ରାଉରକେଲା ପୋଲିସ୍ ପକ୍ଷରୁ ଜୁଆ ଆଡ୍ଡା ଉପରେ ଚଢାଉ : ଘଟଣାରେ ୪ ଅଭିଯୁକ୍ତଙ୍କ ଗିରଫ ସହ ୭୭୮୦ ଟଙ୍କା ଓ ମୋବାଇଲ୍ ଫୋନ୍ ଜବତ
ରାଉରକେଲା ୬/୧୧, ଗତକାଲି ରାତିରେ ଏଏସ୍ଆଇ କେ. ଶା ଏବଂ ଅନ୍ୟାନ୍ୟ ପୋଲିସ୍ କର୍ମଚାରୀମାନେ ପ୍ଲାଣ୍ଟସାଇଟ୍ ଥାନା ଅଞ୍ଚଳରେ ରାତ୍ରି ପାଟ୍ରୋଲିଂ ଡ୍ୟୁଟି କରୁଥିବା ସମୟରେ, ବିଶ୍ୱସ୍ତ ସୂଚନା ପାଇବା ପରେ ସେମାନେ ରାଉରକେଲା ଗୋପବନ୍ଧୁପାଲ୍ଲିର ବୁଢ଼ି ମା’ ଠାକୁରାଣୀଙ୍କ ଆସ୍ଥାନ ନିକଟରେ ଜୁଆ ଖେଳୁଥିବା ୦୪ ଜଣ ଅଭିଯୁକ୍ତ ଜୁଆ ଖେଳୁଥୁବା ଦେଖିବା ପରେ ସେମାନଙ୍କୁ ଗିରଫ କରିବାରେ ସଫଳ ହୋଇଥିଲେ। ଅଭିଯୁକ୍ତମାନେ ହେଲେ ସୌରଭ କୁମାର ସୋନି, ଆଦିତ୍ୟ କୁମାର ସା, ରବି ପ୍ରସାଦ ସୋନି ଏବଂ ରାଜୀବ କୁମାର ପାସୱାନଙ୍କୁ ଗିରଫ କରିବା ପରେ, ଘଟଣାସ୍ଥଳରୁ ୭୭୮୦ ନଗଦ ଟଙ୍କା, ୫୨ଟି ତାସ୍, ୩ଟି ମୋବାଇଲ୍ ଫୋନ୍ ଏବଂ ଗୋଟିଏ ମ୍ୟାଟ୍ ଜବତ କରାଯାଇଥିଲା।
ଗିରଫ ଅଭିଯୁକ୍ତମାନେ ହେଲେ ରାଉରକେଲା ପ୍ଲାଣ୍ଟସାଇଟ୍ ଥାନା ଅଧିନସ୍ଥ ଗୋପବନ୍ଧୁପାଲ୍ଲିର ସୌରଭ କୁମାର ସୋନି (୨୩), ପ୍ଲାଣ୍ଟସାଇଟ୍ ଥାନା ଅଧିନସ୍ଥ ଗୋପବନ୍ଧୁପାଲ୍ଲି ଓ୍ବାର୍ଡ ନମ୍ବର-୧୩ର ଆଦିତ୍ୟ କୁମାର ସାହା (୨୩), ରାଉରକେଲା ପ୍ଲାଣ୍ଟସାଇଟ୍ ଥାନା ଅଧିନସ୍ଥ ଗୋପବନ୍ଧୁପାଲ୍ଲି ଓ୍ବାର୍ଡ ନମ୍ବର-୧୩ର ରବି ପ୍ରସାଦ ସୋନି (୨୮) ଏବଂ ଚତୁର୍ଥ ଅଭିଯୁକ୍ତ ହେଲେ ରାଉରକେଲା ପ୍ଲାଣ୍ଟସାଇଟ୍ ଥାନା ଅଧିନସ୍ଥ ଗୋପବନ୍ଧୁପାଲ୍ଲି ଓ୍ବାର୍ଡ ନମ୍ବର-୧୩ର ରାଜୀବ କୁମାର ପାସୱାନ (୧୯) ବର୍ଷ।
ଅଭିଯୁକ୍ତମାନଙ୍କ ନିକଟରୁ ୭୭୮୦ ନଗଦ ଟଙ୍କା, ୫୨ଟି ଖେଳିବା ତାସ୍, ତିନୋଟି ମୋବାଇଲ୍ ଫୋନ୍ ଜବତ କରାଯାଇଛି।
ଅଭିଯୁକ୍ତ ସୌରଭ କୁମାର ସୋନିଙ୍କ ନାମରେ ପୂର୍ବରୁ ପ୍ଲାଣ୍ଟସାଇଟ୍ ଥାନାରେ ୨ଟି ମାମଲା ଥିବାବେଳେ ଅନ୍ୟମାନଙ୍କ ନାମରେ ପୋଲିସ୍ ପକ୍ଷରୁ ଯାଞ୍ଚ କରାଯାଉଛି।
ଅଭିଯୁକ୍ତଙ୍କ ବିରୋଧରେ ପ୍ଲାଣ୍ଟସାଇଟ୍ ଥାନାରେ କେସ୍ ନମ୍ବର-୧୧୬୭, ତାରିଖ ୭/୧୧/୨୦୨୬ରେ ଓପିଜି ଆକ୍ଟ-୦୩ ଅନୁସାରେ ମାମଲା ରୁଜୁ କରାଯାଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।
କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
