କୋକସରା ,୨୧/୧୦ ( ମ ନି ସ) କଳାହାଣ୍ଡି ଜିଲ୍ଲା କୋକସରା ତହସିଲ କାର୍ଯ୍ୟାଳୟରେ ଗୁରୁବାର ନୂତନ ତହସିଲଦାର ଭାବେ ଯୋଗଦେଲେ ଦେବବ୍ରତ କରାଟି। ପୂର୍ବରୁ ସେ କୋରାପୁଟ ଜିଲ୍ଲା ସେମିଳିଗୁଡା ତହସିଲରେ ଅତିରିକ୍ତ ତହସିଲଦାର ଭାବେ କାର୍ଯ୍ୟରତ ଥିଲେ । ଗୁରୁବାର କୋକସରା ତହସିଲଦାର ରାକେଶ ପାରୁଆଙ୍କ ଠାରୁ ନୂତନ ତହସିଲଦାର ଦେବବ୍ରତ କରାଟି କାର୍ଯ୍ୟଭାର ଗ୍ରହଣ କରିଥିବା ବେଳେ କୋକସରା ବ୍ଲକ ତହସିଲ ଓ ରାଜସ୍ୱ ବିଭାଗର କର୍ମଚାରୀ ମାନେ ତାଙ୍କୁ ସ୍ବାଗତ ଓ ସମ୍ବର୍ଦ୍ଧନା ଜଣାଇଥିଲେ।ଆଗକୁ ସେ ତହସିଲ ଅଧିନସ୍ଥ ଜନସାଧାରଣଙ୍କ ପାଇଁ ନିଷ୍ଠାର ସହ କାମ କରିବେ ବୋଲି କହିଛନ୍ତି।
