କଳଙ୍କ 

କଳଙ୍କର ଟିକା ମଥାରେ ଲଗାଇ

କଳଙ୍କିତ ଆଜି ମୁହିଁ

ତୁମେ କି ବୁଝିବ କଳଙ୍କର ଦୁଃଖ

ଭୋଗୁଛି ମୁଁ କାହାପାଇଁ

ଶରୀରଟା ସିନା କଳଙ୍କିତ ହେଲା

ହୃଦୟେ କଳଙ୍କ ନାହିଁ 

କଳଙ୍କର ଟିକା …………..୧ 

ପ୍ରୀତିର କଳଙ୍କ ଲିଭୁନି ମଥାରୁ

ତୁମ ସାଥେ ଭାବରଖି

ନିରୀହ ନିସ୍ପାପ ଜୀବନ ମୋହର

ପାରୁନାହିଁ ତାକୁ ଦେଖି 

ସହି ମୁଁ ପାରୁନି କଳଙ୍କର ବୋଝ

ରହିଛି ତୁମକୁ ଚାହିଁ

କଳଙ୍କର ଟିକା …………..୨ 

ତୁମ ବିନା କିଏ ଲିଭାଇ ପାରିବ

ମଥାର କଳଙ୍କ ମୋର

ଶତ ଚେଷ୍ଟା କରି ବିଫଳ ହେଲେବି

ଭାଙ୍ଗି ନାହିଁ ଆଶା ମୋର

ହୃଦୟ ଭିତରୁ ତୁମେ ପରା କୁହ

କଳଙ୍କ ଲାଗିବ ନାହିଁ 

କଳଙ୍କର ଟିକା ମଥାରେ ଲଗାଇ

କଳଙ୍କିତ ଆଜି ମୁହିଁ…………..୩

ସତ୍ୟରଞ୍ଜନ ସ୍ୱାଇଁ

ଅବଦଲପୁର, ଯାଜପୁର