ଡାବୁଗାଁ, ୨/୮ ନବରଙ୍ଗପୁର ଜିଲା ଡାବୁଗାଁ ଥାନା ଅଧିନ କେନ୍ଦୁଗୁଡା ଗ୍ରାମରେ ଜଣେ ଯୁବକ ବେକରେ ଗାମୁଛା ବାନ୍ଧି ଆତ୍ମହତ୍ୟା କରିଥିବା ନେଇ ମଙ୍ଗଳବାର ଡାବୁଗାଁ ଥାନାରେ ଅଭିଯୋଗ ହୋଇଛି । ସୂଚନାଯୋଗ୍ୟ ଡାବୁଗାଁ ଥାନା ଅଧୀନ କେନ୍ଦୁଗୁଡା ଗ୍ରାମର ନରେନ୍ଦ୍ର ଗୌଡ଼ (୩୫) କୌଣସି କାରଣରୁ ଗତ ୫-୬ ଦିନ ହେଲା ଘରୁ କୁଆଡେ ଚାଲିଯାଇଥିଲେ । ପରିବାର ଲୋକେ ବିଭିନ୍ନ ସ୍ଥାନରେ ଖୋଜା ଖୋଜି କରିଥିଲେ କିନ୍ତୁ ତାଙ୍କର କୌଣସି ଖବର ମିଳିନଥିଲା | ମଙ୍ଗଳବାର ସକାଳ ସମୟରେ ମୃତକ ଙ୍କ ବାଡି ପଟ ଆଡୁ ପଚା ଗନ୍ଧ ଆସୁଥିଲା | ଅତ୍ୟଧିକ ଗନ୍ଧ ହେବାରୁ ଲୋକେ ଖୋଜା ଖୋଜି କରିଥିଲେ ଉକ୍ତ ଗନ୍ଧ ବାଡିରେ ଥିବା ଏକ କୁସୁମ ଗଛ ଆଡୁ ଆସୁଥିଲା | ଲୋକେ କୁସୁମ ଗଛ କୁ ଦେଖିବାରୁ ଜାଣିପାରିଥିଲେ ଯେ ନରେନ୍ଦ୍ର ଆତ୍ମହତ୍ୟା କରିଛି | ଏହାକୁ ଦେଖି ଗ୍ରାମବାସୀ ନରେନ୍ଦ୍ରଙ୍କ ପରିବାର କୁ ଖବର ଦେଇଥିଲେ । ଖବର ପାଇ ପରିବାର ଲୋକେ ସେଠାରେ ପହଂଚି ଶବକୁ ଚିହ୍ନଟ କରିଥିଲେ । ମଙ୍ଗଳବାର ପୂର୍ବାହ୍ନରେ ନରେନ୍ଦ୍ର ଙ୍କ ସାନ ବାପା ମନବୋଧ ଗୌଡ଼ ଡାବୁଗାଁ ଥାନା ରେ ଏତଲା ଦେଇଥିଲେ । ଉକ୍ତ ଏତଲାକୁ ଭିତ୍ତିକରି ଥାନା ସବଇନିସ୍ପେକ୍ଟର କୁଳଭୂଷଣ ନାୟକ ଘଟଣାସ୍ଥଳରେ ପହଞ୍ଚି ଶବ ଜବତ କରି ପଞ୍ଚନାମା କରି ବ୍ୟବଚ୍ଛେଦ ପାଇଁ ଡାବୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ | ଶବ ବ୍ୟବଚ୍ଛେଦପରେ ପରିବାର ବର୍ଗଙ୍କୁ ହସ୍ତାନ୍ତର କରାଯାଇଛି | ଏନେଇ ଥାନା କେସ ନଂ ୨୦/୨୨ ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି |
ପ୍ରଜ୍ଞାରଞ୍ଜନ ପରିଡା, ଡାବୁଗାଁ
