ସବୁଜ ପୃଥିବୀ ଗଢ଼ିବା ଆସ
ଗଛ ଲଗାଇବା ଆସ
(ଗୀତି କବିତା)
କବି ସୌରଭ ବୈଜୟନ୍ତୀ ମାଳା ମହାପାତ୍ର
ଗଛ ଲଗାଇବା ଫଳ ଫଳାଇବା
ମହୀରେ ଖେଳିବ ହସ
ସବୁଜିମା ଭରା ହେବ ବସୁନ୍ଧରା
ଗଛ ଲଗାଇବା ଆସ…..(୦)
ଗଛରୁ ମିଳଇ ଆହାର ଓ ଛାଇ
ଗଛ ପାଇଁ ମିଳେ ଜଳ
ଶୁଦ୍ଧ ଅମ୍ଳଜାନ ଯୋଗାଇ ଜୀଵନ
ରଖେ ଗଛ ସୁଶୀତଳ
ଗଛ ପାଇଁ ମହୀ ସୁନ୍ଦର ଦିଶଇ
ଦୂରାଏ ଦୂଷିତ ବିଷ…….(୧)
ମାଟିର ସୁରକ୍ଷା କରେ ଗଛ ରକ୍ଷା
ଖାଦ୍ୟ ବସ୍ତ୍ରକୁ ଯୋଗାଇ
ରୋଗ ଉପଚାର କରେ ନିରନ୍ତର
ଶରୀରର ଅଂଶ ଦେଇ
ଆଦର କରିବା ଯତନ ତା ନେବା
ତା’ ପାଇଁ ଆମର ହସ…..(୨)
ଜୀବ ଜନ୍ତୁ ଯେତେ ତା ପାଇଁ ହେ ସତେ
ନିର୍ଭୟେ ବଞ୍ଚିବା ପାଇଁ
ଅତି ଆବଶ୍ୟକ ଚିଜ ଯେ ଅନେକ
ପାଆନ୍ତି ତାହାଠୁ ଭାଇ
ସିଏ ଟି ଜୀଵନ ବନ୍ଧୁରେ ମହାନ
ଚିର ସଖା ବର୍ଷ ମାସ….(୩)
ଫୁଲବାଣୀ, କନ୍ଧମାଳ
