ଜଣାଣ

 

ମାନଗୋବିନ୍ଦ ସ୍ବାଇଁ

କହିବି ପ୍ରଭୁ ହେ ମୋ ଅନ୍ତର କଥା

    ବୁଝିବ ଶୁଣିବ ବ୍ୟଥା

ସଂସାର ମଧ୍ୟରେ ଦୁଃଖ କଷ୍ଟ ସହି

     ପୂଜା କରୁଛି ଦେବତା।

କାନ ଥାଇ ଶୁଣି ସତ କହୁ ନାହିଁ

    କାନ ତୁମେ ଭଗବାନ

ତୁଣ୍ଡରେ ସଂଗୀତ ମନରେ ଆନନ୍ଦ

      ଗାଇବା ପ୍ରଭୁ ଭଜନ।

କାର୍ତ୍ତିକ ମାସକୁ ଧର୍ମ ମାସ କହି

    ଭଗବାନ ନାମ ଜପ

ପବିତ୍ର ହୋଇବା ଶାନ୍ତିରେ ବଞ୍ଚିବା

      ଧରାରୁ ତୁଟିବ ପାପ।

ଦୁଃଖ କଷ୍ଟ ମିଶି ସଂସାର ଭିତରେ

      ଧର୍ଯ୍ୟରେ ଯାଉଛି ଚଳି

ଭାଗ୍ୟ ପଥ କେବେ ମୋ ପରିବର୍ତ୍ତନ

    ଠାକୁର ପାଶେ ମୋ ଅଳି।

ଭଜନ କୀର୍ତ୍ତନ ଯେତେ ଦୂର ଯିବ

    ପାପ ସବୁ ଯିବ ଛାଡ଼ି

ଖୁସି ମନ ଧରି କାମ କରୁଥିଲେ

    ପ୍ରଭୁ ପାଦେ ହାତ ଯୋଡ଼ି।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା