ଜଣାଣ
ମାନଗୋବିନ୍ଦ ସ୍ବାଇଁ
ବ୍ରହ୍ମ ଅଭିଶାପ ମୋ ଉପରେ ପଡୁ
ବ୍ରହ୍ମାଣ୍ଡ ଉଦ୍ଧାର ହେଉ
ଚାହିଁଛି ପ୍ରଭୁଙ୍କୁ ଦୃଷ୍ଟି ଚଉଦିଗ
ରକ୍ଷା କର ମହାବାହୁ।
ଏତେ ନାମ ନେଲ ଆହେ ବିଶ୍ବ ପତି
ବିପଦ ଭଞ୍ଜନ ହରି
ସଂସାର ନଉକା ପାରି କରି ଦେବ
ନାବିକ ମୋର ଗୁହାରୀ।
ଭଲମନ୍ଦ କଥା ତୁଟାଇବ ବ୍ୟଥା
ସବୁ ତୁମ ହାତ କାମ
ଯାହାକୁ ଯେମିତି ବଚନ ଦେଉଛ
ପାଳନ ଜପ ତୋ ନାମ।
ନିରାକାର ବ୍ରହ୍ମ ସ୍ବୟଂ ନାରାୟଣ
ଦାରୁ ରୂପେ ପାଉ ପୂଜା
ଦର୍ଶନ କରିଲେ ସାକ୍ଷାତ ଆସୁଛ
ଦେଉଳେ ଉଡ଼ାଇ ଧ୍ଵଜା।
ଭକ୍ତ ବନ୍ଧୁ ଜନ ତୋ ପ୍ରେମେ ବାଇଆ
ଭଜୁଛି ତୋର କୀର୍ତ୍ତନ
ପାଇବାକୁ ହବ ଭକ୍ତିରେ ଚିନ୍ତିଲେ
ପ୍ରଭୁ ହେ ଦିଅ ଦର୍ଶନ।
ଗୋଜାବନ୍ଧ ମହାକାଳପଡ଼ା
କେନ୍ଦ୍ରାପଡ଼ା
