ଧର୍ମଗଡ:୨୫/୧୦/୨୨: ଆଜି ଓବିସି ଏସଟି ଏସସି ମିଳିତ ମହାସଂଘ କଳାହାଣ୍ଡି ତରଫରୁ ଧର୍ମଗଡ଼ ବିଜୁ କଲ୍ୟାଣ ମଣ୍ଡପ ଠାରେ ଏକ ସାମ୍ବାଦିକ ସମ୍ମଳନୀ ଅନୁଷ୍ଠିତ ହୋଇଥିଲା। ଏଥିରେ ଓବିସୀ ଙ୍କ ଜନଗଣନା,ଉଚ୍ଚ ଶିକ୍ଷା, ବୃତ୍ତିଗତ ଶିକ୍ଷା ଓ ବୈଷୟିକ ଶିକ୍ଷା ତଥା ନିଯୁକ୍ତି ରେ ପଛୁଆ ବର୍ଗକୁ ୨୭%ସଂରକ୍ଷଣ , ଏସ ଟି ଵର୍ଗକୁ ୨୨% ଓ ଏସସି ମାନଙ୍କୁ ୧୬% ସଂରକ୍ଷଣ ପ୍ରଦାନ କରାଯିବା ପାଇଁ ଦାବୀ କରିଥିଲେ। ସେହିଭଳି ପଛୁଆ ବର୍ଗ କୁ ସରକାରୀ ନିଯୁକ୍ତି ରେ ୧୧% ବଦଳରେ ୨୭% ସଂରକ୍ଷଣ ଦାବୀ କରା ଯାଇଥିଲା। 
ଏହି ତିନି ବର୍ଗ ର ଛାତ୍ର-ଛାତ୍ରୀ ମାନଙ୍କୁ ପ୍ରଶାସନିକ୍ ନିଯୁକ୍ତି ପାଇଁ ଜିଲ୍ଲା ସ୍ତରରେ କୋଚିଂ ଦେବାର ବ୍ୟବସ୍ଥା କରା ଯିବା ସହିତ ମହରା ଓ ଲୋହରା ସମାଜ କୁ ଏସସି/ଏସଟି ତାଲିକା ଭୁକ୍ତ କରିବା କୁ ମଧ୍ୟ ଦାବୀ କରା ଯାଇଥିଲା । ଡାକ୍ତରୀ, ଇଞ୍ଜିନୟରିଂ ଭଳି ଉଚ୍ଚ ଶିକ୍ଷାରେ ପଛୁଆ ବର୍ଗ ଙ୍କୁ ସଂରକ୍ଷଣ ନ ଦେବା , OCS ରେ ଏହି ବର୍ଗକୁ ୨୭% ବଦଳରେ ୧୧% ସଂରକ୍ଷଣ ଦେବା ଦୁଃଖ ର ବିଷୟ ବୋଲି ବକ୍ତା ମାନେ ମତ ଦେଇଥିଲେ । ଏହି କାର୍ଯ୍ୟକ୍ରମ ରେ ଆବାହକ ଡମ୍ବରୁଧର ଲହଜଲ, ଆଇନଜୀବି ଜହରାଲାଲ୍ ବାଗ, ଲବ ସରାଫ୍,ରତନ ନାଏକ,ରାମ ଦାସ ମେହେର,ଆଦିତ୍ୟ ହଂସ , ସୌମ୍ୟରଞ୍ଜନ ନାଏକ, ସେତୁରମ୍ ଭକ୍ତ , ନିରାକାର ଗୋପାଲ, ଡାକେଶ୍ୱର୍ ଲହଜଲ, ଦିଗାମ୍ବର ଦୁରିଆ, ଚକ୍ରଧର ବେଣୁପାଣି, ଫୁଲେଶ୍ୱର୍ ସେନାପତି ,ତ୍ରିନାଥ ମଶ୍ରା, ସଞ୍ଜୟ ଖମାରୀ, ଢଗମଲିଆ ନାଏକ, ରବି ନାଏକ ଆଦି କର୍ମକର୍ତ୍ତା ଉପସ୍ଥିତି ଥିଲେ। ଦାବୀ ପୂରଣ ନ ହେଲେ ଆଗାମୀ ଦିନରେ ଭୟଙ୍କର ଆନ୍ଦୋଳନ ହେବ ବୋଲି ଚେତାବନୀ ଦେଇଥିଲେ।
ଧର୍ମଗଡ ରୁ ବୈଦ୍ୟ ନାଥ ବେହେରା ଙ୍କ ରିପୋର୍ଟ୍
