ବିଘ୍ନରାଜ

ଜୟ ଗଜାନନ ଗଉରୀ ନନ୍ଦନ

ଜୟ ବିଘ୍ନ ବିନାଶନ

ପାଶଙ୍କୁଶ ଧାରି କଳୁଷ ନିବାରି

ଆଜି ତବ ଜନ୍ମ ଦିନ।।

ମାତା ଯା ପାର୍ବତୀ ମଳୁଖୁ ଉତ୍ପତ୍ତି

ବିଦ୍ୟା ବୁଦ୍ଧି ପାରଙ୍ଗମ

ଅଗ୍ରଦେବ ପୁଜ୍ୟ ଶିବଙ୍କ ସାନୁଜ

କରେ ସାଷ୍ଟାଙ୍ଗ ପ୍ରଣାମ।।

ଭାଦ୍ରବ ମାସ ରେ ଶୁକ୍ଳ ଚତୁର୍ଥୀରେ

ହୋଇଥିଲା ତୁମ ଜନ୍ମ

ଶିଶୁ ଅବସ୍ଥାରୁ ମହା ବଳଶାଳୀ

ଭାବେ ଦେଖାଇଲ କର୍ମ ।।

ମାତାଙ୍କ ଆଦେଶେ ଦ୍ଵାର ପାଳ ବେଶେ

ହୋଇଥିଲ ଅବତୀର୍ଣ୍ଣ

ପିତା ମହେଶ୍ୱର ସେକାଳେ ହାଜର

କରିଥିଲ ଘୋର ରଣ।।

ଶିବଙ୍କ ତ୍ରିଶୂଳ ସାଜିଥିଲା କାଳ

କାଟି ଦେଇଥିଲା ମୁଣ୍ଡ

ହସ୍ତିର ମୁଣ୍ଡକୁ ଲଗାଇ ତୁମକୁ

ନାମ ହେଲା ବକ୍ର ତୁଣ୍ଡ।।

ପର୍ଶୁରାମ ବୀର କ୍ଷତ୍ରିୟ ପ୍ରବର

ସଙ୍ଗେ କରି ଘୋର ଯୁଦ୍ଧ

ପରଶୁ ଆଘାତ ପାଇ ଏକ ଦନ୍ତ

ନାମରେ ହେଲ ବିଖ୍ୟାତ।।

ଆଜି ତୁମ ପୂଜା ମଣ୍ଡପ ରେ ସଜା

ଦିଅ ବାରେ ଦରଶନ

ଭକ୍ତ ସମାଗମ କରନ୍ତି ପ୍ରଣାମ

ଭରି ଦିଅ ଦିବ୍ୟଜ୍ଞାନ। ।

 ରାମଚନ୍ଦ୍ର ମହାନ୍ତି

ଗଞ୍ଜାମ