କାମାକ୍ଷାନଗର (ମ ନି ସ)୦୬/୦୧// ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ବ୍ଲକ୍ ରହଣି ସ୍ଥିତ ସଂସ୍କାର ପବ୍ଲିକ ସ୍କୁଲ ଠାରେ ୨୮ତମ ରାଜ୍ୟସ୍ତରୀୟ କନିଷ୍ଠ ବର୍ଗ ବଲ୍ ବ୍ୟାଡମିଣ୍ଟନ ପ୍ରତିଯୋଗୀତା ଆରମ୍ଭ ହୋଇ ଯାଇଛି |ସୂଚନା ମୁତାବକ ୩ ଦିନ ଧରି ହେବାକୁ ଥିବାବେଳେ, ଏହି ପ୍ରତିଯୋଗିତାରେ ରାଜ୍ୟ ୨୨ ଟି ଜିଲ୍ଲା ରୁ ଉଭୟ ବାଳକ ଓ ବାଳିକା ଟିମ୍ ଅଂଶ ଗ୍ରହଣ କରିଛନ୍ତି| ଉଦଘାଟନୀ ଉତ୍ସବରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ଡାକ୍ତର ଡା. ନରହରି ପଣ୍ଡା ଯୋଗ ଦେଇଥିବାବେଳେ ସନ୍ମାନିତ ଅତିଥି ଭାବେ ରାଜ୍ୟ ବଲ ବ୍ୟାଡମିଣ୍ଟନ ସମ୍ପାଦକ ସୁକାନ୍ତ ଦାସ , ଭୁବନ ବ୍ଲକ ଅଧକ୍ଷ ଧର୍ମାନନ୍ଦ ବରାଳ ଓ ସଂସ୍କାର ପବ୍ଲିକ ସ୍କୁଲ ଅଧକ୍ଷ ପ୍ରଫୁଲ ଥମ୍ବ ପ୍ରମୁଖ ଉପସ୍ଥିତ ଥିଲେ | ଏହି ଅବସରରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା। ତେବେ ସ୍କୁଲ ଛାତ୍ର ଛାତ୍ରୀ ମାନଙ୍କ ଦ୍ବାରା ବିଭିନ୍ନ ସାଂସ୍କୃତିକ ନାଚ ଗୀତ ଅନଷ୍ଠିତ ହୋଇଥିଲା। ରାଜ୍ୟ ର କୋଣ ଅନୁକୋଣ ରୁ ଆସିଥିବା ପ୍ରତିଯୋଗୀଙ୍କୁ ସ୍କୁଲ ତରଫରୁ ସ୍ବାଗତ ସମ୍ବର୍ଦ୍ଧନା ଦେଇ ପାଛୋଟି ନେଇଥିଲା | ସେପଟେ ପ୍ରଦୀପ ପ୍ରଜ୍ବଳନ ସହ ପ୍ରତିଯୋଗୀ ଙ୍କୁ ଉତ୍ସାହିତ କରିବା ପାଇଁ ଉପସ୍ଥିତି ଅତିଥି ମାନେ ନିଜର ଅଭିଭାଷଣ ରଖିଥିଲେ| ଏବଂ ପରିଶେଷରେ ମ୍ୟାଚ ଆନୁଷ୍ଠାନିକ ଭାବେ ଆରମ୍ଭ ହୋଇଥିଲା।
କାମାକ୍ଷାନଗରରୁ ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
