କୋକସରା,୫/୯- ( ମ ନି ସ ) କଳାହାଣ୍ଡି ଜିଲ୍ଲା କୋକସରା ବ୍ଲକରେ ନୂତନ ଗୋଷ୍ଠୀ ଉନ୍ନୟନ ଅଧିକାରୀ ଭାବେ ବିନୟ କୁମାର ଭୋଇ ଯୋଗଦେଇଛନ୍ତି । ପୂର୍ବରୁ କୋକସରା ଗୋଷ୍ଠୀ ଉନ୍ନୟନ ଅଧିକାରୀ ଭାବେ ମନୀଷା ଦାସ କାର୍ଯ୍ୟରତ ଥିଲେ ।
ବିଡିଓ ଦାସଙ୍କ ବଦଳି ହେବା ପରେ ତାଙ୍କ ସ୍ଥାନରେ ଶ୍ରୀଭୋଇ ଯୋଗ ଦେଇଛନ୍ତି । ଦ୍ୱାୟିତ୍ୱ ଗ୍ରହଣ ଅବସରରେ ସୋମବାର ବିଡିଓ ଭୋଇଙ୍କୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି ।
ଏହି ସମୟରେ କୋକସରା ବ୍ଲକ ଉପାଧ୍ୟକ୍ଷ ରାଜୀବ କୁମାର ଅଗ୍ରୱାଲ, ଜିପିଓ ନାରାୟଣ ଭୋଇ, ବ୍ଲକ ସାମାଜିକ ସୂରକ୍ଷା ଅଧିକାରୀ ଦୀପକ ବେହେରା ସମେତ ସମସ୍ତ କନିଷ୍ଠ ଯନ୍ତ୍ରୀ, ପିଇଓ, ସମିତି ସଭ୍ୟ, ସଭ୍ୟା ସହ ବିଭିନ୍ନ ପଞ୍ଚାୟତର ସରପଞ୍ଚ ପ୍ରମୁଖ ଉପସ୍ଥିତ ରହିଥିଲେ ।
