ନୂଆଖାଇ
ଭଦ୍ରଵମାସରେ ସବୁଜ ଧାନକ୍ଷେତେ ଲହର
ଉଲ୍ଲସିତ ଚାଷୀଭାଇର ମନେ ଆନନ୍ଦଝର ll
ଉତ୍ପାଦିତ ନବଫସଲେ ନଇବେଦ୍ୟ ପ୍ରସ୍ତୁତ
ଇଷ୍ଟ ଦେଵାଦେବୀମାନଙ୍କୁ କ୍ଷୀରୀ ପିଠା ଅର୍ପିତ ll
କୃଷିସମ୍ବନ୍ଧିତ ପରବେ ଚଞ୍ଚଳ ପଲ୍ଲୀଭୂଇଁ
ଦୂର ପରବାସୁଆସନ୍ତି କର୍ମଜିବୀ ଯେଧାଇଁ ll
ସ୍ନେହମୟୀ ମାତା ଅଥବା ସୁହାଗିନୀ ଘରଣୀ
ଅଲିଅଳୀ ଭଗ୍ନୀ ପରାୟେ ନୂଆଖାଇ ଆସଇ ll
ଉଦାସ ହୃଦରେ ବହଇ ସତେ ଆନନ୍ଦ ଗଙ୍ଗା
ନିରାଶାତିମିରେ ଜାଳଇ ଆଶା ଆଲୋକ ଶିଖା ll
ପଶ୍ଚିମ ଓଡିଶା ପାଳଇ ଗଣ ପରବ ରୂପେ
ସ୍ଥାନ ବିଶେଷରେ ପାଳନେ ଭିନ୍ନ ଭିନ୍ନ ଢାଞ୍ଚାରେ ll
ସଂସ୍କୃତି ସମ୍ପନ୍ନ ରାଇଜେ ପରମ୍ପରା ଅକ୍ଷୁର୍ଣ୍ଣେ
ଉତ୍କଳୀୟ ଜନ ଜୀବନେ ପରବର ପାଳନେ ll
ଆତ୍ମୀୟ ସ୍ୱଜନ ସମେତ ପ୍ରତିବେଶୀ ଗହଣେ
ନବାନ୍ନ ଭକ୍ଷଣେ ଭୂଲନ୍ତି ମନାନ୍ତର ସକଳେ ll
ଢୋଲ ମାଦଳର ତାନରେ ଦାସକାଟିଆ ପାଲା
ଆନନ୍ଦେ ହଜନ୍ତି ସକଳେ ହୃଦେ ଉଲ୍ଲାସ ଭରା ll
ଗୃହେ ମୁଖିଆଙ୍କୁ କରାନ୍ତି ପ୍ରଥମରେଭୋଜନ
ଲଘୁଜନେ ଦେଇ ଆଶୀଷ ଗୁରୁଜନେ ପ୍ରଣାମ ll
ନୂଆଖାଇବୁଣେ ସୁଫଳା ବୀଜ ଭାଇ ଚାରାର
ଶାନ୍ତି ମୈତ୍ରୀ ସଦ ଭାବନା ପ୍ଲାବନରେ ଅନ୍ତର ll
ନର୍ମଦା ନାୟକ
ରାଉରକେଲା ସୁନ୍ଦରଗଡ଼
