ମୟୂରଭଞ୍ଜ ୨୮/୮/୨୨(ମସିହା) ମୟୂରଭଞ୍ଜ ଜିଲ୍ଲା ବିଶୋଇ ଥାନା ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥ ବାଇପାସ୍ ରାସ୍ତା ବାଦଲ ହୋଟେଲ ସମୁଖ୍ୟ ରେ ଆଜି ଶନିବାର ଅପରାହ୍ନ ସାଢେ଼ ଚାରିଟା ସମୟରେ ଏକ ସାଇକେଲ ଚାଳକକୁ ଯଶିପୁର ପଟୁ ଆସୁଥିବା WB 05/6862 ନମ୍ବର ମାଲବାହୀ ଟ୍ରକ ରାଜ ପଥ ଉପରେ ଚାପି ଦେବାଫଳରେ ଘଟଣାସ୍ଥଳରେ ସାଇକେଲ ଆରୋହୀର ମୃତ୍ୟୁ ହୋଇଛି । ସୂଚନା ମୁତାବକ ସାଇକେଲ ଆରୋହୀ ଜଣକ ହେଲେ ବିଶୋଇ ଥାନା ଅନ୍ତର୍ଗତ ଏନ ବି ପୋଖରିଆ ନଗଳବେଣ୍ଟା ପଞ୍ଚାୟତ ମାଖନା ଗ୍ରାମ ର ୫୦ ବର୍ଷିୟ ଲେଙ୍ଗା ନାଏକ। ଆଜି ବିଶୋଇ ର ସାପ୍ତାହିକ ହାଟକୁ ଆସି ଘରକୁ ଫେରୁଥିବା ସମୟରେ ଏହି ଦୁର୍ଘଟଣା ର ଶିକାର ହୋଇ ପ୍ରାଣ ହରାଇଥିବା ବେଳେ ଟ୍ରକ୍ ଡ୍ରାଇଭର ଫେରାର ଥିବା ଖବର ହସ୍ତଗତ ହୋଇଛି। ଦୁର୍ଘଟଣାର ଖବର ବିଶୋଇ ପୋଲିସ ଘଟଣାସ୍ଥଳରେ ପହଂଚି ଟ୍ରକକୁ ଜବତ କରିବା ସହ ତଦନ୍ତ କାର୍ଯ୍ୟ ଆରମ୍ଭ କରିଛି । ପୋଲିସ ମୃତଦେହକୁ ଉଦ୍ଧାର କରି ଏକ ମାମଲା ରୁଜୁ କରି ଶବ ବ୍ୟବଚ୍ଛେଦ ପାଇଁ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟକୁ ପଠାଇଛି । ରବିବାର ଦିନ ଶବ ବ୍ୟବଚ୍ଛେଦ ହେବ ।ବିଚରା ଗରୀବ ଲେଙ୍ଗା ନାଏକ ଶନିବାର ସାପ୍ତାହିକ ହାଟକୁ ପରିବାରର କିଣିବା ପାଇଁ ଆସିଥିଲା ।ପରିବା ପତ୍ର ନେଲେ ଘରେ ଛୁଆପିଲା ଅନେଇ ବସିଥିଲେ ରୋଷେଇ କରି ଖାଇବେ ।ହେଲେ ଦିବସ ସହିଲା ନାହିଁ ।ଅକାଳରେ ଗରୀବ ଚାଷୀର ପ୍ରାଣବାୟୁ ଚାଲିଗଲା ।ଗରୀବ ଲେଙ୍ଗାକୁ ସରକାରୀ ସହାୟତା ପାଇଁ ଗ୍ରାମବାସୀ ଦାବି ଜଣାଇଛନ୍ତି ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ