ଆନ୍ତର୍ଜାତୀୟ ମଞ୍ଚରେ କଳାହାଣ୍ଡିର ଗୌରବ ବଢ଼ାଇଲେ ରିତାଞ୍ଜଳୀ ମିଶ୍ର
ଭଗବାନ ବିର୍ସାମୁଣ୍ଡାଙ୍କ ସଂଘର୍ଷମୟ ଜୀବନକୁ କବିତାରେ ଜୀବନ୍ତ ରୂପ ଦେଲେ, ହାଇକମିଶନଙ୍କ କାର୍ଯ୍ୟକ୍ରମରେ ଉଚ୍ଚକୋଟୀର କବିତା ପାଠ
ଭବାନୀପାଟଣା – ଭଗବାନ ବିର୍ସାମୁଣ୍ଡା କେବଳ ଜଣେ ମହାନ ସ୍ୱାଧୀନତା ସଂଗ୍ରାମୀ ନଥିଲେ, ବରଂ ଆଦିବାସୀ ସମାଜର ଅଧିକାର, ସ୍ୱାଭିମାନ, ସଂସ୍କୃତି ଓ ଜଳ, ଜଙ୍ଗଲ, ଜମିର ସୁରକ୍ଷା ପାଇଁ ଜୀବନବ୍ୟାପୀ ସଂଗ୍ରାମ କରିଥିବା ଜଣେ ମହାନ ଜନନାୟକ ଥିଲେ। ତାଙ୍କର ଅଦମ୍ୟ ସାହସ, ସଂଘର୍ଷ ଓ ଦେଶ ପ୍ରତି ଅବଦାନକୁ କବିତା ମାଧ୍ୟମରେ ଆନ୍ତର୍ଜାତୀୟ ମଞ୍ଚରେ ପ୍ରତିଫଳିତ କରିବା ରିତାଞ୍ଜଳୀଙ୍କ ଏହି ପ୍ରୟାସକୁ ଏକ ସ୍ୱତନ୍ତ୍ର ପରିଚୟ ଦେଇଛି। ଏଭଳି ସାହିତ୍ୟିକ ଓ ସାଂସ୍କୃତିକ ପ୍ରୟାସ ଆଗାମୀ ପିଢ଼ିଙ୍କ ମଧ୍ୟରେ ଦେଶପ୍ରେମ, ଜାତୀୟତାବୋଧ, ସାମାଜିକ ଚେତନା ଓ ମହାନ ବ୍ୟକ୍ତିତ୍ୱଙ୍କ ଜୀବନୀ ପ୍ରତି ଆଗ୍ରହ ସୃଷ୍ଟି କରିବାରେ ସହାୟକ ହେବ ବୋଲି ବିଶେଷଜ୍ଞ ମହଲରେ ମତ ପ୍ରକାଶ ପାଇଛି। ରିତାଞ୍ଜଳୀଙ୍କ ଏହି ଉଲ୍ଲେଖନୀୟ ଉପଲବ୍ଧିରେ ତାଙ୍କ ପରିବାରବର୍ଗ ଓ ଶୁଭେଚ୍ଛୁ ମାନଙ୍କ ମଧ୍ୟରେ ଆନନ୍ଦର ପରିବେଶ ସୃଷ୍ଟି ହୋଇଛି। ତାଙ୍କ ଶଶୁର ଓ ଶାଶୁମା ଡ଼ା ବରେନ୍ଦ୍ର କୁମାର ଦାସ ଓ ଜୟନ୍ତୀ ଦାସ,ତାଙ୍କ ସ୍ୱାମୀ ପ୍ରଶାନ୍ତ ଦାସ, ପୁଅ ପ୍ରତୀକ, ସ୍ୱସ୍ତିକ, ବିଦ୍ୱାନଶ୍ରୀ, ରିଦ୍ଧି, ପ୍ରତ୍ୟୁଷା ଓ ନିଖିଳ,ବାପା ବିନୋଦ ବିହାରି ମିଶ୍ର, ମାଆ ଜାହ୍ନବୀ ମିଶ୍ର ମିଶ୍ର,ଭାଇ ସୁଧୀର ମିଶ୍ର, ଭାଉଜ ସ୍ନେହାସୃତି ମିଶ୍ର, ଭଉଣୀ ନମିତା ମିଶ୍ର ଓ ଗୀତାଞ୍ଜଳି ମିଶ୍ର, ଭାଇ ନିରୋଦ ମିଶ୍ର, ଧ୍ୟାନନନ୍ଦ ପଣ୍ଡା, ସମାଜସେବୀ ଦେବେଶ ସିଂହ ଓ ନାଟ୍ୟକାର ଆଲୋକ ସାହୁଙ୍କ ସମେତ ବିଭିନ୍ନ ସାଂସ୍କୃତିକ ସଂଗଠନ ଓ ବୁଦ୍ଧିଜୀବୀ ମହଲରୁ ତାଙ୍କୁ ଶୁଭେଚ୍ଛା ଓ ଅଭିନନ୍ଦନର ସୁଅ ଛୁଟିଛି। ସାହିତ୍ୟ ଓ କବିତା ମାଧ୍ୟମରେ ମହାନ ବ୍ୟକ୍ତିତ୍ୱଙ୍କ ଜୀବନାଦର୍ଶକୁ ବିଶ୍ୱ ଦରବାରରେ ପହଞ୍ଚାଇବାରେ ରିତାଞ୍ଜଳୀଙ୍କ ଏହି ପ୍ରୟାସ ନିଶ୍ଚିତ ଭାବେ ପ୍ରଶଂସନୀୟ। ତାଙ୍କର ଏହି ସଫଳତା କେବଳ ମିଶ୍ର ପରିବାର ପାଇଁ ନୁହେଁ, ବରଂ ସମଗ୍ର କଳାହାଣ୍ଡି ଜିଲ୍ଲା ଓ ଓଡ଼ିଶା ପାଇଁ ଗର୍ବ ଓ ଗୌରବର ବିଷୟ ପାଲଟିଛି।
ବିଷ୍ଣୁ ଚରଣ ସ୍ୱାଇଁ ଙ୍କ ରିପୋର୍ଟ୍
