ମୟୂରଭଞ୍ଜ -୨୬/୮/୨୨(ମସିହା) ମୟୂରଭଞ୍ଜ ଜିଲ୍ଲାର ରାଇରଙ୍ଗପୁର ଟାଉନ ଥାନା ଅନ୍ତର୍ଗତ ରାଇରଙ୍ଗପୁର -ଯଶିପୁର ରାସ୍ତା ସରସ୍ଵତୀ ଶିଶୁ ବିଦ୍ୟା ମନ୍ଦିର ସନ୍ନିକଟ ରାସ୍ତାରେ ଆଜି ଅପରାହ୍ନ ୧୨.୩୦ ଟା ପାଖାପାଖି ସମୟରେ ଦୁଇ ବାଇକ୍ ମୁହାଁମୁହିଁ ଘଟଣାରେ ଜଣେ ମୃତ ଓ ଦୁଇ ଗୁରୁତର ହୋଇଛନ୍ତି ।
ସୂଚନାଯୋଗ୍ୟ ଯେ ରାଇରଙ୍ଗପୁର ଗ୍ରାମାଞ୍ଚଳ ଥାନା ଅନ୍ତର୍ଗତ ରାଖାସାହି ଗ୍ରାମର ଜନାର୍ଦ୍ଦନ ପରିଡ଼ା ବାଇକରେ ଯାଉଥିବା ସମୟରେ ଅପରଟୁ ବାଇକରେ ବଣକାଟି ପଞ୍ଚାୟତର କରକଚିଆ ଗ୍ରାମର ଜୟସେନ ହେମ୍ବ୍ରମ ଏବଂ ପରମେଶ୍ବର ବାସ୍କେଙ୍କସହ ଆମନା ସାମନା ହେବାଫଳରେ ୩ ଜଣ ଯାକ ଦୁର୍ଘଟଣା ର ଶିକାର ହୋଇ ରାସ୍ତାରେ ରକ୍ତ ଜୁଡୁବୁଡୁ ଅବସ୍ଥାରେ ପଡ଼ିଥିଲେ । ରାଇରଙ୍ଗପୁର ଟାଉନ ପୋଲିସ ଖବର ପାଇ ଘଟଣାସ୍ଥଳରେ ପହଂଚି ୩ ଜଣଙ୍କୁ ଗୁରୁତର ଅବସ୍ଥାରେ ରାଇରଙ୍ଗପୁର ହସ୍ପିଟାଲକୁ ଆଣିଥିଲେ । ସେଠାରେ ଡ଼ାକ୍ତର ଜନାର୍ଦ୍ଦନ ପରିଡାକୁ ମୃତ ଘୋଷଣା କରିଥିଲେ । ପୋଲିସ ବାଇକ ଦୁଇଟାକୁ ଜବତ କରି ଘଟଣାର ତଦନ୍ତ କରୁଛି ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
