ଧନ୍ୟ ହେଲା ପ୍ରାଣ ମୋର
ନନ୍ଦିନୀ ରାଉତ
ବନ୍ଧୁ ହୀନ ବନ୍ଧୁ ପ୍ରଭୁ କୃପାସିନ୍ଧୁ
ଆହେ ଜଗତ କରତା
ବାଞ୍ଛାକଳ୍ପତରୁ ତୁମ୍ଭେ ମହାମେରୁ
ସିନ୍ଧୁଜେମା ପ୍ରାଣକର୍ତ୍ତା।1।
ଅନନ୍ତ ଅଚ୍ୟୁତ ଶଙ୍ଖ ଚକ୍ରଧାରୀ
ଏ ସଂସାର କଲ ସୃଷ୍ଟି
ଆହେ ନରହରି ତୁମ୍ଭରି କରୁଣା
କରୁଅଛ ସଦା ବୃଷ୍ଟି।2।
ହେ କଳା ଶ୍ରୀମୁଖ ପ୍ରଭୁ ପଦ୍ମମୁଖ
ଚରଣେ ସଦା ଶରଣ
କୋଟି ସୂର୍ଯ୍ୟ ଚନ୍ଦ୍ର ତୁମ ଠାରୁ ସୃଷ୍ଟି
ତୁମ୍ଭେ ପରମ କାରଣ।3।
କି ସୁନ୍ଦର ଏହି ଜଗତ ଗଢିଲ
ସୁଶୀତଳ ବାଆ ଦେଇ
ଅମୃତ ସମାନ ଫଳ ସାଇତିଛ
ଏଠି ସେଠି ସବୁଠେଇଁ।4।
ପିତା ମାତା କଣ୍ଠେ ତୁମ୍ଭେ ବିରାଜିତ
ଦେଇଛ ସ୍ନେହ ଆଦର
ଶୟନ ସପନେ ଅବା ଜାଗରେଣ
ଖୋଜୁଛି ରୂପ ତୁମ୍ଭର।5।
ଏ ପ୍ରାଣ ତୁମ୍ଭର ଏ ହୃଦ ତୁମ୍ଭର
ତୁମ୍ଭେ ଅନନ୍ତ ଅପାର
ତୁମ୍ଭରି ସୃଷ୍ଟି ରେ ଜନ୍ମଲାଭ କରି
ଧନ୍ୟ ହେଲା ପ୍ରାଣ ମୋର।6।
ଏତିକି ପ୍ରାର୍ଥନା ଘେନ ହେ କେଶବ
ପାଦରେ କରେ ଗୁହାରି
ଏ ସଂସାର ବକ୍ଷୁ ପାପ ତାପ ହିଂସା
ଅକ୍ଳେଶ ରେ ଦିଅ ମାରି।7।
