି ଅଭିଯୋଗକୁ ଖଣ୍ଡନ କରାଯାଇଥିବା ଏବଂ ପରୀକ୍ଷା ପରିଚାଳନା ସହ ଜଡ଼ିତ ସଂସ୍ଥା ଓ ଜିଲ୍ଲା ଶିକ୍ଷା ଅଧିକାରୀଙ୍କ କାର୍ଯ୍ୟାଳୟ ବିରୋଧରେ ମିଥ୍ୟା ପ୍ରଚାର କରାଯାଇଥିବା ବିଭାଗ ପକ୍ଷରୁ ସ୍ପଷ୍ଟ କରାଯାଇଥିବା କୁହାଯାଇଛି।
ଏବେ ନୂତନ CRCCମାନେ ନିଜର ଏକାଡେମିକ୍ ଦାୟିତ୍ୱ ଉପରେ ଗୁରୁତ୍ୱ ଦେଇ ବିଦ୍ୟାଳୟ ଶିକ୍ଷାର ଗୁଣାତ୍ମକ ଉନ୍ନତି ଦିଗରେ କାର୍ଯ୍ୟ କରିବେ ବୋଲି ଆଶା କରାଯାଉଛି। ଜିଲ୍ଲାର ବିଦ୍ୟାଳୟ ଓ ଛାତ୍ରଛାତ୍ରୀଙ୍କ ସାମଗ୍ରିକ ବିକାଶ ପାଇଁ ସେମାନେ ସ୍ୱଚ୍ଛତା, ଉତ୍ତରଦାୟିତ୍ୱ ଓ ନିଷ୍ଠାର ସହ କାର୍ଯ୍ୟ କରିବେ ବୋଲି ଶିକ୍ଷା ମହଲ ଆଶା ପ୍ରକାଶ କରିଛି।
ବିଷ୍ଣୁ ଚରଣ ସ୍ୱାଇଁ ଙ୍କ ରିପୋର୍ଟ
