ପ୍ରବଳ ଉତ୍ସାହ ଓ ଉଦ୍ଦୀପନା ମଧ୍ୟ ରେ ଘୋଷ ଯାତ୍ରା ସମ୍ପନ୍ନ
ଧର୍ମଗଡ:୦୧/୦୭/୨୨: ଆଜି ପ୍ରବଳ ଉତ୍ସାହ ଓ ଉଦ୍ଦୀପନା ମଧ୍ୟ ରେ ଧର୍ମଗଡ ସହର ରେ ଶ୍ରୀ ଜୀଉ ଙ୍କ ଘୋଷ ଯାତ୍ରା ଅନୁଷ୍ଠିତ ହୋଇ ଯାଇଛି । ରୀତି ନୀତି ଅନୁଯାୟୀ ଶ୍ରୀ ଜୀଉ ମାନଙ୍କୁ ପହଣ୍ଡି କରାଯାଇ ରଥାରୂଢ଼ କରାଯାଇଥିଲା । ଧର୍ମଗଡ ବିଧାୟକ ମୌଷଧୀ ବାଗ ଛେରା ପହଁରା କରି ଥିଲେ । ଦୀର୍ଘ ଦୁଇବର୍ଷ ହେବ କରୋନା କଟକଣା ପାଇଁ ରଥଯାତ୍ରା ବନ୍ଦ ରହିଥିଲା । ଫଳ ରେ ଚତୁର୍ଦ୍ଧା ମୂର୍ତ୍ତୀ ଙ୍କୁ ରଥ ରେ ଦର୍ଶନ କରି ପ୍ରଭୂ କୃପା ଲାଭ କରିବା ପାଇଁ ପ୍ରବଳ ଜନସମାଗମ ହୋଇଥିଲା । 
ରଥ ଯାତ୍ରା ଦେଖିବା ପାଇଁ ଜିଲ୍ଲା ତଥା ପଡୋଶୀ ଛତିଶଗଡ଼ ରାଜ୍ୟ ଦେଭୋଗ ଅଞ୍ଚଳ ରୁ ଭକ୍ତ ମାନେ ଭିଡ ଜମାଇଥିଲେ । ରଥ ଯାତ୍ରା ରେ ଶାନ୍ତି ଶୃଙ୍ଖଳା ରକ୍ଷା ତଥା ଭିଡ କୁ ନିୟନ୍ତ୍ରଣ ପାଇଁ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଥିଲା ବେଳେ ଟ୍ରଷ୍ଟ ବୋର୍ଡ ସଭାପତି ତଥା ଉପଜିଲ୍ଲାପାଳ ସଚିନ ପ୍ରକାଶ,ଡିଏସପି ଧିରଜ ଚୋପଦାର ଉପସ୍ଥିତ ରହି ତଦାରଖ କରି ଥିଲେ । ରଥଯାତ୍ରା ପାଳନ କମିଟି ସଦସ୍ୟ ସମେତ ମନ୍ଦିର ଟ୍ରଷ୍ଟ ର ସଦସ୍ୟ ମାନେ ଉପସ୍ଥିତ ରହି ରଥଯାତ୍ରା କୁ ସଫଳ ପରିଚାଳନା କରିଥିଲେ ।
ପିଲାଙ୍କ କୁନି ରଥ ବିଶେଷ ଆକର୍ଷଣ:
ଆଜି ଘୋଷ ଯାତ୍ରା ସମୟରେ କୁନି କୁନି ପିଲାଙ୍କ ଦ୍ଵାରା ପ୍ରସ୍ତୁତ ଜଗନ୍ନାଥ, ବଳଭଦ୍ର ଓ ସୁଭଦ୍ରା ଙ୍କ ତିନି ରଥ ଆକର୍ଷଣୀୟ ହୋଇଥିଲା । ଭବଜୀତ ନାଏକ ରଥ ପ୍ରସ୍ତୁତ କରିଥିବା ବେଳେ ଜ୍ଞାନ ରଞ୍ଜନ ନାଏକ, ପ୍ରିନ୍ସ ନାଏକ, ଶିବାନ୍ଶ ନାଏକ ଓ ଝାନ୍ସିରାଣୀ ନାଏକ ସହାୟତା କରିଥିଲେ ।
ଧର୍ମଗଡ଼ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ
