ସମ୍ପର୍କ.

ପ୍ରତିମା ଶତପଥି

ସମ୍ପର୍କ ଅଟଇ ତିନୋଟି ଅକ୍ଷର

         ବହୁତ ମହତ୍ୱ ତାର

ତାହାକୁ ଗୁରୁତ୍ୱ ଦିଏନି ମନୁଷ୍ୟ

         ହୋଇଯାଏ ସ୍ୱାର୍ଥପର.

ସ୍ନେହ, ମମତା ର ଅତୁଟ ବନ୍ଧନ 

         ଏହି ସମ୍ପର୍କ ଅଟଇ 

ଅହଙ୍କାର, ଜିଦ, ପାଖରେ ରହିଲେ

      ନିଜ ଯାଏ ପର ହୋଇ.

ସମ୍ପର୍କ ର ଚାବି ପ୍ରେମର କାଠିରେ

        ଖୋଲି ହୁଏ ସହଜରେ

ସ୍ନେହରେ ଦିପଦ କଥା ହୋଇଗଲେ

      ଅଭିମାନ ଯାଏ ଦୂରେ.

ସମ୍ପର୍କ ସେତୁରେ ସ୍ନେହର ବାଲି ଓ

       ଶ୍ରଦ୍ଧା ର ସିମେଣ୍ଟ ଦେଇ

ମମତା କଂକ୍ରିଟ, ସହନଶୀଳତା

      ଲୁହାଛଡ଼ ଥିବ ରହି.

ସବୁଠୁ ମଜଭୂତ ସତ୍ୟର ନୀରରେ

      ଏହାକୁ ଗୋଳାଇଥିବ

ମନୁଷ୍ୟ ତ ଛାର, ଦେବତାଙ୍କ ଦ୍ୱାରା

       ସମ୍ପର୍କ ଯେ ନ ଭାଙ୍ଗିବ.

କିଛି ଲୋକ ରହିଛନ୍ତି ଦୁନିଆଁ ରେ

      ମିଥ୍ୟାରେ ଲଗାନ୍ତି କଳି

ସେମାନଙ୍କ ଠାରୁ ରହିବ ଦୂରରେ

      ଆପେ ଯିବେ ସେ ଝାଉଁଳି.

ଆଜିର ଜୀବନ କାଲିକୁ ନ ଥିବ

      ଦମ୍ଭ, ଗର୍ବ କାହିଁ କର 

ବଡ଼ିମା ଦେଖାଇ କିଛି ଲାଭ ନାହିଁ

       ଲୋକ ହସା ହେବା ସାର.

ସମସ୍ତଙ୍କ ପାଇଁ ଛ ଖଣ୍ଡ ବାଉଁଶ

      ହୋଇଥାଏ ଦରକାର

ମହାରାଜା,ପ୍ରଜା, ଦରିଦ୍ର ଭିକାରି

       ଫକୀର କିବା ଅମୀର.

ଏକତା ମନ୍ତ୍ର କୁ ଶହେ ଆଠଥର

       ମନେ ମନେ ଥାଅ ଘୋଷି

ତୁମ ହାତ ମୁଠା ହେବ ମଜଭୂତ

      ସାହା ହେବେ ବ୍ରହ୍ମରାଶି.

ଜିଲ୍ଲା,, ଯାଜପୁର