ଜଣାଣ

ମାନଗୋବିନ୍ଦ ସ୍ବାଇଁ

ଗୁହାରୀ ଶୁଣିବ ହେ କଳା ଶ୍ରୀମୁଖ

    ଏଇ ମୋ ଗରୀବ ଡାକ

ତୁମରି ଦୁଆରେ ହାତ ପାତି ବସେ

       ଦିବସ ରଜନୀ ଯାକ।

କି ବର୍ଷା କି ଖରା ଜଗି ବସେ ସଦା

    ପେଟ ଚାଖଣ୍ଡକ ପାଇଁ

ପିଲା ଛୁଆ ତାର ଭୋକ ଉପବାସ

    ରକ୍ଷା କର ହେ ଗୋସାଇଁ।

ଗାଉଛି ଭଜନ ଶ୍ରବଣ ମଧୁର

     କିଏ ଯାଚି ଦେଏ ଦାନ

ସେଥିରରେ ତୃପ୍ତି ସଂସାର ତାହାର

   ସଦା ଡାକ ଭଗବାନ।

ବାବୁ ଶଦ୍ଦ ତାର ହେଉଛି କାକୁତି

      ମିନତି ମାଗଇ ଦାନ

କିଏ ଧର୍ମ ବ୍ୟକ୍ତି ଯାଚି ଦେଇ ଅର୍ଥ

      ଭକ୍ତି ରହୁ ସବୁ ଦିନ ।

ତୋ ମୁଖକୁ ଚାହିଁ ମୋ ଥାଳ ପୁରିଲା

       ଧରା ଦିଅ ସୁଖ ଶାନ୍ତି

ଜଗତ ବାସୀଙ୍କୁ ମଙ୍ଗଳ କରନ୍ତୁ

     ଭାବରେ କରୁଛି ଭକ୍ତି।

ଚାହିଁ ଦେଲେ ବାନା ଦୂର ରହେ ଶତ୍ରୁ

         ହସଖୁସି ନିଳାଞ୍ଚଳ

ଭକ୍ତିରେ କହିବା ଭାବରେ ଗାଇବା

      ମୋ ପ୍ରଭୁ ବିଜେ ଦେଉଳ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା