ଜୟ ଜଗଦମ୍ବେ ମା’
ପ୍ରତାପ କିଶୋର ରାଉତ
ଜୟ ଜୟ ଜଗଦମ୍ବେ ମା’
ତ୍ରିତାପ ହାରିଣୀ ଦୁର୍ଗେ ମା’
ଭବ ଭୟ ନିବାରିଣୀ
ଅମ୍ବିକା ଦେବୀ ଶିବାନୀ
ଅଗ୍ନି ସମ୍ଭୁତା ଭବାନୀ ମା’ ।
ଜୟ ଜୟ ଜଗଦମ୍ବେ—–।0।
ଦୁର୍ଗତି କାଳରେ ମାଗୋ ଆସି ଅବତରୀ
ଧର୍ମ ସଂସ୍ଥାପନ କଲ ନାଶି ଦୁରାଚାରି (୨)
ଭକତ ମୁଖରେ ହସ
ଭରିଲ ହୃଦେ ସାହସ
ଏମିତି କରୁଣା ତୋର ମା’ ।
ଜୟ ଜୟ ଜଗଦମ୍ବେ——।୧।
ଆଦ୍ୟାଶକ୍ତି ମାହେଶ୍ୱରୀ ପରମ ବୈଷ୍ଣବୀ
ସୃଷ୍ଟିର ସଙ୍କଟ କାଳେ ଆସମା’ ଭୈରବୀ (୨)
ପ୍ରକୃତି ରଚେ ତାଣ୍ଡବ
ଶୁଭେ କରାଳ ଶବଦ
ତ୍ରାହିକର ଜଗତକୁ ମା ‘ ।
ଜୟ ଜୟ ଜଗଦମ୍ବେ ମା’
ତେନ୍ତୁଳିପଦୀ ,ହାଟଡ଼ିହି ,କେନ୍ଦୁଝର
