ତେନ୍ତୁଳିଖୁଣ୍ଟି :୧୨/୧୦/୨୨ ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ଖାତିଗୁଡା ସ୍ଥିତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସର ରୁ ଜଳ ନିଷ୍କାସନ ବ୍ୟବସ୍ଥା ନଥିବା ଯୋଗୁଁ ବର୍ଷା ହେଲେ ବିଦ୍ୟାଳୟ ପରିସର ଜଳମଗ୍ନ ହେଉଛି। ବର୍ଷା ଦିନ ତମାମ ବିଦ୍ୟାଳୟ ର ଶିକ୍ଷୟତ୍ରୀ ଶିକ୍ଷକ ଓ ଛାତ୍ରୀ ଛାତ୍ର ଜଳମୟ ପରିସର ରେ ବିତାଇଛନ୍ତି। ଜଳମଗ୍ନ ହେଲେ ବିଦ୍ୟାଳୟ କୁ ପ୍ରବେଶ କରିବା ବିପଦ ପୂର୍ଣ୍ଣ ଲାଗୁଛି କାରଣ ବର୍ଷା ଜଳରେ ଆଖ ସ୍ଥାନରୁ ସରୀସୃପ ଭାସି ଆସିବା ସମ୍ଭାବନା ରହିଛି ତଥା ରାସ୍ତା ପାର୍ଶ୍ଵ ଆବର୍ଜନା ଆସିଯାଉଛି । ଏହି ପରିସ୍ଥିିତି ଛାତ୍ର ଛାତ୍ରୀ ବିଦ୍ୟାଳୟ କୁ ଯାନ୍ତି । ବିଦ୍ୟାଳୟରେ ଥିବା ବେଳେ ବର୍ଷା ହେଲେ ଜଳ ନିଷ୍କାସନ ପର୍ଯ୍ୟନ୍ତ ଅପେକ୍ଷା କରିବାକୁ ପଡୁଛି କିନ୍ତୁ ବର୍ଷା ଜାରୀ ରହିଲେ କଥା ସରିଲା।ବିଦ୍ୟାଳୟ ର ଏହି ସମସ୍ୟା ସମ୍ପର୍କରେ ବିଦ୍ୟାଳୟ କର୍ତ୍ତୃପକ୍ଷ ଙ୍କୁ ଅବଗତ କରାଯାଇଛି । ବିଦ୍ୟାଳୟ ଗୁଡିକ ର ନିର୍ମାଣ ତଥା ରକ୍ଷଣାବେକ୍ଷଣ ଦାୟିତ୍ୱ ରାଜ୍ୟ ସରକାର ପଂଚାୟତ କୁ ପ୍ରଦାନ କରିବା ପରେ ସ୍ଥାନୀୟ ସରପଞ୍ଚ ନିଜେ ଆସି ସମସ୍ୟା ଦେଖି ଯାଇଛନ୍ତି। ଇତିମଧ୍ୟରେ ଦୀର୍ଘମାସ ବିତିଯାଇଥିଲେ ମଧ୍ୟ କିଛି ସମାଧାନ ହୋଇ ନାହିଁ। ଆଜି ମାତ୍ର ଏକ ଘଣ୍ଟା ର ବର୍ଷା ରେ ବିଦ୍ୟାଳୟ ର ଦୃଶ୍ୟ ଏଭଳି ହୋଇଛି। ବିଦ୍ୟାଳୟ ର ଛାତ୍ର ଛାତ୍ରୀ ହିତ ପାଇଁ ତୁରନ୍ତ ଜଳ ନିଷ୍କାସନ ବ୍ୟବସ୍ଥା କରିବାକୁ ସାଧାରଣରେ ଦାବୀ ହେଉଛି।
ଗୋବର୍ଦ୍ଧନ ସାହୁ ତେନ୍ତୁଳିଖୁଣ୍ଟି
