ଜୀବନ ନଈରେ ଢେଉ
ତ୍ରିଲୋଚନ ପାଢୀ
(ଶିକ୍ଷକ )
ଜୀବନ ନୁହଁଇ
ଗୋଲାପର ଶେଯ
ସୁଖ ଥିଲେ ଦୁଃଖ ଥାଏ
ପାଣି ଫୋଟକାର
ସମ ଏ ଜୀବନ
ଜନ୍ମିଲେ ମରଣ ହୁଏ l
ନଈ ସମୁଦ୍ରର
ଜଳରାଶିରେ
ଢେଉ ସଦା ସୃଷ୍ଟିହୁଏ
ଲହରୀ ମାଳାରେ
ବେଳାଭୂମି ତଟେ
ଆସି ମୁଣ୍ଡ ପିଟୁଥାଏ l
ଢେଉ ପ୍ରଭାବରେ
ତଟ ଭୂମିପରେ
ବାଲୁକା ଶଯ୍ୟାର
ହୋଇଥାଏ କ୍ଷୟକ୍ଷତି
ବର୍ଷା ବତାସରେ
ବନ୍ୟା ସମୟେ
ଢେଉ ହୁଏ ଭୟଙ୍କର ଅତି l
କର୍ମ ବାମହେଲେ
ନିଷ୍ଠୁର ଦଇବ
ସାଧନ୍ତି ଅଶେଷ ଦାଉ
ଜୀବନରେ ଆସେ
ନାନା ଝଡ଼ଝଞ୍ଜା
ଦୁଃଖ, ରୋଗ, ଶୋକ ଢେଉ l
ଜୀବନ ଅଛି ତ
ସମସ୍ୟା ଆସିବ
ଢେଉ ପରି ଚାଲିଯିବ
ସବୁ ସହିବାକୁ
ଛାତିକୁ ପଥର
କରିବାକୁ ଏଠି ହେବ ll
ସମ୍ପାଦକ, ସମ୍ବାଦ ସାହିତ୍ୟ ଘର, ନାଉଗାଁ
ସା, ପୋ :-ନନ୍ଦିଗ୍ରାମ
ଭାୟା :-ନାଉଗାଁ ହାଟ
ଜିଲ୍ଲା :-ଜଗତସିଂହପୁର
