ତାଳଚେର – ଅନୁଗୁଳ ଜିଲ୍ଲା ତାଳଚେର ଉପଜିଲ୍ଲାପାଳ କାର୍ଯ୍ୟାଳୟ ପରିସରରେ ଥିବା ପଞ୍ଚାୟତ ସଭାଗୃହ ଠାରେ ଏରିଆ ପାକ୍ଷୀକ ଖବର କାଗଜ ପକ୍ଷରୁ ୭ମ ସ୍ଵନକ୍ଷତ୍ର ଦିବସ ପାଳିତ ହୋଇଯାଇଛି । ଏହି ଅବସରରେ ମୁଖ୍ୟ ଅତିଥି ଭାବେ ବରିଷ୍ଠ ସାମ୍ବାଦିକ ଦେବୀ ମିଶ୍ର , ସମ୍ମାନିତ ଅତିଥି ଭାବେ ଡଃ ରଶ୍ମୀ ରଞ୍ଜନ ମିଶ୍ର , ସମାଜ ସେବୀ ବିଭୂତି ସାହୁ , ବିରଞ୍ଚି ସାହୁ , ପ୍ରଗତି ମହିଳା ମଣ୍ଡଳର ସଭାନେତ୍ରୀ ଡଲି ମିଶ୍ରା , ମୁଖ୍ୟ ବକ୍ତା ଭାବେ ବରିଷ୍ଠ ସାମ୍ବାଦିକ ଧୀର ମୋହନ ରାୟ ଏବଂ ଏରିଆ ଖବରର ସମ୍ପାଦକ ସୌଭାଗ୍ୟ ଚନ୍ଦ୍ର ନାୟକ ପ୍ରମୁଖ ମଞ୍ଚାସୀନ ଥିଲେ । ପ୍ରଥମେ ସଭାଗୃହରେ ପ୍ରବେଶ କରି ଜଗତରନାଥ ଜଗନ୍ନାଥଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ ପୂର୍ବକ ଆନୁଷଙ୍ଗିକ ଭାବେ କାର୍ଯ୍ୟକ୍ରମ ଆରମ୍ଭ ହୋଇଥିଲା । ପରେ ସହିଦ ମାନସ ରଞ୍ଜନ ମହାନ୍ତିଙ୍କ ପ୍ରତିମୃତିରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା । ଅତିଥି ମାନଙ୍କ ଉପସ୍ଥିତିରେ ଖବର କାଗଜର ସ୍ୱତନ୍ତ୍ର ସଂଖ୍ୟା ଉନ୍ମୋଚନ କରାଯାଇଥିଲା । ପରେ ମଞ୍ଚାସୀନ ଅତିଥି ମାନେ ଅଭିଭାଷଣ ମାଧ୍ୟମରେ ଖବର କାଗଜ ସମ୍ପର୍କରେ ଆଲୋଚନା ପୂର୍ବକ ମତ ପୋଷଣ କରିଥିଲେ କି ଖବର କାଗଜ ଟିଏ ସମାଜର ପରିବର୍ତ୍ତନ କ୍ଷେତ୍ରରେ ମୁଖ୍ୟ ଭୂମିକା ଗ୍ରହଣ କରିଥାଏ । ବର୍ତ୍ତମାନ ଡିଜିଟାଲ ଯୁଗରେ ଛାତ୍ରଛାତ୍ରୀ ଏବଂ ଯୁବପିଢି ମାନେ ଖବର କାଗଜ ଠାରୁ ଦୂରେଇ ରହି ମୋବାଇଲ , ଇଣ୍ଟରନେଟ ମଧ୍ୟରେ ନିଜକୁ ସିମୀତ ରଖିଥିବା ବେଳେ ଖବର କାଗଜକୁ ପ୍ରତ୍ୟହ ପଠନ କରିବା ପାଇଁ ଅତିଥି ମାନେ ମତ ବ୍ୟକ୍ତ କରିଥିଲେ । ଏହି ଅବସରରେ ଶିକ୍ଷା , ସାମ୍ବାଦିକତା , ସମାଜସେବା , ସ୍ବାସ୍ଥ୍ୟସେବା ଇତ୍ୟାଦି କ୍ଷେତ୍ରରେ କୃତ୍ତିତ୍ୱ ଅର୍ଜନ କରିଥିବା ୩୦ ଜଣଙ୍କୁ ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମରେ ମନୋରଞ୍ଜନ ଦାସ , ବାସୁଦେବ ପ୍ରଧାନ , ତ୍ରିଲୋଚନ ନାୟକ , ପ୍ରଦୀପ ନାୟକ , ସନାତନ କର , ଦିନାନାଥ ସା ପ୍ରମୁଖ ସହଯୋଗ କରିଥିଲେ । ପରିଶେଷରେ ଖବର କାଗଜର ସମ୍ପାଦକ ସୌଭାଗ୍ୟ ଚନ୍ଦ୍ର ନାୟକ ଉପସ୍ଥିତ ଅତିଥି ମାନଙ୍କୁ ଧନ୍ୟବାଦ୍ ଅର୍ପଣ କରିଥିଲେ । ଅପରପକ୍ଷେ ପ୍ରତ୍ୟେକ ବର୍ଷ ଭଳି ଚଳିତ ବର୍ଷ ମଧ୍ୟ ସ୍ଵନକ୍ଷତ୍ର ପାଳନ ପୂର୍ବରୁ ତାଳଚେର ସରକାରୀ ଆଇଟିଆଇ ପରିସରରେ ବୃକ୍ଷ ରୋପଣ କରାଯାଇଥିଲା ।
ତାଳଚେର ରୁ ଆର୍ତ୍ତତ୍ରାଣ ପାଣି ଙ୍କ ରିପୋର୍ଟ
